20 elden 2500 qatysýshy: Almatyda City Run jarysynyń bıylǵy maýsymy máresine jetti
ALMATY. KAZINFORM – Almaty – AIMS halyqaralyq is-sharalary ótetin Qazaqstandaǵy jalǵyz qala: City Run 2025 jylǵy maýsymdy aıaqtady
Almaty qalasy ákimdiginiń qoldaýymen City Run jarysy ótti, bul shara 2025 jylǵy júgirý maýsymyn qorytyndylady.
16 qarashada Almatyda 20 elden kelgen 2 500 qatysýshy jınalǵan maýsymnyń márelik jarysy ótti.
Júgirýshilerdiń qatarynda megapolıstiń turǵyndary men qonaqtary, sonyń ishinde Şýchınsk qalasynan 91 jastaǵy Salıha Zıgangerova jáne almatylyq 88 jastaǵy Dýzý Mavlıýtova boldy. Márege jetkenderdiń barlyǵy estelik medaldar aldy.
2025 jylǵy júgirý maýsymy 40 myńnan astam qatysýshynyń basyn qosty, olardyń 18 myńǵa jýyǵy áıelelder, ótken jylmen salystyrǵanda olardyń sany 20% -kóp boldy. Sondaı-aq tirkelgen sheteldik qatysýshylar qatary da ulǵaıǵan.
Maýsymnyń mańyzdy oqıǵasy 60 elden 16 149 qatysýshyny jınaǵan 14-shi Almaty Marathon boldy. Bıyl júgirý jolynyń negizgi rekordtary jańartyldy: erler – 2:19:38, áıelder – 2:41:24. Alǵash ret 1500 adam 42,2 shaqyrym marafon qashyqtyǵyn ıgerdi.
Almaty jarystary AIMS halyqaralyq marafondary men júgirý jarystarynyń kúntizbesine engen elimizdegi jalǵyz qala.
Mundaı kópshilik is-sharalar qalalyq sport mádenıetin nyǵaıtady, buqaralyq sportty damytady jáne jergilikti bıznesti qoldaıdy. Zertteý derekteri boıynsha, demalys kúnderi ótetin marafonǵa qatysýshylar eki kúnde shamamen 8 mln teńge jumsaıdy eken. Al seriktes kompanııalardan túsken salyq sońǵy tórt jylda úsh esege jýyq – 318,9 mln teńgeden 873,9 mln teńgege deıin ósken. Qala syrtyndaǵy júgirýshilerdiń 80%-ǵa jýyǵy Almatyǵa qaıta kelýdi josparlap otyr.
Aıta keteıik, Evgenıı Koshkın konkımen júgirýden álem kýbogy kezeńinde kúmis júlde aldy.