2 jasar bala anasynyń kóz aldynda kólik ishinde otqa orandy
ASTANA. QazAqparat - Qyrǵyzstannyń Ystyqkól oblysynda eki jasar bala anasynyń kóz aldynda tirideı órtengen. Bul týraly KırTAG oblystyq ІІB silteme jasap habarlady.
Oqys oqıǵa 12 sáýir kúni shamamen saǵat 14:30 boldy. Ystyqkól oblysyndaǵy Semenovka aýylynyń 22 jastaǵy turǵyny Kıchı-Ak-Sýý shatqalynan «Moskvıch IJ Kombı» markili kóligimen úıine kele jatqan. Ol avtomobıl salonyna ishinde janar-jaǵar maıy bar 5 lıtrlik ydysty qoıǵan.
Qaýipsizdik tehnıkasy saqtalmaǵandyqtan, jol boıynda ishinde janar-jaǵar maıy bar kanıstr órtengen. Budan shoshynǵan júrgizýshi kólikti kúrt burǵan sátte, aýdarylyp ketken.
Júrgizýshi men eki eresek jolaýshy mashınadan shyǵyp úlgerdi. Al 2 jasar bala salonda qalyp qoıdy. Búldirshin 23 jastaǵy anasynyń kózinshe tirideı otqa orandy.
Júrgizýshi men jolaýshylardyń biri Ananevo aýylyndaǵy aýrýhanaǵa jetkizildi.
