2 shildede ótetin mańyzdy sharalar ańdatpasy
NUR-SULTAN. QazAqparat – «QazAqparat» halyqaralyq aqparat agenttigi 2 shilde kúni elordada ótetin mańyzdy sharalar ańdatpasyn usynady.
11.00-de Astana halyqaralyq qarjy ortalyǵynda «Astana Finance Days» qarjy konferentsııasynda qarjy quraldaryn jetildirý perspektıvalary jáne qazaqstandyqtardyń salymdaryna kepildik berý máseleleri talqylanatyn brıfıng ótedi.
11.00-de Nur-Sultan qalasyndaǵy «Lokomotıv» zaýytynda lokomotıv pen teplovoz tartý boıynsha sporttyq shara ótedi. Báseke Qajymuqan Muńaıtpasovtyń 150 jyldyǵyna jáne Turǵanbaı Erjanovty eske alýǵa arnalǵan.
11.00-de QR Ulttyq mýzeıinde Astana kúnine oraı «Islam jáne adamzat: keshe, búgin, erteń» atty halyqaralyq fotosýret kórmesi ótedi.
12.30-da QR Prezıdenti janyndaǵy Ortalyq kommýnıkatsııalar qyzmetinde «Elimizde halyqaralyq vokal akademııasyn ashý jáne opera jáne balet ónerin damytý týraly» baspasóz máslıhaty ótedi. Spıkerler: QR Mádenıet jáne sport Vıtse-mınıstri Nurqısa Dáýeshov, «Astana Opera» Memlekettik opera jáne balet teatrynyń dırektory Ǵalym Ahmedıarov, «Astana Balet» teatrynyń dırektory Aleksandr Savostıanov, Abaı atyndaǵy Qazaq Memlekettik akademııalyq opera jáne balet teatrynyń dırektory Taıyr Qarataev. Kórsetilim siltemeleri: https://www.youtube.com/user/ortcomkz, https://ru-ru.facebook.com/ortcomkz.
16.30-da QR Prezıdenti janyndaǵy «Ortalyq kommýnıkatsııalar qyzmetinde «Sport túrleri boıynsha ulttyq qurama komandalar sportshylarynyń 2021 jylǵy XXXII jazǵy Olımpıada oıyndaryna qatysýy týraly» baspasóz máslıhaty ótedi. Spıkerler: QR Mádenıet jáne sport mınıstri Aqtoty Raıymqulova, bokstan QR bas bapkeri Ǵalymbek Kenjebaev, QR Ulttyq Olımpıada Komıtetiniń Bas hatshysy Andreı Krıýkov, 2008 jylǵy Olımpıada oıyndarynyń kúmis júldegeri, 2012 jylǵy Olımpıada oıyndarynyń chempıony, 2016 jylǵy Olımpıada oıyndarynyń qola júldegeri, Tokıodaǵy 2021 jylǵy Olımpıada oıyndarynyń tý kóterýshisi Olga Rypakova, álem chempıonatynyń eki dúrkin kúmis júldegeri, Olımpıada oıyndaryna azııa irikteý týrnıriniń kúmis júldegeri, Tokıoda 2021 jylǵy Olımpıada oıyndarynyń tý ustaýshy Qamshybek Qonqabaev. Kórsetilim siltemeleri: https://www.youtube.com/user/ortcomkz, https://ru-ru.facebook.com/ortcomkz.
19.30-da «Astana Balet» teatrynda bıylǵy maýsymnyń basty premerasy – RF eńbek sińirgen óner qaıratkeri Georgıı Kovtýn qoıǵan «Qozy Kórpesh – Baıan Sulý» (Mahabbat týraly dastan) baleti kórsetiledi.
