2 jastaǵy balasyn 30 myń teńgege satqan bezbúırek ana jyndyhanaǵa jatqyzyldy
ASTANA. QazAqparat - 2 jastaǵy balasyn 30 myń teńgege satqan bezbúırek ana jyndyhanaǵa jatqyzyldy, dep habarlaıdy Balqash qalalyq sotynyń baspasóz qyzmetinen.
«Balqash qalalyq soty 22 jastaǵy áıeldi aıyptaý boıynsha Qazaqstan Respýblıkasy qylmystyq kodeksiniń 135-babynyń 1-tarmaǵymen (kámeletke tolmaǵan balany saýdalaý) qylmys jasaǵany úshin, oǵan medıtsınalyq sıpattaǵy májbúrleý sharasyn qoldaný týraly qalalyq prokýratýradan túsken qylmystyq isti qarady.
Ol materıaldyq baıý maqsatynda azamatsha D.-ǵa 2 jastaǵy balasyn 30 000 teńgege satqan.
Jan-jaqtyly statsıonarlyq psıhologo-psıhıatrııalyq sot saraptama qorytyndysyna sáıkes, aıyptalýshy buryn da, qazirgi tańda da psıhıkalyq aýytqýlardan zardap shekken.
Sot qaýlysymen aıyptalýshy áıelge qatysty ambýlatorlyq májbúrli tekserý jáne psıhıatrǵa emdelýge medıtsınalyq sıpattaǵy májbúrleý túrindegi sharasy taǵaıyndaldy», - dep jazylǵan habarlamada.
Kámeletke tolmaǵan 2 jastaǵy balanyń múddesin qamtamasyz etý úshin «Aqtoǵaı aýdanynyń bilim bólimi» memlekettik mekesiniń sheshimi boıynsha bala Qaraǵandy qalasyndaǵy «Shapaǵat» balalar úıine ornalastyryldy.
Sot qaýlysy zańdy kúshine engen joq.
