2 tamyzdan bastap Ashyq júıesinde qandaı nysandar jumys isteıdi
«Aldyńǵy qaýlyda Nur-Sultan boıynsha kınoteatrlar, fıtnes-ortalyqtar jumys istemegen edi. Endi 2 tamyzdan bastap Ashyq júıesinde olardyń qyzmetine ruqsat etiledi, sonymen birge bılıard, kompıýter klýbtary jumys isteı bastaıdy», - dedi spıker Ortalyq kommýnıkatsııalar qyzmetinde.
Onyń aıtýynsha, qoldanystaǵy shekteýlerdi lokdaýn dep ataýǵa bolmaıdy.
«Bul sózsiz shekteýler ǵana. Ázirge olardy «demalystaǵy shekteýler» dep ataımyz. Іs júzinde Ashyq júıesi barlyǵyna jumys isteý quqyǵyn berip otyr. Árıne, demalys kúnderi bıznes shyǵynǵa ushyraıdy, biraq ony tótenshe jaǵdaı nemese lokdaýn dep ataýǵa, 42 500 tóleý kerek deýge zańdy negiz joq. Bıznes te ózderi jumys istegeni durys ekenin túsinedi. Shekteýler kesirinen tabystyń azaıatyny túsinikti. Alaıda olar bes kún jumys isteıdi. Ázirge shekteýler bir aptaǵa ǵana salynady. Bir aptadan keıin jaǵdaı jaqsarady dep oılaımyn. Eger siz Ashyq jobasynda boslańyz, erkin jumys isteı alasyz. Kóptegen kásipkerler keshki ýaqytta negizgi tabys túsetinin aıtty. Eń bastysy – bul uzaq merzimdi shekteý emes. Bir aptadan keıin jumys isteý múmkindigin qarastyryp kóreıik, eger jaǵdaı turaqtansa, tamyz aıynyń ortasynda sharalar qabyldanady», - dep túsindirdi Abylaı Myrzahmetov.
