2 shilde. Tulǵalar týǵan kún
Búgin, 2 shilde kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
83 jyl buryn (1942) Qazaqstan Respýblıkasy Prezıdenti janyndaǵy Ulttyq quryltaı múshesi, Qazaqstannyń Eńbek Eri, Qazaqstan jáne Qyrǵyz Respýblıkasynyń halyq aqyny, jazýshy, qoǵam qaıratkeri Muhtar ShAHANOV dúnıege keldi.
Ońtústik Qazaqstan oblysy Otyrar aýdany Shilik aýylynda týǵan. Jeti jyldyq mektepti bitirgen soń, traktor tirkeýshisi, oblystyq «Ońtústik Qazaqstan» gazetinde korrektor, ádebı qyzmetker, «Lenınshil jas» gazetinde ońtústik oblystar boıynsha menshikti tilshi, Qazaqstan Jazýshylar odaǵy basqarmasynyń hatshysy, respýblıkalyq «Jalyn» jýrnalynyń bas redaktory t.b. qyzmetter atqardy. KSRO halyq depýtaty, KSRO Joǵarǵy Keńesiniń múshesi, QR Halyq depýtaty boldy. 1993-2003 jyldary Qazaqstan Respýblıkasynyń Qyrǵyz Respýblıkasyndaǵy Tótenshe jáne ókiletti elshisi qyzmetinde boldy. 2003-2004 jyldary «Jalyn» jýrnalynyń bas redaktory, álem oıshyldarynyń basyn biriktiretin «HHІ ǵasyr jáne Rýhanııat» atty halyqaralyq elıta klýbynyń prezıdenti. 2004 jyly QR Parlamenti Májilisiniń depýtaty boldy.
Kóptegen óleń kitaptarynyń jáne halyq arasyna keń taraǵan birqatar ánderdiń avtory. Balladalary men poemalary dúnıe júzi halyqtarynyń 20-dan astam tiline aýdarylǵan. «Mahabbat zańy», «Senim patshalyǵy», «Sokratty eske alý túni» atty dramalary respýblıkamyzda jáne shetel teatrlarynda qoıylǵan. Sh.Aıtmatovpen birlesip jazǵan «Quz basyndaǵy ańshynyń zary» atty esse kitaby men «Sokratty eske alý túni» dramasy kóptegen tilderge aýdarylǵan. «Shyńǵys hannyń pendelik qupııasy» dramalyq týyndysy negizinde Ýkraınanyń Dovjenko atyndaǵy kınostýdııasy eki serııaly telefılm shyǵardy. «Ýaqyt bederleri», «Zerde kitaby» atty jınaqtary orys tilinde shyqty. Qyrǵyz Respýblıkasynyń Halyq aqyny (1994), Qazaqstan Respýblıkasynyń Halyq jazýshysy (1996), BUU Qorshaǵan orta baǵdarlamasy syılyǵynyń, Qazaqstan jáne Búkilodaqtyq Lenın komsomoly syılyqtarynyń, Túrik Respýblıkasynyń «Túrik dúnıesine qyzmeti úshin» halyqaralyq syılyǵynyń jáne Qyrǵyz Respýblıkasy halyqaralyq «Rýhanııat», túrik dúnıesi jazýshylar birlestiginiń «Shahrııar», ıÝNESKO-nyń «Boorýker» klýby syılyqtarynyń ıegeri. 2002 jyly «Jazager jady kosmoformýlasy» shyǵarmasy úshin Kalıfornııa Ǵylym, ındýstrııa, bilim jáne óner akademııasynyń A.Eınshteın atyndaǵy altyn medali, Túrkııanyń Gebze qalasynda «Túrki tildes halyqtar arasyndaǵy eń úzdik álem aqyny» syılyǵy berilgen. «Tyń jáne tyńaıǵan jerlerdi ıgergeni úshin», «Eńbektegi erligi úshin» medaldarymen marapattalǵan.
58 jyl buryn (1967) Qazaqstan Respýblıkasy Prezıdentiniń ǵylym jáne ınnovatsııalar jónindegi keńesshisi Kúnsulý Daltonqyzy ZAKARЬıA dúnıege keldi.
Ulytaý oblysy, Ulytaý aýdany, Qarsaqpaı aýylynda dúnıege kelgen. Halyqaralyq Venetsııa ýnıversıtetin (Italııa) «Turaqty damý» kýrsyn bitirgen. Bıologııa ǵylymdarynyń kandıdaty (Almaty-1995), bıologııa ǵylymdarynyń doktory (Máskeý-2002).
Eńbek joly: M.Ospanov atyndaǵy Batys Qazaqstan memlekettik medıtsına akademııasynyń assıstenti, dotsenti, jas ǵalymdar keńesiniń tóraǵasy, patent bóliminiń meńgerýshisi, jaratylystaný ǵylymdary kafedrasynyń meńgerýshisi (1989-2003); professor, Jáńgir han atyndaǵy ZQATÝ, AÓMÝ ǵylym jáne halyqaralyq qatynastar kafedralarynyń meńgerýshisi. Q.Jubanova, Qoja Ahmet ıAsaýı atyndaǵy halyqaralyq tehnologııalar jáne servıs kolledji (2003-2006); Qazaqstan Respýblıkasy Qorshaǵan ortany qorǵaý mınıstrligi Ortalyq apparatynyń qyzmetkeri (2006-2008); QR BǴM ǴK «Qazaqstan Respýblıkasynyń Ulttyq bıotehnologııa ortalyǵy» RMK ǵylym departamentiniń dırektory (2008-2013); QR BǴM ǴK «Respýblıkalyq mıkroorganızmder kollektsııasy» RMK bas dırektorynyń orynbasary (2013-2018); QR DSM «Bıologııalyq qaýipsizdik máseleleri ǵylymı-zertteý ınstıtýty» RMK bas dırektory (2018-2022); QR DSM «QazBioPharm» Ulttyq holdıngi» AQ bas dırektory (2022-2023) Qazaqstan Respýblıkasy Prezıdentiniń janyndaǵy Qazaqstan Respýblıkasy Ulttyq ǵylym akademııasynyń prezıdenti (2023-2024).
54 jyl buryn (1971) Ulttyq táýelsiz emtıhan alý ortalyǵy basqarmasynyń tóraıymy Gúlmıra Tóreǵalıqyzy JANGEREEVA dúnıege keldi.
Aqtóbe memlkettik medıtsına ýnıversıtetin emdik is mamandyǵy boıynsha bitirgen (1994); Danubius ýnıversıteti, áleýmettik jumys (2018). «TPK Dına» JShS bas sanıtar dárigeri (2002-003); Atyraý qalasynyń temirjol aýrýhanasynda bas dárigerdiń emdeý isi jónindegi orynbasary (2003-2005); «Astana qalasynyń táýelsiz medıtsınalyq sarapshylar qaýymdastyǵy» QB basqardy (2005-2012); QR DSM «Respýblıkalyq densaýlyq saqtaýdy damytý ortalyǵy» RMK-nyń Bilim men daǵdylardy baǵalaý ortalyǵy respýblıkalyq uıymyna jetekshilik etti (2012-2017).
2017 jyldan bastap qazirgi qyzmetinde.
52 jyl buryn (1973) Qazaqstan Respýblıkasy Prezıdentiniń Aýǵanstan boıynsha arnaıy ókili Erkin Valıthanuly TUQYMOV dúnıege keldi.
Ózbekstannyń Termiz qalasynda týǵan. 1997 jyly Varshava halyqaralyq qatynastar ınstıtýtyn úzdik bitirip, 2004 jyly QR Ǵylym akademııasynyń Fılosofııa jáne saıasattaný ınstıtýtynyń aspırantýrasyn támamdady.
Eńbek jolyn 1997 jyly QR Prezıdenti janyndaǵy Qazaqstan strategııalyq zertteýler ınstıtýty syrtqy saıası zertteýler bóliminiń aǵa ǵylymı qyzmetkeri retinde bastady. 2000-2005 jyldary QSZI syrtqy saıasat bóliminiń meńgerýshisi.
2005-2007 jyldary Ortalyq Azııa demokratııany damytý qorynyń bas dırektory boldy. 2007-2008 jyldary QR Prezıdenti ákimshiliginde aqparattyq-taldaý ortalyǵynyń strategııalyq taldaý sektorynyń meńgerýshisi, Strategııalyq ázirlemeler jáne taldaý ortalyǵynyń strategııalyq halyqaralyq yqpaldastyq sektorynyń meńgerýshisi qyzmetterin atqardy.
2008 jyldyń maýsymynda QR Syrtqy ister mınıstrligi Ortalyq Azııa departamenti dırektorynyń orynbasary, keıinnen departament dırektory boldy. 2010 jylǵy qańtar aıynda Qazaqstan Respýblıkasy Qaýipsizdik Keńesi Taldaý bóliminiń meńgerýshisi boldy. Qazaqstannyń Qazandaǵy bas konsýly laýazymyna 2018 jyly taǵaıyndaldy.
2019-2022 jyldary Qazaqstan Respýblıkasynyń Reseı Federatsııasyndaǵy Elshiliginiń elshi-keńesshisi. 2022 jyldyń qańtarynan qazirgi qyzmetinde.
Dıplomatııalyq dárejesi – Qazaqstan Respýblıkasy Syrtqy ister mınıstrliginiń ІІ synypty keńesshisi. «Eren eńbegi úshin», «Qazaqstan Respýblıkasynyń Táýelsizdigine 20 jyl» medaldarymen marapattalǵan.
45 jyl buryn (1980) - Qazaqstan Respýblıkasynyń Shvetsııa Koroldigindegi jáne bir mezgilde Danııa Koroldigindegi Tótenshe jáne Ókiletti Elshisi Oljas Muhamedǵalymuly SÚLEIMENOV dúnıege keldi.
Pavlodar qalasynda týǵan. Abaı atyndaǵy Almaty memlekettik ýnıversıtetin (2002); Ulybrıtanııadaǵy Nottıngem ýnıversıtetin bitirgen (2011).
Eńbek joly: Qazaqstan Respýblıkasy Syrtqy ister mınıstrligi Konsýldyq qyzmet departamentiniń mamany (2002-2008); Qazaqstan Respýblıkasy Parlamenti Senaty Apparaty basshysynyń kómekshisi (2008-2011); Qazaqstan Respýblıkasy Parlamenti Senaty Apparatynyń Parlamentaralyq baılanystar jáne halyqaralyq yntymaqtastyq bóliminiń bas konsýltanty (2011-2012); Qazaqstan Respýblıkasynyń Ispanııadaǵy Elshiliginiń keńesshisi, keńesshi-mınıstri (2015-2020); Qazaqstan Respýblıkasy Syrtqy ister mınıstrligi Eýropa departamentiniń dırektory (03.2022-06.09.2024); Qazaqstan Respýblıkasynyń Shvetsııa Koroldigindegi Tótenshe jáne Ókiletti Elshisi (06.09.2024 j. bastap); Qazaqstan Respýblıkasynyń Danııa Koroldigindegi Tótenshe jáne Ókiletti Elshisi (21.04.2025 jyldan bastap)
2024 jyldyń qyrkúıek aıynan bastap qazirgi qyzmetinde.
43 jyl buryn (1982) TOP PRO CINEMA prodıýserlik ortalyǵynyń bas dırektory Aleksandr Vladımırovıch AKSıÝTITs dúnıege keldi.
Almaty qalasynda týǵan. Ál-Farabı atyndaǵy Qazaq Ulttyq ýnıversıtetiniń jýrnalıstıka fakýltetin bitirdi (2003).
Eńbek joly: qazaqstandyq telearnalarda tilshi jáne aqparattyq baǵdarlamalar redaktory, QR Prezıdenti baspasóz qyzmetiniń sarapshysy, «Habar» agenttigi» AQ «24 KZ» arnasynyń dırektory (2012-2014), «Bilim jáne Mádenıet» telearnasynyń dırektory (2015-2016). Salem Social Media Bas dırektory (2018-05.2021). «Ekspress-K» gazetiniń redaktsııasy» JShS dırektory (2021-2022).
«Qurmet» ordenimen (2013), «Baspasóz jáne aqparatty damytýǵa qosqan úlesi úshin» qurmet belgisimen (2015) marapattalǵan. QR Prezıdenti, «Nur Otan» HDP-nyń BAQ salasynda syılyǵynyń laýreaty (2006).