2 tamyz kúni Almaty men Shymkentte aýa sapasy nasharlaıdy

NUR-SULTAN. QazAqparat – «Qazgıdromet» mamandary 2 tamyz kúni Qazaqstan qalalarynda aýa sapasy qandaı bolatynyn jarııalady, dep habarlaıdy QazAqparat.

Kásiporynnyń málimetinshe, juma kúni elimizdiń eki qalasynda - Almaty men Shymkentte qolaısyz meteorologııalyq jaǵdaı qalyptasyp, aýa lastanýy múmkin.

Ózge shaharlarda meteoahýal - birqalypty.

Qolaısyz meteorologııalyq jaǵdaı - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.