20-dan astam eldiń din ókilderi elordada bas qosady

Elordada Álemdik jáne dástúrli dinder lıderleri sezi Hatshylyǵynyń XXI otyrysy ótedi. Bul týraly Syrtqy ister mınıstrliginiń resmı ókili Aıbek Smadııarov aıtty, dep habarlaıdy Kazinform agenttigi.

«2023 jylǵy 11 qazanda Astanada Beıbitshilik jáne kelisim saraıynda Senat Tóraǵasy, Álemdik jáne dástúrli dinder lıderleri sezi Hatshylyǵynyń basshysy Máýlen Áshimbaevtyń tóraǵalyǵymen Álemdik jáne dástúrli dinder lıderleri sezi Hatshylyǵynyń XXI otyrysy ótedi. Sezd jumysyna ıslam, hrıstıan, býddızm, ıýdaızm, ındýızm, daosızm, sıntoızm, bahaı, sondaı-aq álemniń 20-dan astam elinen kelgen halyqaralyq jáne dinı uıymdar ókilderiniń álemdik jáne dástúrli dinderdiń rýhanı kóshbasshylary qatysady dep kútilýde», - dedi Aıbek Smadııarov mınıstrliktegi brıfıngte.

Onyń atap ótýinshe, Hatshylyq otyrysy aıasynda Álemdik jáne dástúrli dinder lıderleriniń VII seziniń ıdeıalary men qorytyndy deklaratsııasyn ilgeriletý máselelerin talqylaý, sondaı-aq Álemdik jáne dástúrli dinder lıderleri seziniń 2023-2033 jyldarǵa arnalǵan Damý tujyrymdamasyn qaraý jáne qabyldaý josparlanǵan.