20-22 shilde Qazaqstannyń birqatar bóliginde jańbyrly bolady

ASTANA. QazAqparat – «Qazgıdromet» elimiz boıynsha 20-22 shildege arnalǵan aýa raıy boljamyn jarııalady, dep habarlaıdy QazAqparat.

«Qazaqstannyń basym bóligi atmosferalyq aýa aǵyndarynyń yqpalynda bolady. Soǵan baılanysty kún kúrkirep, jańbyr men burshaq jaýady. Qatty jel soǵady. Eldiń soltústik-batysynda, soltústiginde, shyǵysynda jáne ońtústik-shyǵystyń taýly aýdandarynda nóser jaýyn jaýady. 21 shildeden bastap eldiń batysynda Soltústik-Batys antıtsıklonyna baılanysty jaýyn-shashyn toqtaıdy. Aýa temperatýrasy túnde soltústik, shyǵys jáne ortalyq óńirlerde 10-18 gradýs jyly bolady», - delingen sınoptıkterdiń habarlamasynda.