2 jastaǵy balasyn óltirip, tońazytqyshta ustaǵan áıel májbúrli emdelýge jiberildi
TALDYQORǴAN. QazAqparat – Almaty oblysynda 2 jastaǵy balasyn óltirip tońazytqyshta ustaǵan áıel májbúrli emdelýge jiberildi, dep habarlaıdy QazAqparat tilshisi.
Almaty oblysynyń mamandandyrylǵan qylmystyq soty taratqan málimetke qaraǵanda, áıel adam shızofrenııa aýrýyna shaldyqqan. Sol sebepti oǵan qatysty qylmystyq óndiris sot qaýlysymen toqtatyldy. Endi 27 jastaǵy áıel májbúrli túrde mamandandyrylǵan psıhıatrııalyq statsıonarda emdeletin bolady.
Esterińizge sala keteıik, byltyr qazan aıynda Almaty oblysynyń Qaratal aýdanyna qarasty Úshtóbe qalasynda 2 jastaǵy balanyń denesi muzdatqyshtan tabylǵan bolatyn.
Artynsha kishkentaı ul balany týǵan anasy óltirdi degen kúdikpen ustaldy.
Áıeldiń aıtýynsha, ol balanyń ákesimen ajyrasqan, əkesi ózge elde turady. Jáne ulyn qalaı tunshyqtyryp óltirgenin ol qolymen kórsetip berdi.
