20 qańtar. Týǵan kún ıeleri

ASTANA. QazAqparat - Búgin, 20 qańtar kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

64 jyl buryn (1959) general-maıor, zań ǵylymdarynyń doktory Qozy-Kórpesh Japarhanuly KÁRBOZOV dúnıege keldi.

Jambyl oblysy, Shý qalasynda týǵan. S. Kırov atyndaǵy Qazaq memlekettik ýnıversıtetiniń zań fakýltetin (1981) zańger-quqyqtanýshy mamandyǵy boıynsha; KSRO Prokýratýra ınstıtýtynyń Harkov fılıalyn (1985); Máskeý KSRO prokýratýrasy basshy kadrlarynyń biliktiligin jetildirý ınstıtýtyn (1989); ál-Farabı atyndaǵy Qazaq memlekettik ýnıversıtetin «Qarjy jáne nesıe» mamandyǵy boıynsha bitirgen (2003).

Eńbek joly: Jambyl oblysy Shý aýdany Atqarýshy komıtetiniń jaýapty hatshysy (1981-1982); Moıynqum aýdany prokýrorynyń kómekshisi (1982-1988); Jambyl oblysy prokýratýrasy Tergeý basqarmasynyń prokýrory (1986-1988); Qazaqstan Respýblıkasy prokýratýrasy Tergeý basqarmasynyń prokýrory (1988-1989); Qyzylorda oblystyq prokýratýra tergeý bóliminiń bastyǵy, oblys prokýrorynyń orynbasary (1989-1994); Qazaqstan Respýblıkasy Bas Prokýratýrasy sot aktileriniń zańdylyǵyn qadaǵalaý jónindegi basqarma bastyǵy (1994); Qazaqstan Respýblıkasy Bas Prokýratýrasy janyndaǵy memlekettik bıliktiń joǵary eshelondarynda sybaılas jemqorlyqqa qarsy kúres jónindegi arnaıy prokýror (1994-1995); Іshki ister mınıstrligi organdarynda, Memlekettik tergeý komıteti men anyqtaýdyń jedel qyzmetterin qadaǵalaý jónindegi basqarma, salyq qyzmeti, Qarjy mınıstrligi jáne Qazaqstan Respýblıkasy Keden komıteti, Almaty qalasy boıynsha Memlekettik tergeý komıteti Bas basqarmasynyń bastyǵy (1995-1997); Almaty qalasy boıynsha Memlekettik tergeý komıteti Departamentiniń bastyǵy (1997-1998); Qazaqstan Respýblıkasy Ulttyq qaýipsizdik komıtetiniń Sybaılas jemqorlyqqa jáne uıymdasqan qylmysqa qarsy kúres departamentiniń bastyǵy (1998-2000); Qazaqstan Respýblıkasy Ulttyq qaýipsizdik komıtetiniń Tergeý departamentiniń bastyǵy (2000-2003); Qazaqstan Respýblıkasy Ulttyq qaýipsizdik komıteti Tóraǵasynyń orynbasary (2003-2007); Qazaqstan Respýblıkasy Qarjy mınıstriniń orynbasary – Kedendik baqylaý komıtetiniń tóraǵasy (2003-2007); Qazaqstan Respýblıkasy Qarjy mınıstrligi Shekaralyq baqylaý komıtetiniń vıtse-mınıstr-tóraǵasy (2007-2011). Qazaqstan Respýblıkasy Qorǵanys mınıstrligi janyndaǵy Áskerı-strategııalyq zertteý ortalyǵynyń prezıdenti (2013 jyldan beri). «KMG-Security» JShS bas dırektory (Basqarma tóraǵasy).

I jáne II dárejeli «Dańq» ordenderimen (2004,2009), medaldarmen marapattalǵan.

60 jyl buryn (1963) Qazaqstan Respýblıkasy Joǵarǵy sotynyń sýdıasy Asqarjan Qapezuly KENJEǴARIN dúnıege kelgen.

Joǵary zańgerlik bilimi bar.

Eńbek jolyn zańger mamandyǵy boıynsha 1989 jyly Shubartaý aýdandyq notarıattyq keńsesiniń notarıýsy laýazymynan bastaǵan. 1992-1996 jyldary Semeı oblysy Aıagóz halyq sotynyń atqarýshylyq jáne ákimshilik ister jónindegi sýdıasy.

1996 jyldan bastap 1998 jylǵa deıin Shyǵys Qazaqstan oblysy Shubartaý aýdandyq sotynyń tóraǵasy. 1998-2015 jyldary ShQO sotynyń sýdıasy.

2015-2017 jyldary – Astana qalasy soty qylmystyq ister jónindegi sot alqasynyń tóraǵasy.

2017 jyldan bastap qazirgi qyzmetinde.

58 jyl buryn (1965) Pavlodar oblystyq Memlekettik arhıv jetekshisi Balǵabaı Jumaǵululy IBRAEV dúnıege keldi.

Pavlodar pedagogıkalyq ınstıtýtyn Bıologııa jáne aýyl sharýashylyq negizderi mamandyǵy boıynsha (1990), Ekibastuz ınjenerlik-tehnıkalyq ınstıtýtyn Ónerkásip jylý-energetıka mamandyǵy boıynsha (2004), Eýrazııalyq Innovatsııalyq ýnıversıtetiniń Jergilikti memlekettik basqarý mamandyǵyn (2016) támámdady.

Eńbek joly: tokar (1981); jalpy orta bilim berý mektebinde bıologııa jáne mal sharýashylyǵy boıynsha oqytýshy (1990-1991); Ermak GRES-te usta (1991-1994); Aqsý qalalyq ákimshilikte sáýlet, qala qurylysy jáne kommýnaldyq-sharýashylyq bóliminde maman, Aqsý qala ákiminiń apparatynda kommýnaldyq sharýashylyq boıynsha maman, áleýmettik-óndiristik ınfraqurylymnyń kommýnaldyq-sharýashylyq, sáýlet jáne qurylys bóliminde bas maman, mehanık, «Metallýrg» páter menshigi boıynsha kooperatıviniń tóraǵasy, qalalyq kommýnaldyq-sharýashylyq jáne óndiris salasyndaǵy basqarmasynyń bastyǵy; Aqsý qalalyq kommýnaldyq-sharýashylyq, jolaýshylar kóligi jáne avtomobıl joldary bóliminiń bastyǵy (2005-2008); Aqsý qalasynyń «Gorvodokanal» kommýnaldyq kásiporyn dırektory (2008-2011); Aqsý qalasy ákiminiń orynbasary (2011-2015); Sharbaqty aýdanynyń ákimi (2015-2018). 2018-2021 jyldary Aqsý qalasynyń ákimi.

Qazirgi qyzmetinde 2021 jyldyń qańtar aıynan.

39 jyl buryn (1984) «Qazhrom» transulttyq kompanııasy» AQ Basqarma tóraǵasy Sergeı Leonıdovıch PROKOPЬEV dúnıege keldi.

Jambyl oblysynda týǵan. 2006 jyly Innovatsııalyq Eýrazııalyq ýnıversıtetin «Qara jáne tústi metaldar» mamandyǵy boıynsha támamdady, Halyq sharýashylyǵy jáne memlekettik qyzmet Reseı akademııasynda MVA biliktiligi boıynsha bilimin arttyrdy (2012 jyl). EÚ bıznes akademııasynda bilim alǵan.

Eńbek jolyn Aqsý ferroqorytpa zaýyty №1 balqytý tsehynyń kórikshisi bolyp bastaǵan. Keıin aǵa sheber bolyp jumys istedi, №1 balqytý tsehyn basqardy, óndiristik-tehnıkalyq basqarmaǵa jetekshilik etti, al 2014 jyly Aqsý ferroqorytpa zaýytynyń óndirisi jónindegi tehnıkalyq dırektorynyń orynbasary, keıin Aqsý ferroqorytpa zaýytynyń dırektory bolyp qyzmet etti (2014-2021). 2021-2022 j. j. «Qazhrom» TUK» AQ óndiris jónindegi vıtse-prezıdenti.

Qazirgi qyzmetin 2022 jyldyń qyrkúıeginen beri atqaryp keledi.

«Qazaqstan Konstıtýtsııasyna 20 jyl» mereıtoılyq medalimen marapattalǵan (2015).