2 jasar sábı órtengen kóliktiń júrgizýshisi men jolaýshylary mas bolǵan
ASTANA. QazAqparat - 2 jasar bala tirideı órtengen avtomobıldiń júrgizýshisi men jolaýshylary ishimdik ishken. Bul týraly KırTAG Ystyqkól oblystyq ІІB silteme jasap habarlady.
«Júrgizýshi men jolaýshylar mas bolǵan. Qazirgi ýaqytta birqatar saraptama, sonyń ishinde tehnıkalyq saraptama júrgizilip jatyr. Osydan soń qylmystyq is týraly sheshim qabyldanbaq», - dep habarlandy baspasóz qyzmetinen.
Eske sala keteıik, Qyrǵyzstannyń Ystyqkól oblysynda eki jasar bala anasynyń kóz aldynda tirideı órtengen.
Oqys oqıǵa 12 sáýir kúni shamamen saǵat 14:30 boldy. Ystyqkól oblysyndaǵy Semenovka aýylynyń 22 jastaǵy turǵyny Kıchı-Ak-Sýý shatqalynan «Moskvıch IJ Kombı» markili kóligimen úıine kele jatqan. Ol avtomobıl salonyna ishinde janar-jaǵar maıy bar 5 lıtrlik ydysty qoıǵan.
Qaýipsizdik tehnıkasy saqtalmaǵandyqtan, jol boıynda ishinde janar-jaǵar maıy bar kanıstr órtengen. Budan shoshynǵan júrgizýshi kólikti kúrt burǵan sátte, aýdarylyp ketken.
Júrgizýshi men eki eresek jolaýshy mashınadan shyǵyp úlgerdi. Al 2 jasar bala salonda qalyp qoıdy. Búldirshin 23 jastaǵy anasynyń kózinshe tirideı otqa orandy.
Júrgizýshi men jolaýshylardyń biri Ananevo aýylyndaǵy aýrýhanaǵa jetkizildi.
