2 shilde kúni Qazaqstannyń basym aýmaǵynda aýa raıy qubylmaly bolady - aýa raıy boljamy
ASTANA. 1 shilde. QazAqparat - Qazaqstannyń basym aýmaǵynda atmosferalyq aǵyndardyń ótýine baılanysty 2 shilde kúni aýa raıy qubylmaly bolady. Keı jerlerde kún kúrkirep, ótkinshi jaýyn jaýyp, burshaq túsýi múmkin. Ekpindi jel soǵyp, keı jerlerde daýyldap, shań kóterilýi yqtımal.
Bul týraly Qazgıdrometke silteme jasap, TJM-niń baspasóz qyzmetinen habarlady.
Aqmola, Ońtústik Qazaqstan, Qyzylorda, Batys Qazaqstan, Aqtóbe, Pavlodar, Shyǵys Qazaqstan oblystarynda keı jerlerde jel sekýndyna 15-20 metrge deıin kúsheıedi dep kútilýde. Qyzylorda oblysynda, kúndiz Batys Qazaqstan oblystarynda shań aralas daýyl soǵýy yqtımal.
Jambyl, Qaraǵandy oblystarynda keı jerlerde jeldiń ekpini sekýndyna 15-20 metrge jetedi, kúndiz burshaq jaýýy múmkin. Qostanaı, kúndiz Mańǵystaý oblystarynda da jeldiń ekpini sekýndyna 15-20 metrge jetedi, túnde keı jerlerde tuman bolady.
Elimizdiń soltústik-batysynda, soltústik-shyǵysynda, shyǵysynda, ońtústiginde, ońtústik-shyǵysy men ortalyǵynda tótenshe joǵary órt qaýpi tónýi múmkin.
Aldaǵy táýlikterde respýblıkanyń ońtústik, ońtústik-shyǵys jáne shyǵysyndaǵy taýly ózenderde sý deńgeıleriniń aýytqýlary kútilýde. Qazaqstan terrıtorııasynyń jazyq óńirindegi ózenderdiń gıdrologııalyq rejiminde aıtarlyqtaı ózgerister bolmaıdy.
