20 qarashada eldegi qandaı joldar jabyq
ALMATY. KAZINFORM – Qazaqstanda aýa raıyna baılanysty respýblıkalyq mańyzy bar avtojoldardyń birneshe ýchaskesinde shekteýler kúshinde.
«QazAvtoJol» málimetine sáıkes, eldegi birneshe tasjolda kólik qozǵalysy qalpyna keltirildi.
Soltústik Qazaqstan oblysy
2026 jylǵy 20 qarashada saǵat 07:00-de respýblıkalyq mańyzy bar «Peterfeld – Arhangelskoe – Novokamenka – Jezqazǵan – Arqalyq – Petropavl» avtojolynyń 0–13 shaqyrymy aralyǵyndaǵy ýchaskede kóliktiń barlyq túri úshin qozǵalys ashyldy.
Pavlodar oblysy
2026 jylǵy 20 qarashada saǵat 06:00-de respýblıkalyq mańyzy bar kelesi avtojol ýchaskelerinde kóliktiń barlyq túri úshin qozǵalys ashyldy:
* «Atameken – Ertis – RF shekarasy», 0–263 km (Atameken kenti – RF shekarasy);
* «QHR shekarasy – Maıqapshaǵaı – Zaısandy aınalyp ótý – Qalbataý – Semeı – Pavlodar – RF shekarasy (Úrlitóbe ótkizý pýnkti)», 191–390 km (Mıchýrıno kenti – RF shekarasy).
Joldardaǵy shekteýler
20 qarasha saǵat 08:00-degi jaǵdaı boıynsha Aqmola oblysynda respýblıkalyq joldardyń eki ýchaskesinde jyldamdyq rejımine shekteý qoıylǵan.
2026 jylǵy 19 qarashada saǵat 11:50-de aýa raıynyń qolaısyzdyǵyna, atap aıtqanda qalyń tumanǵa baılanysty respýblıkalyq mańyzy bar KAZ02 «Astana – Kókshetaý (aınalma jolmen) – Petropavl – RF shekarasy (Jańa jol ótkizý pýnkti – Aıdarly aýyly)» avtomobıl jolynyń 18–124 shaqyrymy aralyǵynda kóliktiń barlyq túri úshin jyldamdyq rejımi saǵatyna 140 shaqyrymnan 110 shaqyrymǵa deıin tómendetildi.
2026 jylǵy 19 qarasha saǵat 21:50-den bastap aýa raıynyń qolaısyzdyǵyna baılanysty respýblıkalyq mańyzy bar KAZ01 «Astana – Qaraǵandy – Almaty» avtomobıl jolynyń 30–92 shaqyrymy aralyǵynda (Jibek joly aýyly – Anar stantsııasy) kóliktiń barlyq túri úshin jyldamdyq rejımi saǵatyna 140 shaqyrymnan 100 shaqyrymǵa deıin tómendetildi.
Eske salaıyq, buǵan deıin Soltústik Qazaqstan oblysynda jol jabylǵanyn jazǵanbyz.
Sondaı-aq Almaty oblysynda úsh jol kóktemge deıin jabyldy.