2 jeltoqsan kúni Qazaqstanda ótetin mańyzdy sharalarǵa sholý
ASTANA. QazAqparat - «QazAqparat» Halyqaralyq aqparat agenttigi Qazaqstanda 2 jeltoqsanda ótetin mańyzdy sharalar sholýyn usynady.
ALMATY
Saǵat 10.00-de saıatshylyqtan Azııa chempıonatynyń saltanatty ashylýy ótedi. Almaty ákimdigi jáne «Samuryq-Qazyna» ulttyq ál-aýqat qorynyń qoldaýymen ótip jatqan saıysqa túrki áleminiń onnan astam memleketinen saıatshylar qatysady. Saıystyń ótetin orny: Alataý aýdany, Baýyrjan Momyshuly jáne Aqyn Sara kósheleriniń qıylysy (ónerkásiptik aımaqtyń aýmaǵy).
Saǵat 12.00-de «Baǵanashyl» SO-da kıokýshınkaı kan karate sporty túrinen Qazaqstan Respýblıkasynyń chempıonaty bastalady.
Saǵat 15.00-de «Grand Park» saýda oıyn-saýyq ortalyǵynda «Aıaz atalar» jáne «Aqshaqarlar» sherýi ótedi. Sherýge 100-den astam adam qatysady.
Saǵat 17.00-de Esentaı alańynyń aýmaǵynda Danelııa Tóleshevanyń qatysýymen qalanyń eń sándi shyrsha aǵashtarynyń biri resmı jaryqtandyrylady.
