20 qazan. Kazinform kúntizbesi. Tulǵalar týǵan kún

Arman QYRYQBAEV, Qazaqstan Respýblıkasynyń Mádenıet jáne aqparat mınıstri

1976 jyly Tselınograd (Astana) qalasynda týǵan. Qazaq memlekettik basqarý akademııasyn (1996); Qazaqstan Respýblıkasy Syrtqy ister mınıstrliginiń Dıplomatııalyq akademııasyn (2002) bitirgen.

Eńbek joly: Qazaqstan Respýblıkasy Syrtqy ister mınıstrliginiń referenti, attashesi (1996-1997); Qazaqstan Respýblıkasynyń Ózbekstandaǵy Elshiliginiń attashesi, úshinshi hatshysy (1997–2000); QR Syrtqy ister mınıstrliginiń ekinshi hatshysy (2002); «AVE Korporatsııa» JAQ strategııa jáne monıtorıng departamentiniń dırektory (2002–2005); Almaty qalasy Medeý aýdany ákiminiń orynbasary, Almaty qalasy Jastar saıasatyn damytý memlekettik qorynyń dırektory (2005–2006); QR Mádenıet jáne aqparat mınıstrliginiń Qoǵamdyq-saıası jumys jáne qoǵammen baılanys departamentiniń dırektory (2006–2008); QR Mádenıet jáne aqparat mınıstrligi Mádenıet komıtetiniń tóraǵasy (2008–2010); Qaraǵandy oblysy ákiminiń orynbasary (2010–2012); QR Mádenıet jáne aqparat vıtse-mınıstri (2012–2013); «Nur Otan» partııasy Tóraǵasynyń birinshi orynbasarynyń keńesshisi (2014–2015); Almaty qalasy ákiminiń orynbasary (2015–2019); «Nur Otan» partııasynyń hatshysy (2020–2022); Almaty qalasy ákiminiń orynbasary (2022–2024); QR Prezıdenti Ákimshiliginiń Kommýnıkatsııalar bóliminiń meńgerýshisi (2024–2025); QR Prezıdentiniń ishki saıasat máseleleri jáne kommýnıkatsııalar jónindegi kómekshisi (2025-2026).

Qazirgi laýazymyna 2026 jylǵy qyrkúıekte taǵaıyndaldy.

Eskendir ShYNYBAEV, Semeı qalasynyń mamandandyrylǵan ákimshilik sotynyń sýdıasy

Shyǵys Qazaqstan oblysynda týǵan. 1999 jyly Qazaq memlekettik zań ýnıversıtetinde quqyqtaný magıstri dárejesin alǵan. Sonymen qatar Qazaq ınnovatsııalyq gýmanıtarlyq-zań ýnıversıtetin quqyqtaný mamandyǵy boıynsha támamdaǵan.

Eńbek joly: 2000 jyly Shyǵys Qazaqstan oblysy prokýratýrasynyń organdarynda jumys istegen. 2000-2014 jyldary túrli qyzmetterde, atap aıtqanda prokýratýra organdarynda jáne ekonomıkalyq jáne sybaılas jemqorlyqpen kúres jónindegi departamentte jetekshilik qyzmetter atqarǵan. 2014-2016 jyldary Zyrıan aýdandyq sotynyń sýdıasy; 2016-2021 jyldary Shemonaıha aýdandyq sotynyń tóraǵasy; Semeı qalasynyń mamandandyrylǵan ákimshilik sotynyń sýdıasy (2021-2026).

2026 jyldyń qazan aıynan bastap qazirgi qyzmetinde.

Berik ADAMOV, Almaty oblysynyń prokýrory

1983 jyly Pavlodar oblysynda týǵan. Gýmanıtarlyq-zań ýnıversıtetin (2004), Innovatsııalyq Eýrazııa ýnıversıtetin (2006), RF Bas prokýratýrasy Akademııasyn (2016) támamdaǵan.

Pavlodar qalasy prokýrorynyń kómekshisi, Astana qalasy Almaty aýdandyq prokýrorynyń aǵa kómekshisi, Astana prokýratýra basqarmasynyń prokýrory, QR Bas prokýratýrasy departamentiniń Birinshi bóliminde prokýror, Qaraǵandy ​​oblysy jáne Astana qalasy prokýratýrasy 4-shi basqarmasynyń bastyǵy, Ekibastuz qalasynyń prokýrory, Almaty qalasy prokýrorynyń orynbasary, Almaty qalasy prokýrorynyń birinshi orynbasary qyzmetterin atqarǵan.

Qazirgi qyzmetin 2022 jyldyń tamyzynan beri atqaryp keledi.

Ǵalymjan MOLDANAZAR, ánshi, mýzykant, Moldanazar tobynyń solısi

1988 jyly Qyzylorda oblysy Qaraózek aýylynda dúnıege kelgen. Júrgenov atyndaǵy Qazaq ulttyq óner akademııasynda bilim alǵan.

Shyǵarmashylyq joly: Hıt telearnasynyń mýzykalyq sımpozıýmynda rok juldyzy Ásemmen birge «Jylama júregim» ánin oryndady (2011); «Aqpen birge» (2013) mýzykalyq beınebaıanyn shyǵardy; Moldanazar tobyn qurdy (2015); Moldanazar Break of Reality tobymen birge Nıý-Iorktegi sahnalarda óner kórsetti; «Óziń ǵana» klıpi (2016), án «Umytshy meni tez» (2016), «Janym sol» jáne «Seniń janyńda» (2017); «Taraz» fılminiń saýndtregin oryndady (2016 j. qazan); kompozıtsııa «Saǵym»; «Altynshy post» fılmine saýndtrek (2018); Ǵalymjan ýkraındyq oryndaýshy Ivan Dornmen birge «Qaıda» tregin shyǵardy (naýryz 2018); «Esimde bári» (2018), «Aıtarym kóp» (2020) jáne «Depti» (2021) mýzykalyq albomdaryn shyǵardy. 2024 jyldyń jeltoqsan aıynda Londondaǵy AIR stýdııasynda jańa «Arbir Janga (Árbir tiri janǵa)» áni jazyldy.

Nurǵoja ORAZ, belgili qazaq jazýshysy ári aqyny, jýrnalıst-pýblıtsıst, Qazaqstan Respýblıkasynyń eńbek sińirgen qaıratkeri

1932 jyly Qostanaı oblysynda týǵan. 1956 jyly Almaty qalasyndaǵy S. M. Kırov atyndaǵy Qazaq memlekettik ýnıversıtetiniń fılologııa fakýltetin bitirgen soń týǵan aýylynda muǵalim bolyp alǵashqy eńbek jolyn bastaǵan. Keıin Qostanaı oblystyq «Kommýnızm týy» gazetinde tilshi bolyp qyzmet atqarǵan. 1963 jyly Tselınograd qalasyna qonys aýdaryp, ólkelik «Tyń ólkesi» gazetine jumysqa aýysady. 1965-1991 jyldar aralyǵynda Qazaqstan Jazýshylar odaǵynyń oblysaralyq bólimshesin basqardy. 1990 jyldan ómirden ótkenshe ózi ashqan ádebı-kórkem, qoǵamdyq-saıası «Saryarqa» (keıin «Jańa Saryarqa») jýrnalynyń bas redaktory boldy.

40-tan astam kitaby jaryq kórgen. «Dostar haty», «Jaýqazyn shaq» povesteri, «To, chto ostaetsıa s namı» pesasy, «Kónil kóktemi» jınaǵy oqyrmanǵa tanymal. Óleńder toptamasy ýkraın, orys, qyrǵyz tilderine aýdarylǵan.

Qazaqstan Respýblıkasynyń eńbek sińirgen mádenıet qyzmetkeri, QR Jýrnalıster odaǵynyń M. Seralın atyndaǵy syılyǵynyń laýreaty, «Astana» jáne «Táýelsizdiktiń 10 jyldyǵy» medaldarymen marapattalǵan. «Qazaqstannyń eńbek sińirgen qaıratkeri» (2006).

Toqsyn QULYBEKOV, akter, Qazaqstannyń eńbek sińirgen ártisi

1950 jyly Almaty oblysynda týǵan. Qurmanǵazy atyndaǵy Almaty memlekettik konservatorııasyn (qazirgi Qurmanǵazy atyndaǵy Qazaq ulttyq konservatorııasy) bitirgen.

1968-1970 jyldary Amangeldi ujymsharynda mádenıet úıiniń meńgerýshisi, Qazaq radıosynyń dıktory, rejısseri bolyp istedi. Sondaı-aq, ol sol tusta kórermenderdiń súıikti baǵdarlamalary bolǵan «Qymyzhana», «Altybaqan», «Jebe» telehabarlarynyń júrgizýshisi boldy. 1984 jyldan ómiriniń sońyna deıin «Tamasha» oıyn-saýyq otaýynyń quramynda óner kórsetti.

«Jiger» jastar festıvaliniń laýreaty.

Anatolıı HRAPATYI, aýyratlet, KSRO sport sheberi, halyqaralyq sport sheberi, aýyr atletıkadan eńbek sińirgen sport sheberi

1963 jyly Aqmola oblysynyń Atbasar qalasynda týǵan. Almatydaǵy Qazaq dene shynyqtyrý ınstıtýtyn bitirgen. Alǵashqy bapkeri — A. Sıdorov. Ol Qazaqstan jáne KSRO-nyń birneshe dúrkin chempıony, Azııa oıyndarynyń kúmis júldegeri, eki márte Azııa chempıony jáne Ortalyq Azııa oıyndarynyń, Shyǵys Azııa oıyndarynyń jeńimpazy, bes dúrkin Eýropa jáne álem chempıony, Olımpıada oıyndarynyń altyn (Seýl, 1988) jáne kúmis (Atlanta, 1996) júldegeri bolǵan.

«Qurmet» ordenimen marapattalǵan.