20-dan astam qyzylordalyq memqyzmetshi jazaǵa tartyldy

Búgin Astanada ótken brıfıngte QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń atalǵan oblys boıynsha departament basshysy Abzal Muhımov osylaı málim etti, dep habarlaıdy QazAqparat.

Atap aıtqanda, 2016 jyly Qyzylorda oblysyndaǵy Ádep jónindegi keńespen 10 otyrys ótkizilip, onda 51 másele qaraldy. Onyń 33-i  tártiptik is bolsa, 7  máselemen memlekettik organdar basshylarynyń, aýdan ákimderdiń esepteri, ekeýinde Ádep jónindegi ýákildiń esebi, taǵy 2 máselemen sybaılas jemqorlyq táýekelderine syrtqy taldaý qorytyndysy tyńdalsa, 7 máselemen ózge uıymdastyrý sharalaryna qatysty baǵyttar qaraldy.

Departament málimetinshe, tártiptik isterdi qaraý nátıjelerimen berilgen usynystar negizinde 23 qyzmetshige, onyń ishinde 9-yna Ádep kodeksi talaptaryn buzǵany úshin, 14-ine memlekettik qyzmetke kir keltiretin tártiptik teris qylyq jasaǵany úshin tártiptik jaza qoldanyldy.