2 tamyzda Astananyń birqatar nysandarynda aýyz sý berý toqtatylady
ASTANA. QazAqparat - 2 tamyzda saǵat 10.00-den 20.00-ge deıin josparly jóndeý jumystaryn ótkizýge baılanysty Astanynyń birqatar turǵyn jáne turǵyn emes nysandarynda aýyz sý berý toqtatylady, dep habarlaıdy qalalyq ákimdiktiń baspasóz qyzmeti.
Atap aıtqanda, kelesi mekenjaı boıynsha turǵyn úıler aýyz sýsyz qalady: Kúıshi Dına 4/1, 4/2; Maılın kóshesi 3, 3/2, 5, 5/1, 7, 7/1, 7/2, 8, 9, 11/1, 14, sondaı-aq Táýelsizdik dańǵyly 26/1, Sátbaev kóshesi 19, 19/1.
Onymen birge kelesi mekenjaı boıynsha turǵyn emes nysandar aýyz sýsyz qalady: Maılın, 12- Qoǵamdyq tamaqtaný jáne qyzmet kolledji, Maılın, 1- Tengrı qonaqúıi, Maılın, 4- Fusion qonaqúı, Maılın, 10- bıznes ortalyq, sondaı-aq Maılın, 2/4, 1, 6.
