20 qarasha. Kazinform kúntizbesi. Tulǵalar týǵan kún

Búgin, 20 qarasha kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.

kalendar kúntizbe
Foto: Kazinform

Búrkitbaı AıAǴAN, Memleket tarıhy ınstıtýty dırektorynyń orynbasary

Búrkitbaı AıAǴAN
Foto: assembly.kz

1954 jyly Soltústik Qazaqstan oblysynda dúnıege kelgen. 1979 jyly Abaı atyndaǵy Almaty memlekettik ýnıversıtetin bitirgen.

Eńbek joly: 1979-1981 jyldary Abaı atyndaǵy Almaty memlekettik ýnıversıtetinde (Abaı atyndaǵy QazPI) oqytýshy, 1981-1984 jyldary komsomol komıtetiniń hatshysy, 1984 jyly KOKP tarıhy kafedrasynyń aǵa oqytýshysy boldy. 1984-1990 jyldary Qazaq KSR Halyqqa bilim berý mınıstrligi Qoǵamdyq ǵylymdardy oqytý bas basqarmasynyń jetekshi mamany, 1990-1991 jyldary Qazaq KSR Prezıdenti apparatynyń Baspasózben baılanys jáne qoǵamdyq pikirdi zertteý bóliminiń keńesshisi, 1991 jyly Qazaq KSR Prezıdentiniń baspasóz hatshysy apparatynyń Qoǵamdyq pikirdi zertteý sektorynyń meńgerýshisi, 1991-1992 jyldary Baspasózben baılanys jáne qoǵamdyq pikirdi zertteý bóliminiń Qoǵamdyq pikirdi zertteý sektorynyń meńgerýshisi qyzmetin atqardy. 1992-1993 jyldary Prezıdenttiń baspasóz hatshysy qyzmetiniń keńesshisi, 1993-1994 jyldary bólim meńgerýshisiniń orynbasary — Qoǵamdyq úderisterdi úılestirý tobynyń jetekshisi, 1994-1995 jyldary QR Mınıstrler Kabıneti Іs basqarmasynyń Mádenıet jáne qoǵamdyq birlestiktermen baılanys bóliminiń meńgerýshisi orynbasary, 1995 jyly QR Mınıstrler Kabıneti Іs basqarmasynyń Іshki saıasat bóliminiń Jedel taldaý jáne aqparat sektorynyń meńgerýshisi boldy. 1995-1996 jyldary QR Úkimeti apparaty Іshki saıasat bóliminiń sektor meńgerýshisi, 1996-1998 jyldary QazMZÝ Syrtqy baılanystar ortalyǵynyń dırektory, 1998-1999 jyldary QR Aqparat jáne qoǵamdyq kelisim mınıstrligi Buqaralyq aqparat quraldary departamenti dırektorynyń orynbasary, 1999-2003 jyldary Almaty qalalyq aqparat jáne qoǵamdyq kelisim basqarmasynyń bastyǵy qyzmetin atqardy. 2003-2008 jyldary «Qazaq entsıklopedııasy» JAQ-nyń dırektory — bas redaktory, 2008-2020 jyldary QR Bilim jáne ǵylym mınıstrligi Ǵylym komıtetine qarasty Memleket tarıhy ınstıtýtynyń dırektory boldy.

«Qurmet» ordenimen, «Qazaqstan Respýblıkasynyń táýelsizdigine 10 jyl», «Eren eńbegi úshin», «Qazaqstan Respýblıkasynyń táýelsizdigine 20 jyl», Qazaqstan halqy Assambleıasynyń «Birlik» altyn medalimen, «Qazaqstan halqy Assambleıasyna 20 jyl», «Qazaqstan Respýblıkasy Konstıtýtsııasyna 20 jyl», «Qazaqstan Táýelsizdigine 25 jyl», «Eńbek ardageri», «Kitap mádenıetine qosqan zor úlesi úshin», «QR Prezıdenti janyndaǵy Qazaqstan strategııalyq zertteýler ınstıtýtyna 25 jyl» jáne akademık Manash Qozybaev atyndaǵy medaldarmen, Túrkııa Respýblıkasynyń estelik belgisimen, «Ǵylymǵa sińirgen eńbegi úshin», «Baspa jáne polıgrafııa isiniń qaıratkeri» qurmet belgilerimen, «Belsendi qyzmeti úshin» tósbelgisimen marapattalǵan.

Igor LEPEHA, Qazaqstan Respýblıkasy Іshki ister mınıstriniń orynbasary

Igor LEPEHA
Foto: QR ІІM

1962 jyly Qaraǵandy oblysynda dúnıege kelgen. 1984 jyly Qaraǵandy polıtehnıkalyq ınstıtýtyn ınjener mamandyǵy boıynsha, 1993 jyly Reseı Federatsııasy Іshki ister mınıstrliginiń akademııasyn zańger mamandyǵy boıynsha bitirgen.

Eńbek joly: 1986-1987 jyldary Qaraǵandy oblysy Temirtaý qalalyq ishki ister basqarmasy saıası bóliminiń aǵa nusqaýshysy, 1987-1988 jyldary Qaraǵandy oblysy Gagarın aýdandyq ishki ister bóliminiń saıası bólim jónindegi orynbasary, 1988-1990 jyldary Qaraǵandy oblysy Abaı qalalyq ishki ister bóliminiń saıası bólim jónindegi orynbasary boldy. 1990-1993 jyldary Reseı Federatsııasy Іshki ister mınıstrligi akademııasynyń tyńdaýshysy, 1993-1997 jyldary Qaraǵandy qalasy Sovet aýdandyq ishki ister basqarmasy bastyǵynyń orynbasary, birinshi orynbasary, 1997-1998 jyldary Qaraǵandy oblystyq ishki ister basqarmasy Patrýldik polıtsııa basqarmasynyń bastyǵy qyzmetin atqardy. 1998-2005 jyldary Qaraǵandy oblystyq ishki ister basqarmasy Qoǵamdyq qaýipsizdik basqarmasynyń Ákimshilik polıtsııa qyzmetiniń bastyǵy, 2005-2009 jyldary Qaraǵandy oblystyq ishki ister departamenti bastyǵynyń orynbasary, 2009-2011 jyldary QR Іshki ister mınıstrligi Ákimshilik polıtsııa komıteti tóraǵasynyń orynbasary qyzmetin atqardy. 2011-2018 jyldary QR Іshki ister mınıstrligi Ákimshilik polıtsııa komıtetiniń tóraǵasy, 2019-2020 jyldary QR Іshki ister mınıstrligi Shtabynyń bastyǵy — departament dırektory, 2020-2022 jyldary QR Іshki ister mınıstrligi Apparatynyń basshysy qyzmetterin atqarǵan.

Qazirgi qyzmetin 2022 jylǵy qazannan beri atqaryp keledi.

Qaırat BALABIEV, Ózbekáli Jánibekov atyndaǵy Ońtústik Qazaqstan pedagogıkalyq ýnıversıtetiniń rektory

Qaırat BALABIEV
Foto: gov.kz

1965 jyly Túrkistan oblysynda dúnıege kelgen. 1990 jyly E. Bóketov atyndaǵy Qaraǵandy memlekettik ýnıversıtetin quqyqtaný mamandyǵy boıynsha, 2003 jyly Ońtústik Qazaqstan ashyq ýnıversıtetin qarjy jáne nesıe mamandyǵy boıynsha bitirgen.

Eńbek ótili: 1990-1991 jyldary Shymkent qalasy Dzerjınskıı aýdany prokýratýrasynda taǵylymdamadan ótti. 1991-1994 jyldary Eńbekshi aýdany prokýrorynyń kómekshisi, Abaı aýdany prokýrorynyń aǵa kómekshisi, 1994-1996 jyldary Ońtústik Qazaqstan oblysy prokýratýrasynyń jedel-izdestirý qyzmeti, tergeý jáne anyqtaý zańdylyǵyn qadaǵalaý bóliminiń prokýrory, Shymkent qalasy Abaı aýdany prokýrorynyń orynbasary boldy. 1996-2000 jyldary Kırov aýdany prokýrorynyń orynbasary, 1997-2000 jyldary Maqtaaral aýdanynyń prokýrory, 2000-2001 jyldary oblys prokýratýrasynyń áleýmettik-ekonomıkalyq saladaǵy prokýrory, Ońtústik Qazaqstan oblystyq Ádilet basqarmasy bastyǵynyń orynbasary qyzmetterin atqarǵan. 2001-2003 jyldary Shymkent qalasyndaǵy Qazaq memlekettik zań akademııasynyń Ońtústik Qazaqstan zań ınstıtýtynyń, keıinnen Quqyqtaný, qarjy jáne qarjy quqyǵy ınstıtýtynyń rektory qyzmetin atqarǵan. 2003-2005 jyldary Shymkent qalasynyń prokýrory, 2005-2006 jyldary Ońtústik Qazaqstan oblysy prokýrorynyń orynbasary, 2006-2007 jyldary Jambyl oblysy prokýrorynyń orynbasary bolǵan. 2007-2008 jyldary Qazaq memlekettik zań ýnıversıteti Áleýmettik-saıası zertteýler ǵylymı-zertteý ınstıtýtynyń, 2007-2010 jyldary Qashyqtan oqytý oqý ortalyǵynyń dırektory qyzmetterin atqarǵan. 2010 jylǵy qańtar-naýryz aılarynda QR Ekonomıkalyq qylmysqa jáne sybaılas jemqorlyqqa qarsy kúres agenttigi Tergeý departamentiniń Ekonomıkalyq jáne qarjylyq qylmystardy tergeý basqarmasynyń bastyǵy qyzmetin atqarǵan. 2010 jylǵy naýryzdan 2011 jylǵa deıin Qazaq memlekettik zań ýnıversıteti Áleýmettik-saıası zertteýler ǵylymı-zertteý ınstıtýtynyń dırektory bolǵan. 2011 jyly Qazaqstan halyqtar dostyǵy ınjenerlik-pedagogıkalyq ýnıversıtetiniń «Quqyqtaný» kafedrasynyń professory qyzmetin atqarǵan. 2016 jyly Ońtústik Qazaqstan oblystyq máslıhatynyń depýtaty, keıin oblystyq máslıhattyń hatshysy, sondaı-aq Túrkistan oblystyq máslıhaty VI shaqyrylymynyń hatshysy bolǵan. 2023-2026 jyldary Qazaqstan Respýblıkasy Parlamenti Májilisiniń VIII shaqyrylym depýtaty boldy.

Qazirgi qyzmetin 2026 jylǵy shildeden beri atqaryp keledi.

Murat TІLEÝBERDIEV, Qaraǵandy oblysynyń prokýrory

Murat TІLEÝBERDIEV
Foto: Túrkistan oblysynyń prokýratýrasy

1973 jyly Almaty oblysynda dúnıege kelgen. Qazaq memlekettik zań ýnıversıtetin quqyqtaný mamandyǵy boıynsha bitirgen.

Eńbek joly: Almaty qalasy aýdandyq prokýratýrasynda kómekshi, aǵa kómekshi, bólim bastyǵy qyzmetterin atqarǵan. Almaty qalasy prokýrorynyń kómekshisi, qala prokýratýrasy basqarmasy bastyǵynyń orynbasary jáne bastyǵy bolǵan. Qoǵamdyq múddelerdi qorǵaý basqarmasynda Almaty qalasy prokýrorynyń aǵa kómekshisi qyzmetin atqarǵan. 2018 jylǵy sáýirden 2023 jylǵy mamyrǵa deıin Almaty qalasy Áýezov aýdanynyń prokýrory, 2023-2026 jyldary Túrkistan oblysynyń prokýrory bolǵan.

Qazirgi qyzmetin 2026 jylǵy maýsymnan beri atqaryp keledi.

Dılnaz AHMADIEVA, ánshi, Qazaqstannyń eńbek sińirgen qaıratkeri

Dılnaz AHMADIEVA
Foto: archive.np.kz

1980 jyly Almaty qalasynda dúnıege kelgen. 2002 jyly Qazaq memlekettik halyqaralyq qatynastar jáne álem tilderi ýnıversıtetin aýdarmashy-referent mamandyǵy boıynsha bitirgen.

Eńbek joly: 1997 jyly Memlekettik respýblıkalyq uıǵyr mýzykalyq komedııa teatrynda ánshi-solıst bolǵan. 2002 jyly Latvııanyń ıÝrmala qalasynda ótken «Jańa tolqyn» halyqaralyq án baıqaýynda Qazaqstan atynan óner kórsetti. 2004 jyly AQSh-tyń Kalıfornııa shtatyndaǵy Gollıvýdta akterlik sheberlik kýrstarynan ótti.

2012 jyly «Qazaqstannyń eńbek sińirgen qaıratkeri» ataǵyn ıelendi.

Dáýlet BEKMANOV, Qazaqstan Respýblıkasy Qorǵanys mınıstriniń orynbasary

Dáýlet BEKMANOV
Foto: instagram.com/daulet.bekman

1983 jyly dúnıege kelgen. 2004 jyly «Mıras» ýnıversıtetin ınformatıka mamandyǵy boıynsha, 2010 jyly M.Áýezov atyndaǵy Ońtústik Qazaqstan memlekettik ýnıversıtetin memlekettik jáne jergilikti basqarý mamandyǵy boıynsha bitirgen.

Eńbek joly: 2007-2009 jyldary «Ulttyq aqparattyq tehnologııalar» AQ-da IT bólimshesiniń jetekshi mamany, memlekettik organdardyń AKT bólimsheleriniń jumysyn qamtamasyz etý baǵdarlamasy boıynsha AKT úderisterin taldaý jáne basqarý toptarynyń bas menedjeri, IT-konsaltıng tobynyń taldaýshysy qyzmetterin atqarǵan. 2009-2011 jyldary «Densaýlyq saqtaý ınvestıtsııalyq jobalaryn basqarý ortalyǵy» JShS-nyń jetekshi mamany bolǵan. 2011-2012 jyldary «Ulttyq aqparattyq tehnologııalar» AQ-nyń bas taldaýshysy, QR Baılanys jáne aqparat mınıstrligi Memlekettik qyzmetterdi avtomattandyrýdy baqylaý jáne halyqqa qyzmet kórsetý ortalyqtarynyń qyzmetin úılestirý komıteti Memlekettik qyzmetterdi avtomattandyrý basqarmasynyń bastyǵy qyzmetterin atqarǵan. 2012-2013 jyldary QR Kólik jáne kommýnıkatsııa mınıstrligi Memlekettik qyzmetterdi avtomattandyrýdy baqylaý jáne HQKO qyzmetin úılestirý komıtetiniń Elektrondyq qyzmetterdi baqylaý basqarmasynyń bastyǵy, keıin basqarma jetekshisi bolǵan. 2014 jyly QR Baılanys jáne aqparat agenttigi Elektrondyq qyzmetter men HQKO-lardy damytý departamenti dırektorynyń orynbasary qyzmetin atqarǵan. 2014-2016 jyldary QR Investıtsııalar jáne damý mınıstrligi Baılanys, aqparattandyrý jáne aqparat komıtetiniń Elektrondyq qyzmetterdi baqylaý basqarmasyn basqarǵan. 2016-2017 jyldary QR Aqparat jáne kommýnıkatsııalar mınıstrligi Memlekettik qyzmetterdi damytý departamenti dırektorynyń orynbasary, Aqparattandyrý departamentiniń dırektory bolǵan. 2017-2020 jyldary «Ulttyq aqparattyq tehnologııalar» AQ basqarma tóraǵasynyń orynbasary qyzmetin atqarǵan. 2020 jylǵy aqpannan 2023 jylǵy mamyrǵa deıin QR Tsıfrlyq damý, ınnovatsııalar jáne aeroǵarysh ónerkásibi mınıstrligi Memlekettik qyzmetter komıtetiniń tóraǵasy bolǵan. 2023 jylǵy mamyrdan 2025 jylǵy shildege deıin «Qazposhta» AQ-nyń memlekettik qyzmetter kórsetý jónindegi basqarýshy dırektory qyzmetin atqarǵan. 2025-2026 jyldary «Ulttyq aqparattyq tehnologııalar» AQ basqarma tóraǵasy bolǵan.

Qazirgi qyzmetin 2026 jylǵy qyrkúıekten beri atqaryp keledi.

Nurtas KÁRІPBAEV, Ulytaý oblysy ákiminiń orynbasary

Nurtas KÁRІPBAEV
Foto: gov.kz

1986 jyly Qaraǵandy qalasynda dúnıege kelgen. E.A. Bóketov atyndaǵy Qaraǵandy memlekettik ýnıversıtetin, «Bolashaq» baǵdarlamasy boıynsha Ulybrıtanııadaǵy Sheffıld ýnıversıtetin bitirgen. Basqarý jáne memlekettik saıasat magıstri.

Eńbek joly: Qaraǵandy oblysynyń Ekonomıka jáne bıýdjettik josparlaý basqarmasynda, oblys ákiminiń apparatynda bas maman qyzmetin atqarǵan. Qaraǵandy oblysynyń Densaýlyq saqtaý jáne Kásipkerlik basqarmalarynda basshylyq qyzmetterde jumys istegen. 2022-2024 jyldary QR Mádenıet jáne sport mınıstrligi Týrızm ındýstrııasy komıteti tóraǵasynyń orynbasary, 2024-2025 jyldary QR Týrızm jáne sport mınıstrligi Týrızm ındýstrııasy komıtetiniń tóraǵasy bolǵan.

Qazirgi qyzmetin 2025 jylǵy jeltoqsannan beri atqaryp keledi.

Jarqynbek AMANTAI, «Ádilet» partııasynan Qazaqstan Respýblıkasy Quryltaıynyń I shaqyrylym depýtaty

Jarqynbek AMANTAI
Foto: Jarqynbek Amantaıulynyń Facebook-paraqshasy

1988 jyly Mońǵolııanyń Baıan-Ólgeı aımaǵynda dúnıege kelgen. 2010 jyly Pavlodar memlekettik pedagogıkalyq ınstıtýtyn fılologııa mamandyǵy boıynsha bitirgen.

Eńbek joly: 2010-2011 jyldary Pavlodar qalasyndaǵy Abaı atyndaǵy orta mektepte muǵalim, 2011-2013 jyldary «Saryarqa samaly» oblystyq gazetiniń tilshisi, 2013-2015 jyldary «Qazaqstan Zaman» gazetiniń Pavlodar qalasyndaǵy menshikti tilshisi, 2015-2019 jyldary «Regıon Kz» oblystyq gazetiniń jaýapty hatshysy qyzmetterin atqarǵan. 2019-2020 jyldary J.Aımaýytov atyndaǵy Pavlodar oblystyq mýzykalyq-drama teatry basshysynyń orynbasary, 2020-2021 jyldary Qazaqstan Jazýshylar odaǵy Pavlodar oblystyq fılıalynyń dırektory bolǵan. 2021-2022 jyldary Pavlodar qalasyndaǵy «ShAŃYRAQ» oblystyq halyq shyǵarmashylyǵy jáne mádenı-saýyq qyzmeti ortalyǵynyń, 2022-2023 jyldary «Máshhúrtaný» ǵylymı-praktıkalyq ortalyǵynyń basshysy mindetin atqarǵan. 2022-2026 jyldary Qazaqstan Respýblıkasy Parlamenti Májilisiniń VIII shaqyrylym depýtaty, Zańnama jáne sot-quqyqtyq reforma komıtetiniń múshesi boldy.

Qazirgi qyzmetin 2026 jylǵy tamyzdan beri atqaryp keledi.

2022 jyly «Qurmet» ordenimen marapattalǵan.

Nurlan BALǴYMBAEV, Qazaqstannyń kórnekti saıası jáne memleket qaıratkeri

Nurlan BALǴYMBAEV
Foto: timenote.info

1947 jyly Gýrev (qazirgi Atyraý) qalasynda dúnıege kelgen. 1973 jyly Qazaq polıtehnıkalyq ınstıtýtyn taý-ken ınjeneri mamandyǵy boıynsha bitirgen. 1992-1993 jyldary Massachýsets ýnıversıtetinde bilim alǵan.

Eńbek joly: 1964-1968 jyldary Qaraǵandy ekspedıtsııasynda motorshynyń kómekshisi, burǵylaýshynyń kómekshisi, tokar bolyp jumys istegen. 1973-1977 jyldary «Mańǵystaýmunaı» birlestiginde uńǵymalardy jerasty jóndeý operatory, munaı óndirý operatory, sheber, aýysym bastyǵy, aǵa ınjener qyzmetterin atqarǵan. 1977-1981 jyldary «Embimunaı» birlestiginiń «Jaıyqmunaı» munaı óndirý basqarmasynda óndiristik qyzmet kórsetý bazasy bastyǵynyń orynbasary, bas ınjener bolǵan. 1981-1986 jyldary «Aqtóbemunaı» birlestiginiń bas ınjeneri qyzmetin atqarǵan. 1986-1991 jyldary KSRO Munaı jáne gaz ónerkásibi mınıstrliginiń «Basmunaıgazóńdeý» bas basqarmasy bastyǵynyń orynbasary, munaı óndirý jónindegi bas basqarmasy bastyǵynyń orynbasary bolǵan. 1993-1994 jyldary AQSh-tyń San-Ramon qalasyndaǵy «Shevron» munaı kompanııasynda taǵylymdamadan ótip, keńesshi qyzmetin atqarǵan. 1994-1997 jyldary QR Munaı jáne gaz ónerkásibi mınıstri, 1997 jyly «Qazaqoıl» ulttyq munaı-gaz kompanııasy» JAQ prezıdenti bolǵan. 1997-1999 jyldary Qazaqstan Respýblıkasynyń Premer-Mınıstri qyzmetin atqarǵan. 1999-2002 jyldary «Qazaqoıl» ulttyq munaı-gaz kompanııasy» JAQ prezıdenti, 2002 jyldan bastap Qazaqstan munaı ınvestıtsııalyq kompanııasynyń prezıdenti bolǵan. 2007-2009 jyldary Qazaqstan Respýblıkasy Prezıdentiniń keńesshisi, 2009 jyly «QazMunaıGaz» UK» AQ enshiles kásiporny — «QazMunaıGaz» salynyp jatqan kásiporyndar dırektsııasynyń bas dırektory qyzmetin atqarǵan.

II dárejeli «Barys» ordenimen (1999), «Astanaǵa 10 jyl» mereıtoılyq medalimen (2008) marapattalǵan.