2 tamyzda eGov portaly ýaqytsha jumys istemeıdi

ASTANA. KAZINFORM – «Ulttyq aqparattyq tehnologııalar» AQ memlekettik qyzmet kórsetetin servısterdiń úzdiksiz jumysyn qamtamasyz etý maqsatynda josparly tehnıkalyq tekseris júrgizedi.

— Tehnıkalyq jumys 2025 jylǵy 2 tamyz saǵat 02:00–den saǵat 06:00–ge deıin júrgiziledi. Bul ýaqyt paıdalanýshylardyń eń tómen belsendiligi eskerile otyryp tańdaldy, ıaǵnı qolaısyzdyqtardy barynsha azaıtýǵa múmkindik beredi, — delingen habarlamada. 

Osy kezeńde kelesi memlekettik elektrondyq servısterdiń jumysy ýaqytsha shekteledi: 

* eGov.kz portaly men eGov Mobile mobıldi qosymshasy («Tsıfrlyq qujattar» servısin qosa alǵanda); 
* e-Otinish, E-license portaldary jáne Ashyq úkimet júıeleri;
* Ulttyq kýálandyrýshy ortalyǵy (UKO) servısi;
* Ulttyq aqparattyq tehnologııalar» AQ súıemeldeıtin ózge de jobalar;
* Elektrondyq úkimet arqyly ıntegratsııalanǵan ekinshi deńgeıli bankterdiń mobıldi qosymshalaryndaǵy jáne basqa júıelerdegi memlekettik qyzmet kórsetý servısteri.

— Osy oraıda qajetti operatsııany aldyn ala aıaqtaýdy jáne tehnıkalyq jumys kezinde qajet bolǵan jaǵdaıda qujattyń túpnusqasyn usyný qajet, — deıdi «Ulttyq aqparattyq tehnologııalar» AQ-dan.

Aıta ketsek, qazaqstandyqtar 270.00 nysandy deklaratsııany eGov.kz jáne eGov Mobile arqyly onlaın tapsyra alady. 

Sondaı-aq endi talapkerler eGov.kz portalynda bilim berý granttaryna ótinim bere alady.