20-dan astam ýchaske jabyq: ІІM kólik júrgizýshilerine úndeý jasady
ASTANA. KAZINFORM – Elimizdiń birqatar óńirinde qolaısyz aýa raıy jaǵdaıyna baılanysty ІІM barlyq júrgizýshi men jaıaý júrginshilerdi jol erejesin qatań saqtaýǵa shaqyrdy.
Qazir 20-dan astam ýchaske jabyq, olar: Abaı, Aqtóbe, Aqmola, Atyraý, Batys Qazaqstan, Karaǵandy, Qostanaı, Qyzylorda, Shyǵys Qazaqstan oblystary.
— Jolda júrý qaǵıdalaryn, sonyń ishinde aýa raıyna sáıkes jyldamdyq rejımin qatań ustanyńyzdar. Aldyńyzda kele jatqan kólikpen araqashyqtyqty ulǵaıtyńyzdar. Aýa raıy jaǵdaıyna baılanysty apattyq jaryq belgilerin qosyńyzdar. Manevr jasaý men jolaq aýystyrýdan bas tartyńyzdar. Shuǵyl sharýa bolmasa, alys saparlardan ýaqytsha bas tartqan jón. Josparlanǵan baǵyttardy keıinge qaldyrǵan jón bolady. Jolǵa shyǵý qatty qajet bolǵan jaǵdaıda, júris baǵytyn muqııat josparlap, kólik quralynyń tehnıkalyq jaǵdaıyn tekserińizder. Ýaqytyly qabyldanǵan saqtyq sharalary jol-kólik oqıǵalarynyń aldyn alýǵa jáne azamattardyń ómiri men densaýlyǵyn saqtaýǵa múmkindik beredi, — dedi QR ІІM ÁPK-niń erekshe tapsyrmalar jónindegi aǵa ınspektory Aqtoty Boranova.
Esterińizde bolsyn, joldaǵy qaýipsizdik árqaısymyzǵa baılanysty. ️ Jol jaǵdaıy týraly jedel aqparatty áleýmettik jelilerden jáne “112” qyzmetiniń habarlamalarynan bile alasıazdar.
Buǵan deıin eki oblysta jol jabylǵanyn jazǵan bolatynbyz.
