2 úlken qalany karantınge jabý zań talaptaryna sáıkes – mınıstrlik

NUR-SULTAN. QazAqparat – QR Ádilet mınıstri Marat Beketaev Nur-Sultan, Almaty qalalaryn karantın jabý zań aıasynda júrgizilgenin aıtty, dep habarlaıdy QazAqarat tilshisi.

«QR Prezıdentiniń Jarlyǵyna sáıkes, elimiz boıynsha tótenshe jaǵdaı engizildi. Bul – ýaqytsha jáne májbúrli shara. Birinshiden, bul shara azamattardyń densaýlyǵyn qamtamasyz etý maqsatynda engizildi. Ekinshiden, bul arnaıy quqyqtyq rejım. Jeke jáne zańdy tulǵalardyń keıbir quqyqtaryna shekteý belgilenedi jáne qosymsha jaýapkershilikter júkteledi. Muny túsinýimiz qajet. Sonymen birga, tótenshe jaǵdaı kezinde quqyq qorǵaý oryndary kúsheıtilgen jumys tártibine kóshedi. Tórtinshiden, memlekettik apratta da erekshe jumys rejımine kóship, sheshim qabyldaý ýaqyty qysqarady», - deıdi QR Ádilet mınıstri OKQ alańynda ótken baspasóz konfrentsııasynda.

Ol Nur-Sultan jáne Almaty qalalary karantın rejıminde ekeni týraly aıtyp ótti.

«Nur-Sultan jáne Almaty qalalaryn karantın rejıime kóshirý, qozǵalysty shekteý týraly sheshim konstıtýtsııalyq zańǵa sáıkes keledi. Bul sheshim ınfektsııanyń taralý qaýpin tómendetý maqsatynda qabyldandy», - deıdi ol.