20 000 dollaryn jasyryn ótkizbek bolǵan Túrkııa azamaty ustaldy
ASTANA. QazAqparat - Qazaqstandyq shekarashylar Túrik azamatyn jarııalanbaǵan valıýtasy úshin ustady, dep habarlady QR UQK Shekara qyzmetinen.
«Qoradaı» shekara otrıadyna qarasty «Qarasý-avto» ótkizý-baqylaý beketiniń baqylaýshylary (Jambyl oblysy) 20 000 AQSh dollary men 510 000 teńgesin jarııalamaı, shekaradan jasyryp ótkizbek bolǵany úshin 43 jastaǵy Túrik Respýblıkasynyń azamatyn ustady.
Atalǵan azamat bizdiń elimizden kórshiles Qyrǵyz Respýblıkasyna «Toıota «Fortýner» avtokóligimen ketip bara jatqan. Jarııalanbaǵan aqshasy kóligin tekserý kezinde tabyldy. Atalǵan derek boıynsha quqyqqorǵaý organdary habarlandyryldy. Fıltratsııalyq is-sharalar júrgizilýde.
