20 qazan. Tulǵalar týǵan kún
Búgin, 20 qazan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
68 jyl buryn (1955) qazaqstandyq dıplomat, Qazaqstan Respýblıkasynyń Norvegııa Koroldigindegi burynǵy Tótenshe jáne Ókiletti Elshisi Qaırat Hýatuly ÁBÝSEIІTOV dúnıege keldi.
Almaty qalasynda dúnıege kelgen. S.M. Kırov atyndaǵy Qazaq memlekettik ýnıversıtetiniń tarıh fakýltetin (1979), M.V. Lomonosov atyndaǵy MMÝ aspırantýrasyn (1986) bitirdi. Almaty joǵary partııa mektebiniń dotsenti (1989-1992); І dárejeli Tótenshe jáne Ókiletti Elshi (10.2005).
1985-1989 jyldary – QazMÝ-diń assıstenti, aǵa oqytýshysy, dekan orynbasary. 1989-1992 jyldary – Almaty joǵary partııa mektebiniń, keıin Almaty polıtologııa jáne basqarý ınstıtýty álemdik saıasat jáne halyqaralyq qatynastar kafedrasynyń dotsenti. 1992-1993 jyldary – QR Prezıdenti janyndaǵy Qazaq menedjment, ekonomıka jáne boljaý ınstıtýty Strategııalyq zertteýler ortalyǵy syrtqy saıasat jáne ulttyq qaýipsizdik boıynsha baǵdarlamasynyń basshysy. 1993-1996 jyldary – QR SІM Ortalyq apparatynda jaýapty dıplomatııalyq laýazymdarda qyzmet atqardy. 1996-1998 jyldary – QR-dyń AQSh-taǵy Elshiliginiń keńesshisi. 1998-1999 jyldary – QR SІM Birinshi departament dırektorynyń orynbasary, Birinshi departamenttiń dırektory, Jan jaqty yntymaqtastyq departamentiniń dırektory. 1999-2002 jyldary – QR Syrtqy ister vıtse-mınıstri. 2002-2004 jyldary – QR Syrtqy ister birinshi vıtse-mınıstri. 2004-2008 jyldary – QR Shveıtsar Konfederatsııasyndaǵy Tótenshe jáne Ókiletti Elshisi, QR Úkimetiniń BUU Bólimshesi jáne Jeneva qalasynda ornalasqan basqa halyqaralyq uıymdar jańyndaǵy turaqty ókili qyzmetin qosa atqarýshy. 2008-2014 jyldary QR Ulybrıtanııa jáne Soltústik Irlandııa Qurama Koroldigindegi Tótenshe jáne Ókiletti Elshisi. 2008-2013 jyldary – Qazaqstannyń Irlandııa, Islandııa respýblıkalary men Shvetsııa Koroldigindegi Ókiletti Elshisi qyzmetin qosa atqarýshy. 2014-2018 jyldary – QR-dyń Norvegııa Koroldigindegi burynǵy Tótenshe jáne Ókiletti Elshisi.
«Qurmet» ordenimen, medaldarmen marapattalǵan.
59 jyl buryn (1964) Aqtóbe oblysy ákiminiń orynbasary Jaqsyǵalı Islamuly IMANQULOV dúnıege keldi.
Orynbor oblysynda týǵan. Orynbor aýylsharýashylyq ınstıtýtyn, L. Goncharov atyndaǵy Qazaq avtomobıl joldary ýnıversıtetin bitirgen.
Eńbek jolyn 1987 jyly «Maǵadjan» keńsharynda mal dárigeri, aǵa zootehnıgi, «Maǵadjan» keńsharynyń dırektory, QR aýyl sharýashylyǵy mınıstrliginiń Aqtóbe aýmaqtyq basqarmasy shekaradaǵy jáne kóliktegi mal dárigerlik jáne fıtosanıtarlyq baqylaý bóliminiń bastyǵy, Aqtóbe oblysynyń jer qoınaýyn paıdalaný jáne qorshaǵan ortany qorǵaý basqarmasynyń basshysy boldy.
Ár jyldary Aqtóbe oblysynyń tabıǵı resýrstar jáne tabıǵatty paıdalanýdy retteý basqarmasyn, Tobyl-Torǵaı ekologııa departamentin, Aqtóbe oblysy boıynsha ekologııa departamentin basqardy.
2020-2021 jyldary Aqtóbe oblysynyń tabıǵı resýrstar jáne tabıǵatty paıdalanýdy retteý basqarmasyn basqardy.
Qazirgi qyzmetin 2021 jyldyń mamyr aıynan beri atqaryp keledi.
46 jyl buryn (1976) Almaty qalasy ákiminiń orynbasary Arman Orazbaıuly QYRYQBAEV dúnıege keldi.
Tselınograd qalasynda (qazirgi Astana qalasy) dúnıege kelgen. 1992 jyly Jezqazǵan oblysy, Prıozersk aýdanynyń Shashýbaı kentinde (qazirgi Qaraǵandy oblysy Aqtoǵaı aýdany) №7 mektepti bitirdi. 1992-1996 jyldary Qazaq Memlekettik Ekonomıkalyq Ýnıversıtetinde «halyqaralyq ekonomıkalyq qatynastar» mamandyǵy boıynsha oqydy.
Eńbek jolyn 1996 jyly QR Syrtqy ister mınıstrliginiń TMD jáne Baltııa elderi basqarmasynyń referenti retinde bastady. 1997 jyly QR Syrtqy ister mınıstrliginiń TMD departamentinde attashe bolyp qyzmet atqardy. 1997-1999 jyldary QR Ózbekstandaǵy elshiliginde attashe boldy. 1999-2000 jyldary QR Ózbekstandaǵy elshiliginiń úshinshi hatshysy qyzmetin atqardy. 2000 jyldyń tamyz aıynda QR Syrtqy ister mınıstrliginiń joldamasymen QR Syrtqy ister mınıstrliginiń Dıplomatııalyq akademııasyna oqýǵa túsip, ony támamdaǵannan keıin TMD Komıtetiniń Orta Azııa jáne Zakavkazıa bóliminde Ekinshi hatshy bolyp qyzmet etti. 2002-2004 jyldary – «Korporatsııa «AVE» JAQ Strategııa jáne marketıng departamentiniń dırektory, keıin Korporatıvtik damý departamentiniń dırektory. 2004-2005 jyldary «K-MART» JShS bas dırektory mindetin birlese atqardy. 2005 jyly Almaty qalasy Medeý aýdany ákiminiń orynbasary, 2005-2006 jyldary Almaty qalasy Jastar saıasatyn damytý qorynyń dırektory qyzmetterinde boldy. 2006-2008 jyldary Mádenıet jáne aqparat mınıstrligi qoǵamdyq-saıası jumys jáne qoǵammen baılanystar departamentiniń dırektory, al 2008-2010 jyldary Mádenıet jáne aqparat mınıstrliginiń Mádenıet komıtetiniń tóraǵasy bolyp qyzmet etti. 2010-2012 jyldary Qaraǵandy oblysy ákiminiń orynbasary qyzmetin atqardy. 2012-2014 jyldary QR Mádenıet jáne aqparat vıtse-mınıstri boldy. 2014-2015 jyldary – «Nur Otan» partııasy Tóraǵasynyń birinshi orynbasarynyń keńesshisi. 2015-2019 jyldary – Almaty qalasy ákiminiń orynbasary. 2019-2022 jyldary – Nur Otan partııasynyń hatshysy.
Qazirgi qyzmetin 2022 jyldyń aqpan aıynan beri atqaryp keledi.
45 jyl buryn (1978) Semeı qalasynyń mamandandyrylǵan ákimshilik sotynyń tóraǵasy Eskendir Qaıyrbekuly ShYNYBAEV dúnıege keldi.
Shyǵys Qazaqstan oblysynda týǵan. 1999 jyly Qazaq memlekettik zań ýnıversıtetinde quqyqtaný magıstri dárejesin alǵan. Sonymen qatar Qazaq ınnovatsııalyq gýmanıtarlyq-zań ýnıversıtetin quqyqtaný mamandyǵy boıynsha támamdaǵan.
Eńbek joly: 2000 jyly Shyǵys Qazaqstan oblysy prokýratýrasynyń organdarynda jumys istegen. 2000-2014 jyldary túrli qyzmetterde, atap aıtqanda prokýratýra organdarynda jáne ekonomıkalyq jáne sybaılas jemqorlyqpen kúres jónindegi departamentte jetekshilik qyzmetter atqarǵan. 2014-2016 jyldary – Zyrıan aýdandyq sotynyń sýdıasy; 2016-2021 jyldary – Shemonaıha aýdandyq sotynyń tóraǵasy.
2021 jyldyń mamyrynan bastap qazirgi qyzmetinde.
40 jyl buryn (1983) Almaty oblysynyń prokýrory Berik Abyzbaıuly ADAMOV dúnıege keldi.
Pavlodar oblysynda týǵan. Gýmanıtarlyq-zań ýnıversıtetin (2004), Innovatsııalyq Eýrazııa ýnıversıtetin (2006), RF Bas prokýratýrasy Akademııasyn (2016) támamdaǵan.
Pavlodar qalasy prokýrorynyń kómekshisi, Astana qalasy Almaty aýdandyq prokýrorynyń aǵa kómekshisi, Astana prokýratýra basqarmasynyń prokýrory, QR Bas prokýratýrasy departamentiniń Birinshi bóliminde prokýror, Qaraǵandy oblysy jáne Astana qalasy prokýratýrasy 4-shi basqarmasynyń bastyǵy, Ekibastuz qalasynyń prokýrory, Almaty qalasy prokýrorynyń orynbasary, Almaty qalasy prokýrorynyń birinshi orynbasary qyzmetterin atqarǵan.
Qazirgi qyzmetin 2022 jyldyń tamyzynan beri atqaryp keledi.
91 jyl buryn (1932-2016) aqyn, prozashy, jýrnalıst-pýblıtsıst, qoǵam qaıratkeri Nurǵoja Narynbaıuly ORAZ dúnıege kelgen.
Qostanaı oblysy Ýrıtskıı (qazirgi Sarykól) aýdany «Oktıabr» kolhozynda týǵan. 1956 jyly Almaty qalasyndaǵy S.M. Kırov atyndaǵy Qazaq memlekettik ýnıversıtetiniń fılologııa fakýltetin bitirgen soń týǵan aýylynda muǵalim bolyp alǵashqy eńbek jolyn bastaǵan. Keıin Qostanaı oblystyq «Kommýnızm týy» gazetinde tilshi bolyp qyzmet atqarǵan. 1963 jyly Tselınograd qalasyna qonys aýdaryp, ólkelik «Tyń ólkesi» gazetine jumysqa aýysady. 1965-1991 jyldar aralyǵynda Qazaqstan Jazýshylar odaǵynyń oblysaralyq bólimshesin basqardy. 1990 jyldan ómirden ótkenshe ózi ashqan ádebı-kórkem, qoǵamdyq-saıası «Saryarqa» (keıin «Jańa Saryarqa») jýrnalynyń bas redaktory boldy.
Qazaqstan Respýblıkasynyń eńbek sińirgen mádenıet qyzmetkeri, QR Jýrnalıster odaǵynyń M. Seralın atyndaǵy syılyǵynyń laýreaty, «Astana» jáne «Táýelsizdiktiń 10 jyldyǵy» medaldarymen marapattalǵan. «Qazaqstannyń eńbek sińirgen qaıratkeri» (2006).
Óleńder toptamasy ýkraın, orys, qyrǵyz tilderine aýdarylǵan.
73 jyl buryn (1950-1998) akter, Qazaqstannyń eńbek sińirgen ártisi Toqsyn QULYBEKOV dúnıege keldi.
Almaty oblysynyń Kerbulaq aýdanynda týǵan. Qurmanǵazy atyndaǵy Almaty memlekettik konservatorııasyn (qazirgi Qurmanǵazy atyndaǵy Qazaq ulttyq konservatorııasy) bitirgen.
1968-1970 jyldary Amangeldi ujymsharynda mádenıet úıiniń meńgerýshisi, Qazaq radıosynyń dıktory, rejısseri bolyp istedi. Sondaı-aq, ol sol tusta kórermenderdiń súıikti baǵdarlamalary bolǵan «Qymyzhana», «Altybaqan», «Jebe» telehabarlarynyń júrgizýshisi boldy. 1984 jyldan ómiriniń sońyna deıin «Tamasha» oıyn-saýyq otaýynyń quramynda óner kórsetti.
«Jiger» jastar festıvaliniń laýreaty.
60 jyl buryn (1963-2008) aýyr atletıkadan Olımpıada chempıony Anatolıı Mıhaılovıch HRAPATYI dúnıege keldi.
Aqmola oblysynyń Atbasar qalasynda týǵan. Almatydaǵy Qazaq dene shynyqtyrý ınstıtýtyn bitirgen. Alǵashqy bapkeri – A. Sıdorov. Ol Qazaqstan jáne KSRO-nyń birneshe dúrkin chempıony, Azııa oıyndarynyń kúmis júldegeri, eki márte Azııa chempıony jáne Ortalyq Azııa oıyndarynyń, Shyǵys Azııa oıyndarynyń jeńimpazy, bes dúrkin Eýropa jáne álem chempıony, Olımpıada oıyndarynyń altyn (Seýl, 1988) jáne kúmis (Atlanta, 1996) júldegeri bolǵan.
«Qurmet» ordenimen marapattalǵan.
