2 tamyz. Kazinform kúntizbesi. Tulǵalar týǵan kún

ESІMDER

62 jyl buryn (1964) Mańǵystaý oblysy Kásipkerler palatasynyń dırektory Rashıt Turanuly MUSTAPAEV dúnıege keldi.

Túrikmenstanda týǵan. 1987 jyly Gýbkın atyndaǵy Máskeý munaı-gaz ınstıtýtyn, 1991 jyly Tbılısıde qalasyndaǵy KSRO MQK joǵary kýrstaryn, 2001 jyly London qalasyndaǵy EF-international school of English bitirgen.

Eńbek joly: 1987-1988 jyldary Túrikmenstan KSR Gaýrdak kúkirt zaýytynda taýdaǵy ashyq jumystar kenishinde energetık, 1988-1989 jyldary Túrikmenstan LJKO Charshangın aýdandyq komıtetiniń ekinshi hatshysy boldy, 1989-1995 jyldary KSRO MQK - QR UQK áskerı qyzmet atqarǵan. 1995-2000 jyldary «Mańǵystaýmunaıgaz» AAQ syrtqy ekonomıkalyq baılanystar bóliminiń bastyǵy, 2000-2003 jyldary sheteldik kompanııa fılıalynda dırektordyń munaı uńǵymalaryn kúrdeli jóndeý jónindegi orynbasary, 2003 jyly Mańǵystaý oblysy ákimi apparatynyń uıymdastyrý-baqylaý bóliminiń meńgerýshisi, 2003-2004 jyldary Mańǵystaý oblysy ákimi apparaty basshysynyń orynbasary, 2004 jyly Mańǵystaý oblysy ákimi apparatynyń basshysy, 2004-2006 jyldary Aqtaý qalasynyń ákimi, 2006-2007 jyldary QR Prezıdenti Ákimshiliginiń qoǵamdyq-saıası bóliminiń bas sarapshysy, 2007-2020 jyldary «Kaspıı» ÁKK basqarýshy dırektory bolyp qyzmet atqardy.

Qazirgi qyzmetinde 2020 jyldyń qyrkúıeginen bastap.

58 jyl buryn (1968) «KEGOC» AQ Basqarma tóraǵasynyń orynbasary Baqytjan Medeǵalıuly JAZYQBAEV dúnıege keldi.

1994 jyly Qazaq memlekettik basqarý akademııasyn «Marketıng jáne kommertsııa» mamandyǵy boıynsha, 2005 jyly S. Toraıǵyrov atyndaǵy Pavlodar memlekettik ýnıversıtetin «Elektr energetıkalyq júıeler men jeliler» mamandyǵy boıynsha, 2017 jyly «Ýnıversıtet NARHOZ» AQ, Іskerlik ákimshilendirý magıstri dárejesimen bitirdi.

Eńbek joly: 2001-2007 jyldary «KEGOC» AQ «Soltústik JET» fılıaly aýdıt bóliminiń bastyǵy, Aýdıt basqarmasynyń bastyǵy, fılıal dırektorynyń ekonomıkalyq máseleler jóninidegi orynbasary, «Aqtóbe JET» fılıalynyń dırektory, 2007-2012 jyldary «Taldyqorǵan aktsıonerlik kólik-elektr jelilik kompanııasy» AQ Prezıdenti, 2012-2015 jyldary «KEGOC» AQ Basqarma tóraǵasynyń birinshi orynbasary, 2015-2017 jyldary «KEGOC» AQ Basqarma tóraǵasynyń óndiris jónindegi orynbasary, 2017-2018 jyldary «KEGOC» AQ Óndiristik aktıvterdi basqarý jónindegi basqarýshy dırektory, 2018-2021 jyldary «KEGOC» AQ Óndiris jónindegi basqarýshy dırektory laýazymyn atqardy.

Qazirgi qyzmetine 2021 jyldyń jeltoqsan aıynda kiristi.

«Qurmet» ordenimen (2010), «Parasat» ordenimen (2016) marapattalǵan.

54 jyl buryn (1972) Qazaq ulttyq áıelder pedagogıkalyq ýnıversıtetiniń Basqarma tóraǵasy – rektory Beıbitkúl Sársemhanqyzy KÁRІMOVA dúnıege keldi.

Almaty oblysynyń Kegen aýdanynda týǵan. 1994 jyly Qazaq memlekettik qyzdar pedagogıkalyq ınstıtýtyn «Qazaq mektebindegi orys tili men ádebıeti» mamandyǵy boıynsha úzdik dıplommen aıaqtaǵan.

Eńbek jolyn 1995 jyly Qazaq memlekettik qyzdar pedagogıkalyq ınstıtýty Fılologııa fakýlteti dekanynyń orynbasary, Orys fılologııasy kafedrasynyń oqytýshysy qyzmetinen bastaǵan. 2003-2008 jyldary Almaty úzdiksiz bilim berý ýnıversıtetiniń oqý isi jónindegi prorektory, 2008-2011 jyldary ál-Farabı atyndaǵy Qazaq ulttyq ýnıversıteti kolledjiniń dırektory, 2011-2019 jyldary Qazaqstan Respýblıkasy Bilim jáne ǵylym mınıstrligine qarasty «Oqýlyq» Respýblıkalyq ǵylymı-praktıkalyq ortalyǵynyń dırektory qyzmetterin atqardy. 2020-2025 jyldary Qorqyt Ata atyndaǵy Qyzylorda ýnıversıtetiniń rektory laýazymyn atqarǵan.

Qazirgi qyzmetin 2025 jyldyń jeltoqsan aıynan beri atqaryp keledi.

Ol til bilimi, salystyrmaly grammatıka, zamanaýı qazaqstandyq saıasatkerdiń tildik tulǵasy máseleleri, oqýlyqtaný salasy boıynsha birqatar zertteýler júrgizdi. Onyń avtorlyǵymen 80-nen astam ǵylymı eńbek jaryq kórdi. Sonyń ishinde 2 monografııa, 16 oqýlyq pen oqý quraly, 4 sózdik jáne 20-ǵa jýyq maqala shyqty. 2006 jyly «Qazirgi saıasatkerdiń tildik tulǵasy (Qazaqstandaǵy orys tildi pýblıtsıstıka materıaldary negizinde)» taqyryby boıynsha kandıdattyq dıssertatsııa qorǵap, fılologııa ǵylymdarynyń kandıdaty ataǵyna ıe boldy.

41 jyl buryn (1985) Qazaqstan Halyq partııasy tóraǵasynyń orynbasary, memleket jáne qoǵam qaıratkeri Beıbit Bolatuly QUSAIYNOV dúnıege keldi.

Qaraǵandy qalasynda týǵan. Ál-Farabı atyndaǵy Qazaq ulttyq ýnıversıtetin «Halyqaralyq quqyq» mamandyǵy boıynsha bitirgen. M.V.Lomonosov atyndaǵy Máskeý memlekettik ýnıversıtetiniń ekonomıka fakýltetinde iskerlik ákimshilendirý magıstri (MBA) dárejesin aldy.

Eńbek jolyn 2006 jyly bastaǵan. Memlekettik jáne kommertsııalyq qurylymdarda jumys istegen, onyń ishinde QR Ádilet mınıstrliginiń Tirkeý qyzmeti komıtetinde, Ernst & Young kompanııasynda, Eýrazııalyq ekonomıkalyq qaýymdastyqta (EýrAzEQ), sondaı-aq birqatar iri kompanııalarda basshylyq laýazymdardy atqarǵan. 2022-2025 jyldary Qazaqstan Halyq partııasynyń Almaty qalalyq fılıaly tóraǵasynyń birinshi orynbasary, 2025-2026 jyldary partııanyń Almaty qalalyq fılıalynyń tóraǵasy boldy.

39 jyl buryn (1987) qazaqstandyq saıası, qoǵam qaıratkeri Ekaterına Sergeevna SMOLıAKOVA dúnıege keldi.

Reseıdiń Tomsk qalasynda týǵan. 2009 jyly І.Jansúgirov atyndaǵy Jetisý memlekettik ýnıversıtetinen qazaq tili jáne ádebıeti oqytýshysy mamandyǵy boıynsha, 2012 jyly Abaı atyndaǵy Qazaq Ulttyq pedagogıkalyq ýnıversıtetiniń magıstratýrasyn, 2024 jyly Qazaq-brıtan tehnıkalyq ýnıversıtetin (doktorantýra) bitirgen.

Eńbek joly; 2014-2015 jyldary Almaty ındýstrıaldy kolledjinde oqytýshy, 2014-2015 jyldary «Óner» baspasynyń qyzmetkeri. 2015-2016 jyldary S.A.Hodjıkov atyndaǵy №39 lıtseıdiń muǵalimi, 2016-2018 jyldary mansap jáne bitirý ortalyǵynyń meńgerýshisi, qabyldaý komıssııasynyń jaýapty hatshysy, QBTÝ oqytýshysy, 2018-2019 jyldary QBTÝ proektorynyń akademııalyq máseleler jónindegi orynbasary, 2019-2025 jyldary «QBTÝ» AQ Basqarma múshesi boldy. 2025-2026 jyldary – QR Parlament Májilisiniń VIII shaqyrylym depýtaty.

39 jyl buryn (1987) Qazaqstan Respýblıkasy Kólik mınıstrliginiń Avtomobıl kóligi jáne kóliktik baqylaý komıtetiniń tóraǵasynyń orynbasary Ǵanı Saparǵalıuly SALMAEV dúnıege keldi.

Aqtóbede týǵan. M.Tynyshpaev atyndaǵy Qazaq kólik jáne kommýnıkatsııalar akademııasyn «ınjener-bakalavr» mamandyǵy boıynsha, sondaı-aq Q.Jubanov atyndaǵy Aqtóbe óńirlik ýnıversıtetin «quqyqtaný» mamandyǵy boıynsha támamdaǵan.

Eńbek jolyn 2009 jyly «Jolaýshylar tasymaly» AQ-da bastaǵan. 2018 jyldan bastap QR Kólik mınıstrligi Kólik komıtetiniń qurylymdyq bólimshelerinde qyzmet atqaryp, maman jáne bas sarapshy laýazymdaryn atqarǵan. QR Kólik mınıstrliginiń Avtomobıl kóligi jáne kóliktik baqylaý komıteti Avtomobıl kóligindegi baqylaý basqarmasynyń basshysy qyzmetin atqardy.

Qazirgi laýazymyna 2026 jyldyń naýryzynda taǵaıyndaldy.

76 jyl buryn (1950-2024) aqyn Baqyt Shqurollauly KENJEEV dúnıege keldi.

Ońtústik Qazaqstannyń týmasy. Máskeý memlekettik ýnıversıtetiniń hımııa fakýltetin bitirgen.

Ol aqyn retinde alǵash ret «Lenın taýlary: Máskeý memlekettik ýnıversıtetiniń aqyndarynyń óleńderi» (Máskeý, 1977) ujymdyq jınaǵynda alǵash ret jarııalandy. Jas kezinde merzimdi basylymdarda («Komsomolskaıa pravda», «ıÝnost», «Moskovskıı komsomolets», «Prostor») jarııalandy, biraq onyń óleńderiniń birinshi kitaby 1984 jyly Amerıkada ǵana jaryq kórdi. 1970 jyldardyń basynda Kenjeev «Máskeý ýaqyty» poetıkalyq tobynyń negizin qalaýshylardyń biri boldy (Alekseı Tsvetkov, Aleksandr Soprovskıı, Sergeı Gandlevskıımen birge). 1972 jyldan bastap shyǵarylady. 1980 jyly Baqyt kanadalyq Laýra esimdi áıelge úılenip, 1982 jyly Kanadaǵa qonys aýdaryp, 2008 jyly AQSh-qa (Nıý-Iork) kóshti. Bul Kenjeevtiń Reseıdegi oqyrmandarymen, áriptesterimen kezdesýlerin toqtatpady, onyń kitaptaryn shyǵarý negizinen Reseı baspalarynda júzege asyryldy. Reseılik PEN-klýbtyń múshesi. Debıýt syılyǵynyń (2000) qazylar alqasynyń múshesi, «Aq torna» túrki poezııasy aýdarmalarynyń halyqaralyq baıqaýynyń (2011), Reseı syılyǵynyń, Álem kýbogynyń, Voloshın atyndaǵy baıqaýdyń qazylar alqasynyń múshesi boldy.