2 tamyzda el aýmaǵynyń basym bóliginde jel kúsheıip, burshaq jaýýy yqtımal
NUR-SULTAN. QazAqparat – 2 tamyzda aýa aǵyndarynyń ótýine baılanysty Qazaqstannyń basym bóliginde aýa raıy qubylmaly bolady. Tek keı jerlerde jańbyr jaýyp, naızaǵaı jarqyldaıdy. Keı jerlerde jel kúsheıedi, daýyl, shańdy daýyl turyp, burshaq jaýýy múmkin, dep habarlaıdy QazAqparat Qazgıdrometke silteme jasap.
Aqmola oblysynda daýyl kútiledi, burshaq jaýýy múmkin, túnde jel kúsheıedi, kúndiz basym bóliginde 15-20 m/s jetedi.
Qostanaı, Soltústik Qazaqstan, Pavlodar oblystarynyń keı jerlerinde daýyl, burshaq jaýýy yqtımal, jel 15-20, keı jerlerde ekpini 23-28 m/s jetedi.
Qaraǵandy, Shyǵys Qazaqstan oblystarynyń keı jerlerinde daýyl kútiledi, burshaq jaýýy múmkin, jel 15-20 m/s kúsheıedi.
Almaty, Batys Qazaqstan, Aqtóbe túnde jáne tańerteń Qyzylorda, Atyraý, kúndiz Jambyl oblystarynyń keı jerlerinde jeldiń jyldamdyǵy 15-20 m/s jetedi.
Túrkistan oblysynyń keı jerlerinde jel 15-20, kúndiz ekpini 23 m/s jetip, shańdy daýylǵa ulasady.
Kúndiz Almaty, Jambyl, Pavlodar, Shyǵys Qazaqstan oblystarynda qatty ystyq kútiledi.
Qyzylorda, Túrkistan, Jambyl, Almaty oblystarynda, Qaraǵandy Aqtóbe, Shyǵys Qazaqstan, oblystarynyń keı jerlerinde óte joǵary órt qaýpi saqtalady.
