2 tamyzdan bastap Ashyq jobasyna qatyspaıtyn birqatar mekemeniń jumysyna ruqsat beriledi

NUR-SULTAN. QazAqparat – Qazaqstannyń bas sanıtar dárigeri Erlan Qııasovtyń qaýlysymen birqatar nysandarǵa Ashyq jobasynan tys jumys isteýge ruqsat berilmek, habarlaıdy QazAqparat tilshisi.

Bas sanıtar dárigerdiń qaýlysynda:

- qurylys jumystaryn júrgizýge;

- ónerkásiptik kásiporyndardyń qyzmetine;

- janaspaıtyn qyzmet kórsetýge (avtojýý, avtomobılderdi, turmystyq tehnıkany, saǵattardy, telefondardy, kompıýterlerdi, aıaq kıimdi jóndeý, tigin atelesi, kir jýý oryndary, hımııalyq tazalaý, kilt jasaý, turmystyq úı qaǵıdaty boıynsha qyzmet kórsetý jáne t.b.), gúl dúkenderiniń, fotosalondardyń qyzmetine;

- týrıstik kompanııalardyń, bıznes ortalyqtardyń, qyzmettiń jekelegen túrleriniń qyzmetine (saqtandyrý kompanııalary, advokat, notarıýs, býhgalter jáne konsaltıng qyzmetteri, jyljymaıtyn múlik jónindegi agenttikter, jarnama agenttikteri, sot oryndaýshylary, aıyrbastaý pýnkteri, lombardtar, bankter, «Qazposhta» AQ bólimsheleri jáne t.b.);

- qoǵamdyq tamaqtaný obektileriniń tek alyp shyǵýǵa jáne jetkizýge arnalǵan qyzmetine Ashyq» jobasynan tys jumys isteýge ruqsat beriletini aıtylǵan.