20-ǵa tarta azamat QR Bas prokýrorynyń jeke qabyldaýynda boldy
ASTANA. Shildeniń 13-i. QazAqparat - Dúısenbi, shildeniń 12-si kúni 20-ǵa tarta azamat Qazaqstan Respýblıkasynyń Bas prokýrory Qaırat Mámıdiń jeke qabyldaýynda boldy,
dep habarlaıdy Bas prokýratýranyń baspasóz qyzmeti.
Kelýshilerdiń aıtqan negizgi shaǵymdary zańsyz túrde qylmystyq istiń qozǵalmaýy, olardyń týys-týǵandarynyń ádiletsiz sottalýy, sot sheshimderiniń zańsyz shyǵarylýy men jekemenshigine qatysty quqyqtarynyń buzylýy sııaqty máselelerge qatysty boldy.
Q.Mámıge shaǵymyn bildirgen árbir azamattyń máselesi prokýratýranyń jaýapty qyzmetkerlerine jete túrde zerttelýge tapsyrylyp, zańdylyq buzylǵandyǵy anyqtalsa, buzylǵan quqyqty qalpyna keltirý boıynsha barlyq sharalar qoldanylyp, kináli tulǵalardyń jaýapqa tartylýy júkteldi.
