2 jeltoqsanda bes qalada aýa sapasy nasharlaıdy
NUR-SULTAN. QazAqparat – 2 jeltoqsan kúni jaǵymsyz meteorologııalyq jaǵdaı Qazaqstannyń bes qalasynda kútiledi, dep habarlaıdy QazAqparat.
«Qazgıdromet» RMK aqparatyna súıensek, dúısenbi kúni atmosferalyq aýa sapasy Qaraǵandy, Nur-Sultan, Pavlodar, Taldyqorǵan jáne Óskemen qalalarynda nasharlaıdy.
Al Aqtóbe, Aqtaý, Oral, Qostanaı, Qyzylorda, Kókshetaý, Petropavl, Taraz jáne Shymkentte aýanyń lastanýy kútilmeıdi.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
