2 tamyzda Qazaqstannyń basym bóliginde aýa raıy turaqsyz bolady dep kútilýde - aýa raıy boljamy
ASTANA. 1 tamyz. QazAqparat - Qazaqstannyń basym bóliginde atmosferalyq aǵyndardyń ótýine baılanysty 2 tamyzda aýa raıy turaqsyz bolady dep kútilýde, keı jerlerde naızaǵaı jarqyldap, jańbyr jaýady, jel kúsheıedi, tek respýblıkanyń ońtústigi men ońtústik-shyǵysynda aýa raıy jaýyn-shashynsyz bolady.
Bul týraly Qazgıdrometke silteme jasap, QR TJM baspasóz qyzmetinen habarlaıdy.
Aqmola, Qyzylorda, Batys Qazaqstan, Qostanaı, Soltústik Qazaqstan, Pavlodar, Qaraǵandy oblystarynda, kúndiz Atyraý oblysynda keı jerlerde jel 15-20 m/s-qa kúsheıedi dep kútilýde, Atyraý oblysynda shań kóterilip, daýyl turady. Mańǵystaý, Aqtóbe, Shyǵys Qazaqstan oblystarynda túnde jáne tańerteń keı jerlerde tuman túsedi, kúndiz Aqtóbe, Shyǵys Qazaqstan oblystarynda keı jerlerde jel 15-20 m/s-qa kúsheıedi.
Almaty, Jambyl oblystarynda, Ońtústik Qazaqstan, Qaraǵandy, Shyǵys Qazaqstan oblystarynyń keı jerlerinde kúndiz qatty ystyq saqtalady.
Respýblıkanyń batysynda, ońtústiginde, ońtústik-shyǵysynda jáne ortalyǵynda keı jerlerde tótenshe joǵary órt qaýpi saqtalady.
Jaqyn táýlikterde respýblıkanyń ońtústik-shyǵysy jáne shyǵysynyń taýly ózenderinde sý deńgeıiniń turaqsyzdyǵy kútilýde. Qazaqstannyń qalǵan sý nysandarynda gıdrologııalyq tártipte aıtarlyqtaı ózgerister kútilmeıdi.
