2 shildede Qazaqstannyń basym bóliginde óte ystyq aýa raıy saqtalady
ASTANA. QazAqparat - Qazaqstannyń basym bóliginde atmosferalyq aǵyndardyń ótýimen baılanysty keı jerlerde naızaǵaı oınap, jańbyr jaýady, jel kúsheıedi, respýblıkanyń soltústigi men shyǵysynyń keı jerlerinde burshaq jaýýy yqtımal, eldiń batysynda, ońtústik-batysynda shańdy daýyl kóteriledi, dep habarlady Tótenshe jaǵdaılar komıteti «Qazgıdrometke» silteme jasap.
Respýblıkanyń ońtústiginde, ońtústik-shyǵysynda jáne ońtústik-batysynda aýa raıy ashyq bolady.
Aqmola oblysynyń keı jerlerinde jel 15-20 m/s-qa deıin kúsheıip, kúndiz keı jerlerinde burshaq jaýýy yqtımal.
Soltústik Qazaqstan, kúndiz Shyǵys Qazaqstan oblystarynyń keı jerlerinde burshaq jaýýy múmkin, jel 15-20 m/s-qa deıin kúsheıedi.
Ońtústik Qazaqstan, Aqtóbe, Qostanaı, kúndiz Qyzylorda, Batys Qazaqstan, Pavlodar, Qaraǵandy oblystarynyń keı jerlerinde jel 15-20 m/s-qa deıin kúsheıedi.
Atyraý, Mańǵystaý oblysynyń keı jerlerinde shańdy daýyl kóterilip, jeldiń ekpini 15-20 m/s-qa deıin kúsheıedi.
Almaty, Jambyl, Qyzylorda, Atyraý, Pavlodar, Shyǵys Qazaqstan oblystarynda, Aqtóbe, Qostanaı, Qaraǵandy oblystyrynda óte ystyq aýa raıy saqtalady, Ońtústik Qazaqstan oblysynda kún qatty ysyp, keı jerlerinde aptap ystyq kútiledi.
Mańǵystaý oblysynda da aýa raıy óte qatty ysıdy.
Qyzylorda oblysynyń basym bóliginde, Atyraý, Batys Qazaqstan, Aqtóbe, Qaraǵandy, Jambyl, Ońtústik Qazaqstan, Almaty oblystarynda óte joǵary órt qaýpi saqtalady.
.
