2 tamyz: Týǵan kún ıeleri
ESІMDER
66 jyl buryn (1952) Qazaqstan Respýblıkasy Prezıdenti Keńsesiniń bastyǵy QASYMBEKOV Mahmud Bazarqululy dúnıege keldi.
Jambyl oblysynyń Shý qalasynda týǵan. Bilimi joǵary, matematıka pániniń muǵalimi, ekonomıst, saıasattanýshy, saıasattaný ǵylymdarynyń doktory, professor. Eńbek jolyn 1969 jyly Shý qalasyndaǵy S.Seıfýllın atyndaǵy orta mektepte bastady. 1974 jyly Abaı atyndaǵy Qazaq pedagogıka ınstıtýtynyń matematıka fakýltetin, 1985 jyly Almaty halyq sharýashylyǵy ınstıtýtynyń josparlaý-ekonomıkalyq fakýltetin, 1990 jyly Almaty joǵary partııa mektebin bitirgen. 1973-1976 jyldary Abaı atyndaǵy Qazaq pedagogıkalyq ınstıtýty komsomol komıteti hatshysynyń orynbasary, keıinnen hatshysy bolyp istedi. 1976-1983 jyldary Frýnze aýdandyq, Almaty qalalyq jáne oblystyq komsomol komıtetteriniń hatshysy, respýblıka komsomoly Ortalyq Komıtetinde bólim meńgerýshisi bolyp istedi. 1983-1990 jyldary Almaty oblystyq jáne Qazaqstan Kompartııasy Ortalyq Komıtetinde eńbek etti. 1990 jyldan - Qazaqstan Respýblıkasy Prezıdenti men Mınıstrler Kabıneti Apparaty, keıinnen Memleket basshysynyń Ákimshiligi Jalpy bóliminiń meńgerýshisi. 1996 jyldyń naýryzynan - Qazaqstan Respýblıkasy Prezıdenti Keńsesiniń meńgerýshisi, al keıinnen bastyǵy qyzmetin atqarýda.
M.B.Qasymbekov 100-den astam ǵylymı maqalalar jarııalaǵan, ol - 25-ke tarta kitaptyń avtory, telavtory jáne qurastyrýshysy. Qazaqstan Respýblıkasynyń ǵylym, tehnıka jáne bilim salasyndaǵy Memlekettik syılyǵynyń ıegeri, «Qazaqstan Respýblıkasynyń Tuńǵysh Prezıdenti Nursultan Nazarbaev», ІІІ dárejeli «Barys», «Qurmet» ordenderimen, 7 medalmen marapattalǵan.
64 jyl buryn (1954-2000) belgili ánshi, Qazaqstan Respýblıkasynyń Eńbek sińirgen ártisi ERÁLIEVA Mádına Esmalaıqyzy dúnıege keldi. Qyzylorda oblysynyń Qazaly aýdanynda týǵan. Qyzylorda pedagogıkalyq ýchılışesiniń mýzyka bólimin, Qazaq memlekettik qyzdar pedagogıkalyq ınstıtýtynyń mýzykalyq fakýltetin bitirgen. 1978-1984 jyldary Ádebıet jáne óner ınstıtýtynda qyzmet istedi. 1985 jyldan ómiriniń sońyna deıin Almaty oblystyq fılarmonııasynyń jetekshi ánshisi boldy. Názik te syrshyl ún, ózindik mánerimen halyqtyń súıikti ánshisine aınaldy. Onyń oryndaýyndaǵy «Aıqaragóz», «Aqbaıan», «Jylqy ishinde ala júr», taǵy basqa kóptegen ánderi men «Kirmeshi jıi túsime», «Saǵym jyldar» sııaqty qazirgi qazaq kompozıtorlarynyń ánderi M.Erálıevanyń ózine tán ǵana ánshilik mánerimen, ózindik oryndaý ereksheligimen, naqyshty boıaýymen halyq jadynda qaldy. Ol halqymyzdyń ulttyq án ónerin nasıhattaýǵa eleýli úles qosty.
62 jyl buryn (1956) «Astana EKSPO-2017» UK» AQ basqarmasy tóraǵasynyń orynbasary LıÝTOV Vladımır Vıktorovıch dúnıege keldi.
1983 jyly Tselınograd ınjenerlik-qurylys ınstıtýtyn «ınjener-qurylys» mamandyǵy boıynsha bitirgen.
1973 jyly Tselınograd jol-qurylys materıaldary kombınaty jáne TBK, dánekerleýshi-armatýrashy. 1983 jyly - «Tselınogradtıajstroı» tresi, «Otdelstroı» qurylys basqarmasy sheber, prorab, ýchaske bastyǵy. 1985 j. - «Tselınogradselmash» óndiristik birlestigi, Kúrdeli qurylys basqarmasynyń bastyǵy. 1988 j. - «Tselınogradtıajstroı» tresiniń. «Promındýsstroı» qurylys basqarmasynda qyzmet etti, 1992 - 1996 jyldary - «Tselınogradstroıınvest memlekettik fırmasynyń bas dırektory. 1996 - 1998 jyldary - «Tselınstroı» QK bas dırektory. 1998 j. - QR Syrtqy ister mınıstrligi. 2006 jyly Astana qalasy boıynsha Memlekettik sáýlet-qurylys baqylaý departamentiniń dırektory, 2008 jyly «Astana qalasy Qurylys basqarmasy» MM bastyǵy bolyp taǵaıyndaldy. 2015 jylǵy 15 maýsymnan bastap qazirgi qyzmetinde.
49 jyl buryn (1969) qazirgi bessaıys pen sý astynda baǵdarlaýdan eńbek sińirgen sport sheberi, sýǵa júzýden halyqaralyq dárejedegi sport sheberi, qazirgi bessaıystan úsh dúrkin Azııa chempıony ShÝMILOVA Lıýdmıla Grıgorevna dúnıege keldi.
Almaty oblysynda týǵan. Jattyqtyrýshysy - V.Vasılev. Sportshy 1984-1993 jyldary aralyǵynda KSRO men TMD kýbogy men birinshilikteriniń birneshe dúrkin jeńimpazy atanǵan. L.Shýmılova HH ǵasyrdaǵy álemniń eń myqty bessaıysshylarynyń biri. Qazaqstan Respýblıkasynyń 25 ret rekordyn jańartqan. 19 elde ótken qazirgi bessaıys pen sý astynda júzýden ashyq birinshilikterge qatysyp, birneshe dúrkin chempıon boldy. Qazirgi bessaıystan Afınada ótken Olımpıada oıyndaryna qatysqan. «Qurmet» ordenimen marapattalǵan.
48 jyl buryn (1970) VI shaqyrtylymdaǵy QR Parlamenti Májilisiniń depýtaty, ekologııa jáne tabıǵatty paıdalaný máseleleri komıtetiniń múshesi KLIMENKO Ivan Ivanovıch dúnıege keldi.
Qostanaı oblysy Jitiqara aýdanynyń Myqtykól kentinde týǵan.
Bilimi - joǵary. 1987-1994 jyldary - Qaraǵandy memlekettik medıtsınalyq ýnıversıtetinde dáriger-pedıatr mamandyǵy boıynsha bilim alǵan. 2011 jyly M. Lomonosov atyndaǵy Máskeý memlekettik ýnıversıtetiniń EMVA - atqarýshy iskerlik ákimshilik etý magısri ataǵyn aldy. 2007-2012 jyldary - Omby memlekettik medıtsınalyq akademııasynda bilim alǵan, farmatsevt-provızor mamandyǵy berildi.
Eńbek jolyn 1994 jyly «STOMED» kompanııasynyń ónimderin taratý salasynda bastaǵan, Qostanaı q. 2008-2014 jyldary - «Stofarm» JShS prezıdenti. 2003-2016 jyldary - "Tsvetnaıa" ulttyq dárihanalar jelisiniń quryltaıshysy. 2015 jyly Qostanaı oblystyq máslıhatynyń depýtaty bolyp saılanǵan. 2016 jylǵy 24 naýryzdan bastap VI saılanǵan Qazaqstan Respýblıkasy Parlamenti Májilisiniń depýtaty, «Nur Otan» partııasynyń partııalyq tizimi boıynsha saılanǵan.
46 jyl buryn (1972) Qazaqstan Respýblıkasy Premer-Mınıstriniń orynbasary JUMAǴALIEV Asqar Qýanyshuly dúnıege keldi.
Orynbor oblysynda týǵan. Sverdlovtaǵy Sývorov ýchılışesin, Harkov raketa áskerleriniń joǵary komandalyq-ınjenerlik ýchılışesin, Q.Sátbaev atyndaǵy Qazaq ulttyq tehnıkalyq ýnıversıtetin, Qazaq gýmanıtarlyq zań ýnıversıtetin bitirgen.
Lozannadaǵy Shveıtsarııa Federaldy tehnologııa ınstıtýtynyń elektrondy basqarý boıynsha sheber dárejesi bar (Ecole Polytechnique Federale de Lausanne - EPFL). «Jaryq» JShS bas dırektory; Qazaqstan Respýblıkasynyń Kólik jáne kommýnıkatsııa mınıstrliginde Baılanys salasyndaǵy memlekettik qadaǵalaý basqarmasynyń bastyǵy, Baılanys jáne aqparattandyrý komıtetiniń tóraǵasy bolyp qyzmet atqardy. Qazaqstan Respýblıkasy Aqparattandyrý jáne baılanys agenttigi qurylǵan sátten bastap tóraǵa orynbasary, 2004 jyldyń qyrkúıegi men 2005 jyldyń qańtary aralyǵynda tóraǵa mindetin atqardy. 2005 jyldyń mamyrynan Qazaqstan Respýblıkasy Aqparattandyrý jáne baılanys agenttigi tóraǵasynyń birinshi orynbasary. 2006 jyldyń 27 qańtarynda Qazaqstan Respýblıkasy Aqparattandyrý jáne baılanys agenttiginiń tóraǵasy laýazymyna taǵaıyndaldy. 2006 jyldyń 11 qazannan 2010 jyldyń naýryzyna deıin «Qazaqtelekom» AQ Basqarmasynyń tóraǵasy. 2010 jylǵy 12 naýryzdan 2012 jylǵy 20 qańtarǵa deıin QR Baılanys jáne aqparat mınıstri qyzmetin atqardy.
2012 jylǵy 20 qańtarda QR Kólik jáne kommýnıkatsııa mınıstri bolyp taǵaıyndaldy. 2014 jyldyń naýryzynan QR Aqparat jáne baılanys agenttiginiń tóraǵasy bolǵan. 2015-2017 jyldary «Qazatomónerkásip» UAK» AQ basqarma tóraǵasy. Qazirgi qyzmetinde 2017 jyldyń tamyz aıynan bastap.
«Qazaqstan Konstıtýtsııasyna 10 jyl», «Qazaqstan Respýblıkasynyń táýelsizdigine 20 jyl» mereıtoılyq medaldarymen marapattaldy. 2005 jyly «Qurmetti baılanysshy» ataǵy berildi, ıÝ.A.Gagarın medaliniń ıegeri. 2009 j. «Qurmet» ordenimen marapattaldy.
40 jyl buryn (1978) «Memlekettik annýıtetti kompanııa» AQ basqarmasynyń tóraǵasy AMERQOJAEV Ǵalym Tashmuhanbetuly dúnıege keldi.
Qazaq memlekettik zań ýnıversıtetin aıaqtaǵan; SABIT baǵdarlamasy boıynsha taǵylymdamadan ótken.
Eńbek ótili: «Munaı saqtandyrý kompanııasy» AQ qyzmetkeri (1999-2007); «QazEksportGarant» eksporttyq-kredıttik saqtandyrý kompanııasy» AQ memlekettik damý ınstıtýtynyń basshysy (2007-2012), «Astana-fınans» SK» DK tóraǵasy, «Astana-fınans» KSJ» AQ (2010-2011); «BTA Saqtandyrý» bankiniń BTA EK» AQ saqtandyrý kompanııalarynda Dırektorlar keńesiniń múshesi.