20 qazaqstandyq stýdent Qyrǵyzstan joǵarǵy oqý ornynan shyǵarylady

ASTANA.KAZINFORM - Qyrǵyzstannyń Ulttyq qaýipsizdik komıteti Arabaev atyndaǵy QMÝ-de 59 stýdenttiń tirkeýde turǵanyn, biraq is júzinde ýnıversıtette oqymaǵanyn anyqtady, dep habarlaıdy KABAR.

Komıtettiń baspasóz qyzmetiniń habarlaýynsha, atalǵan oqý ornynda bilim berýdegi zań buzý týraly naqty aqparat kelip túsken. Oqý ornyna resmı túrde qabyldanǵan birqatar sheteldik stýdent Qyrǵyz Respýblıkasynan tys jerde is júzinde elde joq jáne oqý úderisine qatyspaǵany anyqtaldy.

Atalǵan fakti boıynsha Qyrǵyz Respýblıkasy Qylmystyq kodeksiniń 345-baby, 1-bóligi (qyzmettik jalǵandyq) boıynsha qylmystyq is qozǵalǵany atalyp ótti. Komıssııalyq tekserý júrgizilip, zań buzylǵany rastaldy.

Sondaı-aq 59 sheteldik stýdent oqýdan shyǵarý týraly sheshim qabyldanǵany kórsetilgen, onyń ishinde:

30-y Ózbekstan Respýblıkasynyń azamaty,

20-sy Qazaqstan Respýblıkasynyń azamaty,

9-y Reseı Federatsııasynyń azamaty.

Qazirgi ýaqytta Qyrǵyz Respýblıkasynyń Ulttyq qaýipsizdik memlekettik komıteti anyqtalǵan zań buzýǵa qatysy bar QMÝ oqytýshylary men ákimshilik qyzmetkerleri arasynan tulǵalardy anyqtaý boıynsha jedel-izdestirý is-sharalaryn júrgizip jatyr.