2 jeltoqsanda respýblıka boıynsha qaı joldar ashyq, qaısysy jabyq
ALMATY. KAZINFORM – «QazAvtoJol» birqatar baǵyt boıynsha qozǵalys rejımi jańartylǵanyn habarlady. Keı óńirdegi jol ýchaskesinde shekteýler alynsa, keıbir joldarda qozǵalysqa áli de tyıym salynyp otyr.
Ulttyq kompanııanyń málimetinshe, 2025 jylǵy 2 jeltoqsan saǵat 05:00–de kelesi respýblıkalyq mańyzy bar avtojoldarda kóliktiń barlyq túri úshin qozǵalys ashyldy:
Aqtóbe oblysy
• «Qarabutaq — Komsomol — Denısovka — Rýdnyı — Qostanaı» avtojolynyń 0-234-shaqyrym aralyǵyndaǵy ýchaskesinde (Qarabutaq aýylynan — Qostanaı oblysynyń shekarasyna deıin)
• «RF shek. (Jaısan ó\p) — Aqtóbe — Qyzylorda — Almaty — QHR shek. (Nur Joly ó/p)» avtojolynyń 1154-1240-shaqyrym aralyǵyndaǵy ýchaskesi (Yrǵyz a. -Qyzylorda oblysy shek.).
Qostanaı oblysy
• «Qostanaı — Rýdnyı — Denısovka — Komsomol — Qarabutaq» avtojolynyń 234-385-shaqyrym aralyǵyndaǵy ýchaskesinde (Aqtóbe oblysynyń shekarasy — Denısovka aýyly)
Qyzylorda oblysy
• «RF shek. (Jaısan ó\p) — Aqtóbe — Qyzylorda — Almaty — QHR shek. (Nur Joly ó/p)» avtojolynyń 1240-1362-shaqyrym aralyǵyndaǵy ýchaskesi (Aqtóbe obl. shek. — Aral q.).
Sondaı-aq tórt óńirde buǵan deıin engizilgen shekteýler áli de kúshinde.
Aqmola oblysy
Respýblıkalyq mańyzy bar «KAZ02 Astana — Kókshetaý (aınalma jol) — Petropavl — RF shekarasy (Jańa Jol ótkizý pýnkti)» avtojolynyń 19-231-shaqyrym aralyǵynda kóliktiń barlyq túri úshin jyldamdyq shekteýi 140 shaq/saǵ-tan 110 shaq/saǵ-qa deıin tómendetildi. Bul shara aýa raıynyń buzylýyna, temperatýranyń tómendeýi, kóktaıǵaq, usaq qardyń jaýýyna baılanysty engizildi.
Soltústik Qazaqstan oblysy
«Tımırıazevo — Sarykól — oblys shekarasy» avtojolynyń 0-30-shaqyrymynda (Qostanaı oblysy shekarasy — Tımırıazevo aýyly) kóliktiń barlyq túri úshin shekteý bar.
Shyǵys Qazaqstan oblysy
Tirkemesi bar jáne jartylaı tirkemeli júk kólikteriniń qozǵalysy Osınov asýynda ýaqytsha shekteldi. Shekteý «Óskemen — Altaı — Katonqaraǵaı — Rahman qaınary» avtojolynyń 46-66-shaqyrymyndaǵy (Severnoe aýyly — Serebrıansk qalasy) ýchaskesinde saqtalady.
Pavlodar oblysy
«Astana — Shiderti — Pavlodar — Ýspenka — RF shekarasy» avtojolynda (Qalqaman eldi mekenine kireberis pen Astanaǵa shyǵatyn baǵyt) kóliktiń barlyq túri úshin qozǵalysqa ýaqytsha shekteý engizildi.
Qalqaman eldi mekeninen Astanaǵa qozǵalys Bereke «Qalqaman — Aqsý» kólik aıryǵy arqyly (uzaqtyǵy 6 shaqyrym) jáne Pavlodar qalasynan Qalqaman eldi mekenine qozǵalys «Baıanaýyl» kólik aıryǵy arqyly júzege asyrylady.
Aýa raıy
2025 jylǵy 2 jeltoqsanda Aqmola, Qostanaı, Qaraǵandy jáne Pavlodar oblystarynyń keı jerinde qar aralas jańbyr men qar jaýady.
— Sol sebepti júrgizýshilerge jyldamdyq rejımi men qaýipsiz araqashyqtyqty qatań saqtap, joldardaǵy aýa raıynyń qolaısyzdyǵyn eskerýlerińizdi suraımyz, — delingen habarlamada.
Eske salaıyq, buǵan deıin 2 jeltoqsanda Qazaqstannyń 16 oblysynda qolaısyz aýa raıyna baılanysty eskertý jarııalanǵanyn jazǵanbyz.