20 aqpanda eldiń basym bóliginde boran, qar, tuman jáne kóktaıǵaq kútiledi

ASTANA. KAZINFORM — Sınoptıkter 20 aqpan kúni aýa raıyna baılanysty el aýmaǵynda eskertý jarııalady, dep habarlaıdy «Qazgıdromet» RMK.

Astanada túnde jáne tańerteń tuman kútiledi.

Aqmola oblysynyń batysynda, soltústiginde jáne shyǵysynda tuman bolady. Shyǵys, ońtústik-shyǵystan soǵatyn jeldiń ekpini kúndiz 15–20 m/s-qa jetedi.

Aqtóbe oblysynda túnde jaýyn-shashyn, boran, kóktaıǵaq kútiledi, óńirdiń batysy men soltústiginde qatty qar jaýady. Kúndiz jańbyr men qar túrindegi jaýyn-shashyn, kóktaıǵaq, jaıaý burqasyn boljanady. Jel ekpini keı jerlerde 23–28 m/s-qa deıin jetedi.

Ulytaý oblysynyń batysy men soltústiginde kúndiz jańbyr men qar jaýyp, jaıaý burqasyn bolady. Keı jerlerde tuman, kóktaıǵaq kútiledi. Soltústik-shyǵystan, oblystyń batysynda, soltústiginde jáne ortalyǵynda shyǵystan jel soǵady, ekpini 15–20 m/s.

Qaraǵandy oblysynda joldarda kóktaıǵaq bolady. Óńirdiń soltústigi, ońtústigi men shyǵysynda tuman túsedi. Jel ekpini 15–20 m/s deıin jetýi yqtımal.

Jambyl oblysynda ońtústik-batystan jel soǵady, onyń ekpini 23–28 m/s-qa deıin kúsheıip, taýly aýdandarda 30 m/s jáne odan da joǵary bolýy múmkin.

Abaı oblysynyń shyǵysy, ońtústigi jáne ortalyǵynda túnde qar, keı ýaqytta qatty qar, boran jáne kóktaıǵaq kútiledi. Oblystyń batysynda tuman bolady. Jel soltústik-batystan, oblystyń shyǵysynda, ońtústiginde jáne ortalyǵynda soltústikten soǵady, jyldamdyǵy 15–20 m/s, túnde ekpini 23 m/s-qa deıin jetedi.

Túnde Qyzylorda oblysynyń soltústiginde kóktaıǵaq kútiledi. Oblystyń ortalyǵynda, soltústiginde jáne ońtústiginde tuman bolady. Soltústik-shyǵys jeli oblystyń soltústigi men ortalyǵynda 15–20 m/s jyldamdyqpen soǵady.

Kúndiz Qostanaı oblysynyń batysy men ońtústiginde jaýyn-shashyn (jańbyr, qar), boran jáne kóktaıǵaq kútiledi. Oblystyń batysynda, soltústiginde jáne shyǵysynda tuman bolady. Soltústik-shyǵys, shyǵys jeli oblystyń batysy, ońtústigi jáne shyǵysynda 15–20 m/s jyldamdyqpen soǵady.

Túnde Shyǵys Qazaqstan oblysynda qar, boran jáne kóktaıǵaq kútiledi, oblystyń shyǵysy men ońtústiginde keıde qatty qar jaýady. Kúndiz oblystyń soltústigi men shyǵysynda az qar, jaıaý burqasyn jáne kóktaıǵaq bolady. Oblystyń shyǵysynda tuman túsedi. Jel batystan, oblystyń soltústigi, ońtústigi jáne ortalyǵynda soltústik-batystan soǵady, jyldamdyǵy 15–20 m/s, túnde ekpini 23 m/s-qa jetedi.

Atyraý oblysynda jaýyn-shashyn (jańbyr, qar), jaıaý burqasyn jáne kóktaıǵaq kútiledi; túnde oblystyń soltústiginde qatty jaýyn-shashyn (jańbyr, qar) bolýy múmkin. Oblystyń batysy men ońtústiginde tuman bolady. Jel ońtústik-shyǵystan soǵady, keıin soltústik-batysqa aýysyp, ekpini 15–20 m/s-qa jetedi.

Pavlodar oblysynyń ońtústiginde tuman kútiledi.

Batys Qazaqstan oblysynda jaýyn-shashyn (jańbyr, qar), jaıaý boran jáne kóktaıǵaq bolady; oblystyń batysy, soltústigi jáne shyǵysynda qatty jaýyn-shashyn (jańbyr, qar) kútiledi. Tuman da boljanady. Jel ońtústik-shyǵystan soǵady, keıin ońtústik-batysqa aýysyp, oblystyń batysy, soltústigi jáne shyǵysynda ekpini 15–20 m/s-qa jetedi.

Kúndiz Túrkistan oblysynyń soltústigi men taýly aımaqtarynda jańbyr jaýady. Oblystyń batysy, soltústigi, ońtústigi jáne taýly aýdandarynda tuman bolady. Jel ońtústik-shyǵystan soǵyp, keıin ońtústik-batysqa aýysady, jyldamdyǵy 15–20 m/s deıin barady.

Mańǵystaý oblysynyń soltústigi men ońtústiginde tuman kútiledi. Jel soltústik-batystan soǵyp, oblystyń batysy, soltústik-shyǵysy jáne ortalyǵynda ekpini 15–20 m/s, keıde 23 m/s-qa jetedi.

Soltústik Qazaqstan oblysynyń ońtústiginde tuman bolady. Jel soltústik-batystan soǵyp, keıin shyǵysqa aýysady; kúndiz oblystyń batysy, soltústigi jáne ońtústiginde ekpini 15–20 m/s, keıde batysy men ońtústiginde 25 m/s-qa jetedi.

Túnde jáne tańerteń Almaty oblysynyń soltústigi, ońtústigi jáne taýly aýdandarynda tuman bolady. Jel batystan soǵyp, ońtústik bóliginde jáne taýly aımaqtarda shyǵysqa aýysyp, ekpini 15–20 m/s deıin barady.

Túnde jáne tańerteń Jetisý oblysynyń ortalyǵy men taýly aýdandarynda tuman kútiledi. Alakól kólderiniń mańynda jel soltústik-shyǵystan soǵyp, ekpini 15–20 m/s, keıde 23–28 m/s-qa jetýi múmkin.

Osydan buryn aýa raıynyń qolaısyzdyǵyna baılanysty 19 aqpan kúni saǵat 12:00-den bastap Shyǵys Qazaqstan men Abaı oblystary aýmaǵyndaǵy birqatar respýblıkalyq mańyzy bar joldarda kólik qozǵalysyna ýaqytsha shekteý engizilgenin jazǵanbyz.