Qazaqstannyń 12 oblysynda aýa raıyna baılanysty eskertý jarııalandy
ASTANA.KAZINFORM - Qazgıdromet 20 qańtarda Astana men elimizdiń 12 oblysynda aýa raıyna baılanysty eskertý jacady.
Sınoptıkterdiń boljamyna súıensek, Atyraý oblysynyń batysynda, ońtústiginde tuman, kóktaıǵaq bolady.
Pavlodar oblysynyń batysynda, soltústiginde, shyǵysynda qar jaýyp, burqasyn júredi, oblystyń soltústiginde, shyǵysynda, ońtústiginde tuman túsedi. Oblystyń batysynda, soltústiginde, ońtústiginde ońtústik-shyǵystan soqqan jeldiń ekpini 15-20 m/s bolady. Pavlodarda 20 qańtarda kúndiz qar jaýyp, burqasyn júredi, ońtústik-shyǵystan jel soǵady, kúndizgi ekpini - 15-20 m/s.
Túrkistan oblysynyń taýly aýdandarynda kóktaıǵaq bolyp, oblystyń batysynda, soltústiginde, ońtústiginde, taýly aýdandarynda tuman túsedi. Kúndiz oblystyń taý asýlarynda soltústik-shyǵystan soqqan jeldiń ekpini 15-20 m/s. Shymkent jáne Túrkistan qalalarynda 20 qańtarda tuman bolatyny boljanady.
Túnde jáne kúndiz Jambyl oblysynyń ońtústiginde, taýly aýdandarynda jaıaý burqasyn júrip, kúndiz oblystyń taýly aýdandarynda kóktaıǵaq, tuman bolady. Oblystyń taýly aýdandarynda soltústik-shyǵystan jel soǵady, ekpini - 15-20 m/s. Tarazda 20 qańtarda keı ýaqyttarda tuman bolady.
Qyzylorda oblysynyń ońtústiginde jáne ortalyǵynda da tuman bolatyny boljanady.
Soltústik Qazaqstan oblysynyń batysynda, soltústiginde, ońtústiginde qar jaýyp, jaıaý burqasyn júredi, al oblystyń batysynda tuman túsedi. Petropavlda 20 qańtarda qar jaýyp, jaıaý burqasyn júretini boljanady.
Túnde Mańǵystaý oblysynyń soltústik-shyǵysynda 20-22 gradýs qatty aıaz bolady.
Qostanaı oblysynyń soltústiginde, shyǵysynda, batysynda, ońtústiginde qar jaýyp, jaıaý burqasyn júredi, tuman túsedi. Qostanaıda 20 qańtarda tuman bolatyny boljanady.
Túnde jáne tańerteń Shyǵys Qazaqstan oblysynyń soltústiginde, ortalyǵynda tuman túsedi. Kúndiz oblystyń shyǵysynda ońtústik-shyǵystan jel soǵady, ekpini - 15-20 m/s. Túnde oblystyń soltústiginde, shyǵysynda 40 gradýs qatty aıaz saqtalady, al Óskemende 20 qańtarda túnde jáne tańerteń tuman bolady.
Túnde jáne tańerteń Abaı oblysynyń ońtústiginde tuman túsedi. Oblystyń soltústiginde, ortalyǵynda ońtústik-shyǵystan soqqan jeldiń ekpini 15-20 m/s, Jarma aýdanyndaǵy ekpini 23-28 m/s deıin jetedi.
Jetisý oblysynyń shyǵysynda, ortalyǵynda, taýly aýdandarynda keı ýaqyttarda tuman, joldarda kóktaıǵaq bolady dep kútiledi. Soltústik-shyǵystan soqqan jeldiń Alakól kólderi aýdanyndaǵy ekpini 15-20 m/s, keı tusta 23-28 m/s deıin jetedi. Túnde oblystyń soltústiginde, taýly aýdandarynda 25-27 gradýs qatty aıaz bolady.
Astanada 20 qańtarda keı ýaqyttarda qar jaýyp, jaıaý burqasyn júredi.
Almaty oblysynyń ońtústiginde, taýly aýdandarynda keı ýaqyttarda tuman, joldarda kóktaıǵaq bolady. Oblystyń taýly aýdandarynda soltústik-batystan soltústik-shyǵysqa oıysa soqqan jeldiń ekpini 18 m/s. Almatyda jáne Qonaevta da 20 qańtarda keı ýaqyttarda tuman, joldarda kóktaıǵaq bolady.
Aıta keteıik, aldaǵy úsh táýlik ishinde atmosferalyq fronttyq bólikterdiń áserinen Qazaqstannyń basym bóliginde qar jaýyp, jaıaý burqasyn soǵyp, jel kúsheıedi dep boljanady.