2 shildede Qazaqstannyń basym bóliginde jańbyr jaýyp, jel turady
ASTANA. KAZINFORM – «Qazgıdromet» RMK 2 shildege arnalǵan aýa raıy boljamyn jarııalady. Elimizdiń basym bóliginde jańbyr, naızaǵaı, burshaq, jel kútiledi. Keı óńirlerde sel júrý qaýpi saqtalady.
Elordada kúndiz jańbyr jaýyp, naızaǵaı oınaıdy. Ońtústik, ońtústik-shyǵystan soqqan jeldiń ekpini 15-20 m/s-qa deıin jetedi.
Almaty qalasy men Almaty oblysynda nóser jańbyrǵa baılanysty Іle jáne Kúngeı Alataýynda sel júrý qaýpi bar.
Shymkentte jańbyr jaýyp, naızaǵaı oınaıdy. Ońtústik-batystan soqqan jeldiń ekpini 15-20 m/s bolady.
Abaı oblysynyń batysynda, ońtústiginde jáne ortalyǵynda jańbyr, naızaǵaı, kúndiz burshaq kútiledi. Soltústiginde túnde tuman túsedi. Jeldiń ekpini 23-28 m/s-qa deıin kúsheıedi. Kúndiz aýa temperatýrasy 35-37 gradýsqa deıin kóteriledi. Óńirde tótenshe jáne joǵary órt qaýpi saqtalady.
Aqmola oblysynda túnde jańbyr men naızaǵaı, kúndiz batysynda, soltústiginde jáne ońtústiginde qatty jańbyr, burshaq jáne daýyl kútiledi. Jeldiń ekpini 23 m/s-qa deıin jetedi. Ońtústikte joǵary, shyǵysy men ortalyǵynda tótenshe órt qaýpi saqtalady.
Aqtóbe oblysynyń ońtústiginde, shyǵysynda jáne ortalyǵynda jańbyr, naızaǵaı, kúndiz burshaq pen daýyl boljanady.
Almaty oblysynyń soltústiginde, ońtústiginde jáne taýly aýdandarynda qatty jańbyr, burshaq jáne daýyl kútiledi. Jeldiń ekpini keı jerlerde 23-28 m/s-qa deıin kúsheıedi. Oblystyń basym bóliginde joǵary jáne tótenshe órt qaýpi saqtalady.
Atyraý oblysynyń batysynda, soltústiginde jáne shyǵysynda jańbyr men naızaǵaı kútiledi. Jeldiń ekpini 15-20 m/s bolady. Ońtústikte tótenshe órt qaýpi saqtalady.
Shyǵys Qazaqstan oblysynyń soltústigi men shyǵysynda jańbyr, naızaǵaı, kúndiz burshaq jaýady. Túnde tuman kútiledi. Aýa temperatýrasy 35-36 gradýsqa deıin kóteriledi. Joǵary jáne tótenshe órt qaýpi saqtalady.
Jambyl oblysynyń taýly aýdandarynda, sondaı-aq ońtústigi men soltústik-shyǵysynda jańbyr, naızaǵaı, jańbyr, burshaq jáne daýyl bolady. Jeldiń ekpini 23-28 m/s-qa deıin kúsheıedi. Órt qaýpi saqtalady.
Jetisý oblysynyń taýly aýdandarynda qatty jańbyr, burshaq jáne daýyl kútiledi. Kúndiz aptap ystyq 35 gradýsqa deıin jetedi. Óńirde tótenshe órt qaýpi saqtalady.
Batys Qazaqstan oblysynyń soltústiginde, ońtústiginde jáne shyǵysynda jańbyr men naızaǵaı boljanady.
Qaraǵandy oblysynda túnde jáne kúndiz jańbyr, naızaǵaı, birqatar bóliginde qatty jańbyr, burshaq jáne daýyl bolady. Jeldiń ekpini 23-28 m/s-qa deıin jetedi. Órt qaýpi joǵary deńgeıde saqtalady.
Qyzylorda oblysynda jańbyr jaýady. Soltústigi men ortalyǵynda túnde qatty jańbyr kútiledi. Naızaǵaı, daýyl jáne shańdy daýyl boljanady. Óńirdiń ortalyǵynda tótenshe órt qaýpi saqtalady.
Mańǵystaý oblysynyń soltústik-shyǵysynda, ońtústiginde jáne ortalyǵynda jańbyr, naızaǵaı, soltústik-shyǵysynda qatty jańbyr kútiledi.
Pavlodar oblysynda jańbyr, naızaǵaı, oblystyń batysy men ońtústiginde qatty jańbyr, burshaq jáne daýyl bolady. Aýa temperatýrasy 35 gradýsqa deıin kóteriledi. Órt qaýpi joǵary deńgeıde saqtalady.
Soltústik Qazaqstan oblysynda jańbyr, naızaǵaı, burshaq jáne daýyl boljanady. Túnde jáne tańerteń tuman kútiledi. Jeldiń ekpini 23-28 m/s-qa deıin jetedi.
Túrkistan oblysynyń soltústiginde, ońtústiginde jáne taýly aýdandarynda jańbyr, naızaǵaı, burshaq kútiledi. Batysy men soltústiginde shańdy daýyl bolýy múmkin. Óńirde joǵary órt qaýpi saqtalady.
Ulytaý oblysynda jańbyr, naızaǵaı, qatty jańbyr, burshaq jáne daýyl boljanady. Jeldiń ekpini 23-28 m/s-qa deıin kúsheıedi. Ońtústikte tótenshe órt qaýpi saqtalady.
