20 qańtarda elimizdi aýa raıy qubylmaly
ASTANA. QazAqparat - 20 qańtarda elimizdi aýa raıy qubylmaly, bolady dep habarlaıdy QazAqparat Qazgıdrometke silteme jasap.
Sınoptıkterdiń boljaýynsha, jeksenbide Qazaqstannyń basym bóliginde aýa raıy qubylmaly bolady, atmosferalyq aǵymdardyń ótýine baılanysty qar nemese jaýyn jaýady. Elimizdiń keı jerlerinde tuman túsedi, kóktaıǵaq bolyp, jel kúsheıedi.
Almaty oblysynda keı jerlerde tuman, kóktaıǵaq bolady, Alakól aýdanynda jel 20-25, ekpini 30 m/s jetedi.
Jambyl, Túrkistan, Shyǵys Qazaqstan oblystarynda keı jerlerde tuman túsedi, jel 15-20, keı jerlerde 23-25 m/s.
Mańǵystaý, Atyraý, Batys Qazaqstan, Qostanaı, Aqtóbe, Pavlodar oblystarynyń keı jerlerinde tuman, kóktaıǵaq bolady.
Qaraǵandy, Soltústik Qazaqstan, Qyzylorda, Aqmola oblystarynyń keı jerlerinde tuman, kóktaıǵaq bolady, jel 15-20 m/s kúsheıedi, Aqmola oblysynyń keı jerlerinde jaıaý burqasyn kútiledi.
