2 jeltoqsan. Tulǵalar týǵan kún
Búgin, 2 jeltoqsan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
64 jyl buryn (1960) Araldy qutqarý Halyqaralyq qory Atqarýshy komıtetiniń tóraǵasy Ashat Tutqyshbaıuly ORAZBAI dúnıege keldi.
Qyrǵyz Respýblıkasynyń Frýnze (qazirgi – Bishkek) qalasynda týǵan. Tashkent memlekettik ýnıversıtetiniń shyǵys tilderi fakýltetin bitirgen.
1985-1990 jyldary Qazaq KSR Mádenıet mınıstrligi Teleradıo komıtetiniń redaktory, 1990-1992 jyldary ál-Farabı atyndaǵy Qazaq Ulttyq ýnıversıtetiniń Shyǵystaný fakýltetiniń oqytýshysy, fakýltet dekanynyń orynbasary, 1992-1994 jyldary QR Syrtqy ister mınıstrligi Taıaý Shyǵys departamentiniń ekinshi hatshysy, QR Syrtqy ister mınıstriniń kómekshisi, 1994-1999 jyldary Qazaqstan Respýblıkasynyń Iran Islam Respýblıkasyndaǵy elshiliginiń birinshi hatshysy, keńesshisi, 1999-2001 jyldary QR Syrtqy ister mınıstrligi ekijaqty yntymaqtastyq departamenti dırektorynyń orynbasary qyzmetin atqarǵan. 2001-2002 jyldary BUU arnaıy mıssııasynyń Islamabad qalasyndaǵy Aýǵanstan jónindegi saıası keńesshisi, 002-2003 jyldary QR Syrtqy ister mınıstrligi Afrıka, Taıaý Shyǵys jáne Azııa departamentiniń dırektory, 2003-2006 jyldary QR Syrtqy ister mınıstrliginiń arnaıy tapsyrmalar jónindegi elshisi, Ekonomıkalyq yntymaqtastyq uıymynyń bas hatshysy, 2006-2008 jyldary QR Syrtqy ister mınıstrliginiń arnaıy tapsyrmalar jónindegi elshisi, Qazaqstan Respýblıkasynyń Shanhaı yntymaqtastyq uıymyndaǵy qyzmet jónindegi ulttyq úılestirýshisi qyzmetterin atqarǵan. 2008-2012 jyldary - Túrikmenstandaǵy Qazaqstan Respýblıkasynyń Tótenshe jáne Ókiletti elshisi. 2012-2019 jyldary Qazaqstan Respýblıkasynyń Indonezııadaǵy Tótenshe jáne ókiletti elshisi, Qazaqstan Respýblıkasynyń Fılıppın Respýblıkasyndaǵy Tótenshe jáne ókiletti elshisi laýazymyn qosa atqarýshy, 2019-2021 jyldary Qazaqstan Respýblıkasynyń Iran Islam Respýblıkasyndaǵy Tótenshe jáne ókiletti elshisi qyzmet atqarǵan.
2024 jyldyń qańtar aıynan bastap qazirgi qyzmetinde.
«Jaýyngerlik erligi úshin», «Qazaqstan Respýblıkasynyń táýelsizdigine 10 jyl», «Qazaqstan Konstıtýtsııasyna 10 jyl», «Eren eńbegi úshin», «Astananyń 10 jyldyǵy» medaldarymen, QR Qurmet gramotasymen marapattalǵan. QR Prezıdentiniń alǵys hatyn alǵan.
62 jyl buryn (1962) Qazaqstan Respýblıkasy Premer-mınıstri Keńsesiniń qarjy-sharýashylyq bóliminiń meńgerýshisi Berdibek Qýanuly MEIІRBEKOV dúnıege keldi.
Shymkent oblysynda týǵan. 1992 jyly T. Rysqulov atyndaǵy Qazaq memlekettik ekonomıkalyq ýnıversıtetiniń qarjy jáne nesıe fakýltetin ekonomıst mamandyǵy boıynsha bitirgen. Ekonomıka ǵylymdarynyń kandıdaty (2004).
Eńbek joly: 1983-1988 jyldary KSRO Membanktiń Sozaq aýdany bólimshesinde 2-shi razrıadty sarapshy-kassıri, 1988-1992 jyldary «Agroprombank» aqsha aınalymy jónindegi ýákil, 1992-1995 jyldary «Qazaqstan Álembanki» AQ basqarmasynda jetekshi ekonomıst, bas ekonomıst, basqarma bastyǵy, teraǵa orynbasary, 1995-1998 jyldary damytý jáne yntymaqtastyq Ortalyq Azııa bank vıtse-prezıdenti (Almaty qalasy) qyzmetin atqarǵan. 1998-1999 jyldary QR Premer-mınıstri Keńsesiniń Qujattyq qamtamasyz etý bólimi meńgerýshisiniń orynbasary, 1999-2012 jyldary QR Premer-mınıstri Keńsesiniń Qarjy-sharýashylyq jáne kadr jumysy bóliminiń meńgerýshisi, 2012-2014 jyldary QR Premer-mınıstri Keńsesiniń Qujattyq qamtamasyz etý bólimi meńgerýshisiniń orynbasary, keıin QR Premer-mınıstri Keńsesiniń qarjy-sharýashylyq bóliminiń meńgerýshisi laýazymyn atqarǵan.
2023 jyldyń aqpan aıynan beri qazirgi qyzmetinde.
«Qazaqstan Respýblıkasynyń táýelsizdigine 10 jyl» (2001), «Eren eńbegi úshin» (2005), «Qazaqstan Konstıtýtsııasyna 10 jyl» (2005), «Qazaqstan Parlamentine 10 jyl» (2006) medaldarymen marapattalǵan.
53 jyl buryn (1971) Qazaqstan Respýblıkasy Parlamenti Senatynyń depýtaty Bıbigúl Nurǵalıqyzy JEKSENBAI dúnıege kelgen.
Shyǵys Qazaqstan oblysynda týǵan. Ál-Farabı atyndaǵy Qazaq memlekettik ýnıversıtetin jýrnalıstıka mamandyǵy boıynsha; Qazaq memlekettik ýnıversıtetiniń janyndaǵy Abylaıhan atyndaǵy halyqaralyq qatynastar jáne álem tilderi ınstıtýtyn qujat júrgizý isi jáne basqarýdy qujattamalyq qamtamasyz etý mamandyǵy boıynsha bitirgen, Halyqaralyq Bıznes Akademııasynyń bıznes basqarý magıstri.
Eńbek joly: 1992-1993 jyldary «Sport» respýblıkalyq gazetinde tilshi, 1993-1994 jyldary respýblıkalyq qoǵamdyq-saıası «Jas Alash» gazetinde tilshi, 1994-1996 jyldary «Atamura» aptalyq gazetiniń tilshisi, 1996-2007 jyldary «Habar» agenttiginiń Astana qalasy boıynsha ortalyq bıýrosynda redaktor, tilshi, prodıýser, dırektor orynbasary, 2007 jyly «Qazaqstan» tele-radıo korporatsııasynda aqparattyq baǵdarlamalar dırektsııasy dırektorynyń orynbasary, aqparattyq-taldaý baǵdarlamalary dırektsııasynyń dırektory bolyp qyzmet atqarǵan. 2007-2008 jyldary «Qazaqstan» RTRK ulttyq televıdenıesi bas dırektorynyń orynbasary, 2008-2010 jyldary «Era» telearnasynyń bas dırektorynyń orynbasary-bas redaktory, 2010-2011 jyldary «Jetinshi arna» telearnasynyń bas dırektory, 2011-2016 jyldary «Jetinshi arna» Dırektorlar keńesiniń tóraıymy, 2016-2019 jyldary QR Parlamenti Senaty Tóraǵasynyń BAQ-pen ózara is-qımyl máseleleri jónindegi keńesshisi, 2019 jyly «Astana» telearnasynyń bas dırektory qyzmetinde boldy. Ulttyq quryltaı tóraǵasynyń orynbasary, Bas redaktorlar klýbynyń prezıdenti.
2023 jyldyń qańtar aıynan bastap qazirgi qyzmetinde.
«Qurmet» ordeni, BAQ salasyndaǵy Qazaqstan Respýblıkasynyń Prezıdenti syılyǵynyń laýreaty, «Qazaqstan Táýelsizdiginiń 10 jyldyǵy», «Qazaqstan Respýblıkasynyń Parlamentine 10 jyl», «Astananyń 10 jyldyǵy» merekelik medaldarymen marapattalǵan jáne «Mádenıet qaıratkeri» ataǵynyń ıegeri, «Jyl adamy-2006» ataǵynyń ıegeri.
43 jyl buryn (1981) Atyraý oblysy ákiminiń orynbasary Marat Bısenǵalıuly MÝRZIEV dúnıege keldi.
Qazaq gýmanıtarlyq-zań ýnıversıtetin («zańger» mamandyǵy), T. Rysqulov atyndaǵy jańa ekonomıkalyq ýnıversıtetin («ekonomıst» mamandyǵy) bitirgen.
Eńbek jolyn 2003 jyly Atyraý tabıǵatty qorǵaý prokýrorynyń kómekshisi qyzmetinen bastaǵan. 2004 jyly Atyraý qalasy prokýrorynyń kómekshisi, 2006-2009 jyldary zańger, túrli kompanııalardaǵy qoǵammen baılanys jónindegi menedjer qyzmetin atqardy. 2009 jyly Batys Qazaqstan oblysy Shyńǵyrlaý aýdany ákiminiń apparatynda ákimniń keńesshisi bolyp jumys istedi. 2010-2011 jyldary Batys Qazaqstan oblysy bilim basqarmasynyń bólim basshysy, Atyraý oblysy ákimi apparatynyń memlekettik-quqyqtyq bóliminiń meńgerýshisi, 2012 jyly Atyraý oblysy ákimi apparaty basshysynyń quqyqtyq qamtamasyz etý jáne baqylaý jónindegi orynbasary, 2013 jyly Atyraý oblysy Tekserý komıssııasynyń tóraǵasy, 2017-2023 jyldary Isataı, Qurmanǵazy aýdandarynyń ákimi boldy.
Qazirgi qyzmetin 2023 jyldyń sáýir aıynan beri atqaryp keledi.