2 shilde. QazAqparat kúntizbesi
ATAÝLY KÚNDER
Ulttyq dombyra kúni
2018 jylǵy 13 maýsymda QR Prezıdentiniń Ulttyq dombyra kúnin belgileý týraly Jarlyǵy shyqty. Bul merekeni jyl saıyn shildeniń birinshi jeksenbisinde atap ótý týraly sheshim qabyldandy. «Rýhanı jańǵyrý» baǵdarlamasy aıasynda dombyra ulttyq mádenıetti álemge tanytýdyń sımvolyna aınaldy. ıÝNESKO sheshimimen bul kóne mýzykalyq aspap pen kúı adamzattyń materıaldyq emes murasy tizimine endi.
Qazaqstanda dıplomatııalyq qyzmet kúni
Qazaqstan Respýblıkasynyń Prezıdenti Nursultan Nazarbaevtyń 2009 jylǵy shildeniń 1-indegi «1998 jylǵy 20 qańtardaǵy Qazaqstan Respýblıkasy Prezıdenti Jarlyǵyna tolyqtyrýlar engizý týraly» Jarlyǵyna sáıkes atap ótiledi.
Dúnıejúzilik Ýfologtar kúni
2 shildede búkil álemde Beımálim ushatyn obekt kúni nemese Ýfologtar kúni (BUO - Beımálim ushatyn obekt kúni, Unidentified Flying Object) atap ótiledi.
Halyqaralyq sport jýrnalısteri kúni
Halyqaralyq sport baspasózi qaýymdastyǵynyń bastamasymen 1995 jyldan bastap atalyp ótedi. Dál osy kúni Halyqaralyq sport jýrnalısteriniń qaýymdastyǵy (aǵylshynsha International Sports Press Association - AIPS) qurylǵan bolatyn. Naqty aıtqanda, AIPS 1924 jyly 2 shildede quryldy.
ESTE QALAR OQIǴALAR
1996 jyly Qazaqstan Respýblıkasynyń «Saıası partııalar» týraly Zańy qabyldandy.
1998 jyly 2 shildede Áskerı-áýe kúshterin qurý týraly dırektıvaǵa qol qoıyldy. Sodan beri Áskerı-áýe kúshteri Qazaqstannyń áýe shebin kúzetýde.
1999 jyly Astrahan qalasynan burǵylaý barjasy sýǵa túsirildi. Bul sharaǵa QR Parlamenti Májilisiniń depýtaty, aqyn Farıza Ońǵarsynova qatysyp, burǵylaý barjasyna «Suńqar» esimin berdi.
Barjanyń uzyndyǵy - 85, eni - 53 metr, burǵylaý munarasyn qosa eseptegendegi bıiktigi - 50 metr, salmaǵy - 10000 tonna. Suńqardyń birinshi burǵylaý jumystary Shyǵys Qashaǵannan bastaý aldy.
2010 jyly «ArselorMıttal Temirtaý» AQ metallýrgııalyq kombınatynyń №4 domna peshinde Qazaqstan Magnıtiniń 50 jyldyǵyna oraı, mereıtoılyq shoıyn shyǵarý saltanaty ótti.
2011 jyly Beıbitshilik jáne kelisim saraıynda álemde jalǵyz ekshn janryndaǵy kınofestıvaliniń tusaýy kesildi. Bul kınofestıvaldiń negizin salýshy jáne prezıdenti - tanymal rejısser, prodıýser Tımýr Bekmambetov.
2013 jyly Qazaqstan Respýblıkasynyń ulttyq ǵarysh agenttigine baǵynysty «Respýblıkalyq ǵaryshtyq baılanys ortalyǵy» AQ Almaty oblysynyń Іle aýdanynda ornalasqan ǵaryshtyq ınfraqurylymnyń jańa nysanyna ıe boldy. Jańa nysan halyqaralyq standarttarǵa saı eń zamanaýı tehnıkalyq qurylǵylarmen jabdyqtalǵan.
2013 jyly Qazaqstannyń shet eldermen dıplomatııalyq qarym-qatynas ornatqanyna 20 jyl tolýyna arnalǵan markalardy aınalymǵa engizý rásimi ótti. Poshtalyq markada QR Prezıdenti Nursultan Nazarbaev jáne memlekettik tý fonyndaǵy Qazaqstannyń terrıtorııalyq bederi kún sáýlesimen beınelengen, onyń astynda qalyqtap ushqan qyran qusy. Kórkemdik blok jıeginde Qazaqstan Respýblıkasy dıplomatııalyq baılanys ornatqan memlketterdiń týlary beınelengen.
2014 jyly Astanada Qazaqstan Respýblıkasy Ulttyq mýzeıi ashyldy. Bul - Ortalyq Azııadaǵy biregeı joba. 74 myń sharshy metrden astam aýmaqta Qazaqstannyń arheologııalyq, etnografııalyq, tarıhı-mádenı eskertkishteri jınalǵan. Ulttyq mýzeıde Astana zaly, Táýelsiz Qazaqstan zaly, altyn zaly, kóne jáne ortaǵasyrlyq tarıh zaly, tarıh zaly, etnografııa zaly, qazirgi zaman óneri zaly bar.
2016 jyly qazaqstandyq arheologtar bizdiń eramyzǵa deıingi І ǵasyrdaǵy otbasylyq qazbalardy tapty. Olardyń DNQ quramyn anyqtaý úshin arnaıy japon genetıkteri shaqyryldy. Budan ózge, arheologtar Berel qorymdaryndaǵy Patshalar alqabynan bizdiń eramyzǵa deıingi III-IV ǵasyrlyq muralardy jáne patsha otbasynyń zıratyn tapty.
2017 jyly qazaqstandyq júzgish Dmıtrıı Balandın Bolgarııada ótken ashyq chempıonatta ekinshi medal ıelendi. Ol 50 metrge júzý boıynsha «qola» júlde jeńip aldy. Buǵan deıin ol 100 metrge júzip, altyn medal enshilegen bolatyn.
2018 jyly Astana BUU bastamasymen «Aqyldy» turaqty qalalar turǵyzý maqsatyna kúsh biriktirý» jobasyna kirý týraly resmı hat aldy. Astananyń jańa halyqaralyq bastamaǵa kirýin rastaıtyn hatty Astana Innovations basshysy Álisher Ábdiqadyrov aldy.
2018 jyly Táýelsizdik saraıynda «Global Silk Road» Jibek joly elderi qalalary merleriniń I forýmy ótti. Forýmǵa qatysýshylar «Beldeý men jol» jobasynda aımaqtaǵy ekonomıkalyq baılanystyń jańa tetikterin, osyǵan tartylǵan elderdiń ekonomıkalyq damýyn, mádenı salada jáne basqa da baǵyttarda oı almasty.
Dostyq sımvoly retinde «Jibek jolynyń Altyn kópiri» arhıtektýralyq kesheniniń irgetasyn qalaý tarıhı oqıǵa boldy. Kópirdiń uzyndyǵy – 28 metr. Ol jahandyq qoǵamdastyqtyń ortaq taǵdyr, ortaq múddeleri men ortaq jaýapkershiligin qurý týraly armanyn beıneleıdi.
2019 jyly Elordada «Astana» halyqaralyq qarjy ortalyǵynyń Soty men Halyqaralyq tórelik ortalyǵy ashyldy. Bul rásimge Qazaqstan Prezıdenti Qasym-Jomart Toqaev qatysty. Atalǵan quqyqtyq ınstıtýttar aǵylshyn quqyqtyq qaǵıdasy negizinde jumys isteıdi.
Astana Finance Days halyqaralyq forýmy aıasynda ótip jatqan sharada qarjy ortalyǵynyń bir jyldyq jumys nátıjesi qorytyndylanyp, ortalyqty basqarý jónindegi keńestiń otyrysy ótti. Prezıdent forýmǵa arnaıy kelgen birqatar delegattarmen kezdesý ótkizip, qarjy ortalyǵyn ary qaraı damytýǵa baǵyttalǵan naqty máselelerdi talqylady.
2021 jyly Tel-Avıvtegi (Izraıl) tanymal týrıstik aýdandardyń birindegi saıabaqta, teńiz porty jaǵalaýynda qazaq kıiz úıiniń ekspozıtsııasy ashyldy.
2022 jyly elordada Ǵabıt Músirepov kóshesindegi 7 mekenjaıynda qabyrǵa sýreti salynda. «Beıbitshilik» mýralynyń keskinin daryndy sýretshi Maǵıra Tileýberdına saldy.
