2 jasar balasyn óltirip, máıitin muzdatqyshta saqtaǵan áıel týraly kórshileri aıtyp berdi
TALDYQORǴAN. QazAqparat - Almaty oblysynda eki jastaǵy týǵan ulyn óltirdi degen kúdikti jaıly kórshileri aıtyp berdi, dep habarlaıdy QazAqparat tilshisi.
«Áıeldiń apaıy bizge júgirip kelip, bala muzdatqyshta ólip jatyr dedi. Biz birden polıtsııa shaqyrdyq. Balany shilde aıynyń ortasynan keıin kórmedik. Buryn kúıeýimen Reseıde turǵan. Qazir bir jyldan beri osy jerde turady. Balasyn ylǵı jylatyp jatady. Bizge jaqyn turǵandyqtan jylaǵan daýysyn da estıtinbiz. Balasy bizdiń úıge kelip, únemi meniń qasymda júretin. Bala úıge barmaımyn deıtin. Al áıeldiń ózi sońǵy kezde jaǵalaı qaryz surap ketti. Kórshilerdiń bárine qaryz. Biraq ulyn óltirgendigi jaıly syr bildirmedi. Bala qaıda dep surasaq, Taldyqorǵanda tárbıeshide deıdi, boldy», - dedi Qaratal aýdanyna qarasty Úshtóbe qalasynyń turǵyny Lıýbov Slesarenko.
Týǵan ulyn óltirip, múrdesin eki aıǵa jýyq ýaqyttan beri muzdatqyshta ustady degen kúdikke ilingen áıel qazir qamaýda otyr.
Esterińizge sala keteıik, buǵan deıin Almaty oblysynyń Úshtóbe qalasynda 27 jastaǵy áıel eki jastaǵy balasyn óltirdi degen kúdikpen ustalǵanyn habarlaǵan bolatynbyz.
