2 shilde. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER
2 shilde, S ÁR SENBІ
Dıplomatııalyq qyzmet kúni. Qazaqstan Respýblıkasy Prezıdenti N.Á. Nazarbaevtyń 2009 jylǵy shildeniń 1-indegi «1998 jylǵy 20 qańtardaǵy Qazaqstan Respýblıkasy Prezıdenti Jarlyǵyna tolyqtyrýlar engizý týraly» Jarlyǵyna sáıkes atap ótiledi.
Sport jýrnalısteriniń halyqaralyq kúni. Halyqaralyq sport baspasózi qaýymdastyǵynyń bastamasymen 1995 jyldan bastap atalyp ótiledi.
Ýkraınanyń salyq qyzmeti qyzmetkerleriniń kúni. Salyq qyzmeti Ýkraın KSR Mınıstrler Keńesiniń 1990 jyly aqpannyń 12-indegi «Ýkraın KSR-inde memlekettik salyq qyzmetin qurý týraly» qaýlysyna sáıkes qurylǵan bolatyn. 2005 jyly qazannyń 24-inde Ýkraına prezıdenti «Ýkraınanyń memlekettik salyq qyzmeti qyzmetkerleriniń kúni týraly» Jarlyqqa qol qoıdy. Jarlyqqa sáıkes jyl saıyn shildeniń 2-inde Ýkraınanyń salyqshylary kásibı merekelerin atap ótedi.
Norvegııanyń Memlekettik meıramy - Korol kúni. Qazaqstan men Norvegııa arasyndaǵy dıplomatııalyq qarym-qatynas 1992 jyly maýsymnyń 6-ynda ornatyldy.
ESTE QALAR OQIǴALAR
24 jyl buryn (1990) Óskemen qalasynda Salyq komıteti quryldy.
20 jyl buryn (1994) S.Toraıǵyrov atyndaǵy Pavlodar memlekettik ýnıversıtetiniń «Baıantaý» demalys úıi ashyldy. Demalys úıi Baıanaýyl ulttyq parkindegi Sabyndykól ózeniniń jaǵalaýynda ornalasqan.
1 8 jyl buryn (1996) Qazaqstan Respýblıkasynyń «Saıası partııalar» týraly Zańy qabyldandy.
1 6 jyl buryn (1998) Qazaqstan Respýblıkasynyń «Jemqorlyqpen kúres týraly» Zańy qabyldandy.
1 5 jyl buryn (1999) Astrahan qalasynan burǵylaý barjasy sýǵa túsirildi. Bul sharaǵa QR Parlamenti Májilisiniń depýtaty, aqyn Farıza Ońǵarsynova qatysyp, burǵylaý barjasyna «Suńqar» esimin berdi. Barja uzyndyǵy - 85 metr, eni - 53, burǵylaý munarasyn qosa eseptegendegi bıiktigi - 50, salmaǵy - 10000 tonna. Suńqardyń birinshi burǵylaý jumystary Shyǵys Qashaǵannan bastaý aldy.
1 1 jyl buryn (2003) QR Prezıdenti Nursultan Nazarbaev «Ujymdyq qaýipsizdik týraly Shart Uıymynyń quqyqtyq mártebesi týraly kelisimdi bekitý týraly» Zańǵa qol qoıdy.
1 1 jyl buryn (2003) QR Prezıdenti Nursultan Nazarbaev «Qazaqstan men Ázirbaıjan arasyndaǵy Kaspıı teńizi túbin eki el arasyndaǵy mejeleý týraly Kelisimdi jáne osy kelisimge hattamany bekitý týraly» Zańǵa qol qoıdy.
7 jyl buryn (2007) Astanada Esil ózeni arqyly ótetin M-2 avtokólik kópiri ashyldy. Kópirdiń saltanatty ashylý rásimine Elbasy Nursultan Nazarbaev qatysty. Kópirdiń uzyndyǵy - 362 metr, eni - 38,7 metr.
7 jyl buryn (2007) Shyǵys Qazaqstan oblysy Aıagóz qalasynyń polıtseıleri ózderiniń murajaıyn ashty.
Onda tarıhı materıaldar qoıylǵan: aýdan polıtsııasynyń burynǵy qyzmetkerlerdiń saqtap qoıýǵa tapsyrǵan qujattary, fotosýretteri jáne albomdary.
5 jyl buryn (2009) Astanada ótken Ekonomıka jáne ónerkásip salalaryndaǵy yqpaldastyq boıynsha qazaqstandyq-ıspandyq úkimetaralyq aralas komıssııasynyń kezekti IV otyrysynda Qazaqstan Respýblıkasy men Ispanııa Koroldigi arasyndaǵy birqatar eki jaqty qujattarǵa qol qoıyldy.
Qol qoıylǵan qujattar:
- Qazaqstan Respýblıkasy men Ispanııa Koroldigi arasynda Strategııalyq áriptestik týraly kelisimshart;
- Qazaqstan Respýblıkasy men Ispanııa Koroldigi Úkimetteri arasynda Tabys pen kapıtalǵa salynatyn salyqtarǵa qatysty qosarlanǵan salyq salýdy boldyrmaý jáne salyq salýdan jaltarýǵa jol bermeý týraly konventsııa;
- Ispanııa men Qazaqstan arasynda 2009-2011 jyldar kezeńine arnalǵan Bilim, ǵylym, mádenıet, jastar jáne sport salasyndaǵy yntymaqtastyq baǵdarlamasy;
- Qazaqstan Respýblıkasy Týrızm jáne sport mınıstrligi men Ispanııa Koroldiginiń Ónerkásip, týrızm jáne saýda mınıstrligi arasynda týrızm salasyndaǵy ózara túsinistik týraly memorandým.
5 jyl buryn (2009) Oral qalasyndaǵy Dostyq dańǵyly men Saraıshyq kóshesiniń qıylysynda Jýrnalıster alleıasy ashyldy.
3 jyl buryn (2011) Beıbitshilik jáne kelisim saraıynda álemde jalǵyz ekshn janryndaǵy kıno festıvaliniń tusaýy kesildi. Bul kınofestıvaldiń negizin salýshy jáne prezıdenti - tanymal rejısser, prodıýsser Tımýr bekmambetov. Bas dırektory - Iren Vanıdovskaıa.
515 jyl buryn (1499) Amerıgo Vespýchchı Amazonka saǵasyn ashty.
460 jyl buryn (1554) Groznyı patsha kezinde Astrahan handyǵy Reseıge qosyldy.
31 6 jyl buryn (1698) Tomas Seıverı álemdegi eń alǵashqy bý mashınasyna patent aldy.
15 4 jyl buryn (1860) Vladıvostok portty qalasynyń negizi qalandy.
11 4 jyl buryn (1900) Parıjde ІІ Olımpıada oıyndary ashyldy.
8 8 jyl buryn (1926) Tashkenttegi halyq aǵartý ınstıtýty Tashkent Qazaq pedagogıkalyq ınstıtýty bolyp qaıta quryldy.
60 jyl buryn (1954) Eýropa elderindegi tele uıymdar arasynda baǵdarlamalar almasýdy retteý maqsatynda Eýropalyq radıohabarlar taratý odaǵynyń sheńberinde qurylǵan Halyqaralyq telearna uıymy (Evrovıdenıe) jumys isteı bastady.
50 jyl buryn (1964) AQSh-ta qoǵamdyq oryndarda, oqý oryndarynda jáne saılaý kezinde násildik jáne dinı nanym-senimi boıynsha qysymshylyq kórsetýge tyıym salǵan azamattyq quqyq týraly zań kúshine endi.
3 8 jyl buryn (1976) Ońtústik Vetnam men Soltústik Vetam birigip, Vetnam birtutas sotsıalıstik memleket bolyp jarııalandy.
2 4 jyl buryn (1990) KOKP-nyń partııa tarıhyndaǵy sońǵy XXVIII sezi óz jumysyn bastady ESІMDER
10 9 jyl buryn (1905-1988) epızootolog, maldárigerlik ǵylymdarynyń doktory, professor GRıAZIN Vladımır Ivanovıch dúnıege keldi.
Petropavl qalasynda týǵan. Sibir (qazirgi Omby) maldárigerlik ınstıtýtyn bitirgen. Uly Otan soǵysyna qatysqan.
Qazaq maldárigerlik ǵylymı-zertteý ınstıtýtynyń zerthana meńgerýshisi bolǵan.
Negizgi ǵylymı eńbekteri epızootologııa máselelerine arnalǵan. Ol iri qaranyń alaókpe, týberkýlez, paratýberkýlez aýrýlaryn anyqtaý, olardan saqtandyrý máselelerin zerttegen.
100-den astam ǵylymı maqalanyń jáne 8 monografııanyń avtory. Sonymen qatar 26 ǵylym kandıdatyn daıarlaǵan.
2-dárejeli Otan soǵysy, Qyzyl Juldyz, «Qurmet belgisi» ordenderimen jáne medaldarmen marapattalǵan.
7 8 jyl buryn (1936-2013) Jumat Shanın atyndaǵy Qazaq drama teatrynyń ártisi, Qazaqstan Respýblıkasynyń halyq ártisi, "Parasat" ordeniniń ıegeri, Saıram aýdanynyń jáne Shymkent qalasynyń qurmetti azamaty bolǵan QALMYRZAEV Aqsaqal dúnıege keldi.
Ońtústik Qazaqstan oblysynyń Saıram aýdanynda týǵan. Tashkent qalasyndaǵy Orta Azııalyq Aleksandr Ostrovskıı atyndaǵy memlekettik teatr óneri ınstıtýtyn (qazirgi Mannon Ýıgýr atyndaǵy Tashkent memlekettik óner ıstıtýty) bitirgen.
Ol ulttyq jáne shetel, orys dramatýrgteriniń shyǵarmalarynda oınaǵan. Shyńǵys Aıtmatovtyń «Jámılasyndaǵy» - Danııar, Ǵabıt Músirepovtiń «Qyz Jibegindegi» - Tólegen, «Aqan seri - Aqtoqtysynda» - Murat, Jalmuqan, Mylqaý, Muhtar Áýezovtiń «Aıman - Sholpanynda» - Álibek, Arystandy, «Abaıyndaǵy» - Aıdar, Saǵyr Kamalovtyń «Er Tarǵynyndaǵy» - Er Tarǵyn, Zagır Ismagılovtyń «Qudashasyndaǵy» - Jappar, Ǵadjıbek Ǵadjıbekovtyń «Arshın mal alanyndaǵy» - Ásker, Beıimbet Maılınniń «Jalbyryndaǵy» - Súgir, Beken, «Shuǵasyndaǵy» - Ábish, t.b. tulǵalardy somdady. Ol osy sekildi 200-den astam obrazdardy sahna tórinde oınaǵan.
«Parasat» ordenimen, eki márte Qazaq KSR Joǵarǵy Keńesiniń Qurmet gramotasymen, «Úzdik eńbegi úshin» medalimen marapattalǵan.
2013 jyly 80-ge qaraǵan shaǵynda tamyljyǵan tamyzdyń basynda ol dúnıeden ozdy. 2013 jyly 20 qyrkúıekte Shymkent qalasynda ártistiń qyrqy berildi.
7 6 jyl buryn (1938) Qazaqstannyń Eńbek sińirgen ártisi , QR bilim berý salasynyń Qurmetti qyzmetkeri Tańatar Qońyruly NURALY dúnıege kelgen.
Oral oblysy Terekti aýdanynyń Uzynkól kentinde týǵan. Qurmanǵazy atyndaǵy Almaty memlekettik konservatorııasynyń orkestr fakýltetin orkestr ártisi, oqytýshy mamandyǵy boıynsha; Gnesınder atyndaǵy Memlekettik mýzykalyq-pedagogıkalyq ınstıtýtty kontserttik oryndaýshy mamandyǵy boıynsha bitirgen. Qurmanǵazy atyndaǵy Qazaq ulttyq konservatorııasynyń professory. «Mýzykalyq shyǵarmalardy oryndaý boıynsha ádistemelik nusqamalar» (1984), «Goboıǵa arnalǵan gammalardy zertteý boıynsha kómekshi qural» (1991), «Goboıǵa arnalǵan taıaqshalardy jasaý boıynsha núsqaýlyq» (1994), «Balalar mýzykalyq mektebinde goboıda oınaýdyń bastapqy sabaqtary» (1994), «Portretterge shtrıhtar» (2008) kitaptarynyń avtory. 1959 jyldan - Jambyl atyndaǵy fılarmonııanyń Memlekettik sımfonııalyq orkestriniń ártisi. 1967 jyldan beri - Qurmanǵazy atyndaǵy Qazaq ulttyq konservatorııasynyń oqytýshysy. «Jumystaǵy úzdik tabystary úshin» belgisimen marapattalǵan.
7 4 jyl buryn (1940) ǵalym, farmatsevtıka ǵylymdarynyń doktory, professor, Densaýlyq saqtaý isiniń úzdigi, Qazaqstan Respýblıkasy Densaýlyq saqtaý mınıstrligi janyndaǵy konsýltatıvtik keńestiń múshesi ÚShBAEV Keńesbaı Úshbaıuly dúnıege keldi.
Almaty oblysy Eńbekshiqazaq aýdanynda týǵan. Almaty memlekettik medıtsına ınstıtýtyn (S.D. Asfendııarov atyndaǵy Qazaq ulttyq medıtsınalyq ýnıversıteti), Lvov memlekettik medıtsına ınstıtýtynyń aspırantýrasyn bitirgen.
Qazaqtyń bas dárihana basqarma bastyǵynyń orynbasary, bastyǵy, Almaty memlekettik medıtsına ınstıtýtynyń oqý isi jónindegi prorektory, kafedra meńgerýshisi, Shymkent bólimshesiniń rektory, Shymkent farmatsevtıkalyq ınstıtýtynyń rektory, «Farmatsııa» memlekettik holdıngtik birlestiginiń bas dırektory, prezıdenti qyzmetterin atqarǵan. Qazirgi ýaqytta «Kompanııa farmatsııa» JShS-nyń dırektory, memlekettik ǵylymı-aqparattyq «Farmatsevtıcheskıı bıýlleten» atty jýrnalynyń bas redaktory.
Negizgi ǵylymı-tájirıbelik eńbekteri spazmolıtıkalyq áseri bar dári-dármekterdi farmatsııalyq, hımııalyq jáne toksıkologııalyq turǵydan zertteýdi uıymdastyrý máselelerine arnalǵan. Onyń basshylyǵymen 28 kandıdattyq jáne 3 doktorlyq dıssertatsııa qorǵalǵan. 150-den astam ǵylymı eńbektiń jáne 7 monografııa men anyqtamalyqtyń avtory.
7 2 jyl buryn (1942) Qazaqstannyń jáne Qyrǵyzstannyń halyq aqyny ShAHANOV Muhtar dúnıege keldi.
Ońtústik Qazaqstan oblysy Otyrar aýdany Shilik aýylynda týǵan. Jeti jyldyq mektepti bitirgen soń, traktordyń tirkeýshisi, oblystyq «Ońtústik Qazaqstan» gazetinde korrektor, ádebı qyzmetker, «Lenınshil jas» gazetinde ońtústik oblystar boıynsha menshikti tilshi, Qazaqstan Jazýshylar odaǵy basqarmasynyń hatshysy, respýblıkalyq «Jalyn» jýrnalynyń bas redaktory, t.b. qyzmetter atqardy. KSRO halyq depýtaty, KSRO Joǵarǵy Keńesiniń múshesi, QR Halyq depýtaty boldy. 1993-2003 jj. Qazaqstan Respýblıkasynyń Qyrǵyz respýblıkasyndaǵy Tótenshe jáne Ókiletti Elshisi qyzmetinde boldy. 2003-2004 jj. «Jalyn» jýrnalynyń bas redaktory, álem oıshyldarynyń basyn biriktiretin «HHІ ǵasyr jáne Rýhanııat» atty halyqaralyq elıta klýbynyń Prezıdenti. 2004 jyly QR Parlamenti Májilisiniń depýtaty boldy. Kóptegen óleń kitaptarynyń jáne halyq arasyna keń taraǵan birqatar ánderdiń avtory. Balladalary men poemalary dúnıe júzi halyqtarynyń 20-dan astam tilderine aýdarylǵan. «Mahabbat zańy», «Senim patshalyǵy», «Sokratty eske alý túni» atty dramalary respýblıkamyzda jáne shetel teatrlarynda qoıylǵan. Sh.Aıtmatovpen birlesip jazǵan «Quz basyndaǵy ańshynyń zary» atty esse kitaby men «Sokratty eske alý túni» dramasy kóptegen tilderge aýdarylǵan. «Shyńǵys hannyń pendelik qupııasy» dramalyq týyndysy negizinde Ýkraınanyń Dovjenko atyndaǵy kınostýdııasy eki serııaly telefılm shyǵardy. «Ýaqyt bederleri», «Zerde kitaby» atty jınaqtary orys tilinde shyqty. Qyrǵyz Respýblıkasynyń Halyq aqyny (1994), Qazaqstan Respýblıkasynyń Halyq jazýshysy (1996), BUU Qorshaǵan orta baǵdarlamasy syılyǵynyń, Qazaqstan jáne Búkilodaqtyq Lenın komsomoly syılyqtarynyń, Túrik Respýblıkasynyń «Túrik dúnıesine qyzmeti úshin» halyqaralyq syılyǵynyń jáne Qyrǵyz Respýblıkasy halyqaralyq «Rýhanııat», túrik dúnıesi jazýshylar birlestiginiń «Shahrııar», ıÝNESKO-nyń «Boorýker» klýby syılyqtarynyń ıegeri. 2002 jyly «Jazager jady kosmoformýlasy» shyǵarmasy úshin Kalıfornııa Ǵylym, ındýstrııa, bilim jáne óner akademııasynyń A.Eınshteın atyndaǵy altyn medali, Túrkııanyń Gebze qalasynda «Túrki tildes halyqtar arasyndaǵy eń úzdik álem aqyny» syılyǵy berilgen. «Tyń jáne tyńaıǵan jerlerdi ıgergeni úshin», «Eńbektegi erligi úshin» medaldarymen marapattalǵan.
6 6 jyl buryn (1948-2013) «Qazınpress» qaýymdastyǵy basqarmasynyń tóraǵasy, Qazaqstan Jýrnalıster odaǵy syılyǵynyń laýreaty DILЬDıAEV Grıgorıı Grıgorevıch dúnıege keldi.
Qazaq memlekettik ýnıversıtetin bitirgen. «Kazahstanskaıa pravda» gazetiniń ádebı qyzmetkeri, menshikti tilshisi, bólim meńgerýshisi bolǵan. 1985-1991 jyldary - «Pravda» gazetiniń tilshisi, tilshiler pýnktiniń meńgerýshisi. 1991-1994 jyldary - «Azııa» gazetiniń bas redaktory. 1994-1997 jyldary - «Kazahstanskaıa pravda» gazetiniń bas redaktory. 1995-1999 jyldary «Azııa - Ekonomıka jáne ómir» gazetiniń bas redaktory bolǵan.
2013 jyly qańtardyń 2-i kúni tanymal jýrnalısttiń júregi syr berip, ómirden ozdy.
5 7 jyl buryn (1957) QR Eńbek sińirgen ártisi BOLTAEVA Haına Ádilbekqyzy dúnıege kelgen. Shyǵys Qazaqstan oblysynda týǵan. Qurmanǵazy atyndaǵy Almaty memlekettik konservatorııasynyń orkestrlik fakýlteti halyq bólimin «qobyz», onyń ishinde kontserttik oryndaýshy, oqytýshy, mamandyǵy boıynsha bitirgen.1979 jyldan - Qurmanǵazy atyndaǵy Qazaq akademııalyq orkestriniń ártisi. 1995 jyldan - «Saltanat» Memlekettik bı ansambliniń ártisi.1996 jyldan beri - K. Táttimbet atyndaǵy Qazaq halyq aspaptar orkestriniń ártisi.Aspapshylardyń Qurmanǵazy atyndaǵy I Respýblıkalyq konkýrsynyń laýreaty.
54 jyl buryn (1960), Respýblıkalyq bıýdjettiń atqarylýyn baqylaý jónindegi esep komıtetiniń tóraǵasy ekonomıka ǵylymdarynyń doktory JAŃBYRShIN Qozy-Kórpesh Esimuly dúnıege keldi.
Aqtóbe oblysynda týǵan. Máskeý ekonomıkalyq-statıstıkalyq ınstıtýtyn jáne onyń aspırantýrasyn bitirgen.
Qazaq KSR Memlekettik josparlaý komıteti janyndaǵy Basqarý protsesiniń avtomattandyrylǵan júıesi ǵylymı-zertteý ınstıtýtynyń ınjeneri, Qazaq KSR Memlekettik josparlaý komıteti Ǵylym men tehnıka bóliminiń ınjeneri, Qazaq KSR Memlekettik josparlaý komıteti Basqarý jáne basshylyqtyń ekonomıkalyq ádistemelerin jetildirý bóliminiń aǵa ǵylymı qyzmetkeri, Qazaq KSR Memlekettik josparlaý komıteti janyndaǵy Ekonomıkalyq ǵylymı-zertteýler ınsıtýtynyń aǵa ǵylymı qyzmetkeri, Qazaqstan Respýblıkasy Ekonomıka jónindegi memlekettik komıteti ekonomıkalyq reformalar, naryqtyq qatynastar men kásipkerlikti damytýdy ádistemelik qamtamasyz etý bóliminiń bas mamany, Qazaqstan Respýblıkasy Prezıdenti janyndaǵy Joǵary ekonomıkalyq keńestiń ekonomıkalyq konsýltanttar keńesiniń keńesshisi, Qazaqstan Respýblıkasy Prezıdentiniń ekonomıkalyq keńesshisi, Eýropalyq qoǵamdastyq komıssııasynyń Qazaqstandaǵy Úılestirý bıýrosynyń ulttyq dırektory, Qazaqstan Respýblıkasy Prezıdenti janyndaǵy ekonomıkalyq konsýltanttar keńesi jetekshisiniń orynbasary, «TASIS» baǵdarlamasynyń Qazaqstandaǵy Úılestirý bıýrosynyń dırektory, Almaty qalasy ekonomıka jónindegi komıtetiniń tóraǵasy, Almaty qalasy ákiminiń orynbasary, Qazaqstan Respýblıkasy Qorǵanys mınıstriniń ekonomıka jáne qarjy jónindegi orynbasary, Qazaqstan Respýblıkasy Qaýipsizdik Keńesi Hatshysynyń orynbasary qyzmetterin atqarǵan. 2009 jyldyń qyrkúıeginen Qazaqstan Respýblıkasy Qaýipsizdik Keńesi Hatshysynyń orynbasary - Hatshylyq meńgerýshisi boldy. Qazirgi qyzmetine 2014 jylǵy 15 qańtarda Elbasy Jarlyǵymen taǵaıyndalǵan.
«Qurmet» ordenimen, medaldarmen marapattalǵan.
48 jyl buryn (1966) «Qazaqstan Astyq odaǵy» zańdy tulǵalar birlestiginiń prezıdenti, aýyl sharýashylyǵy ǵylymdarynyń doktory TІLEÝBAEV Nurlan Saqtapbergenuly dúnıege keldi.
Aqtóbe oblysynda týǵan. Ál-Farabı atyndaǵy Qazaq ulttyq ýnıversıtetin bitirgen. 1986-1992 jyldary - keńshar mehanızatory. 1992-1998 jyldary - «Alıbı» Aktsıonerlik qoǵamynyń prezıdenti qyzmetin atqarǵan. Qazirgi qyzmetinde 1998 jyldan bastap isteıdi. 2006-2008 jyldary - «Nur Otan» Halyqtyq-demokratııalyq partııasy saıası keńesiniń múshesi. 2006 jyldan - Qazaqstan Respýblıkasy Prezıdenti janyndaǵy kásipkerler keńesiniń múshesi. 2008 jyldan - «QazAgro» Ulttyq basqarýshy holdıngi» Aktsıonerlik qoǵamy dırektorlar keńesiniń múshesi.
«Qurmet» ordenimen, «Eren eńbegi úshin» medalimen marapattalǵan.
110 jyl buryn (1904-1996) frantsýz tenısshisi, Úlken dýlyǵa týrnıriniń 7 márte jeńimpazy, Lacoste kıim markasynyń negizin qalaýshy, 1926 jáne 1927 jyldardyń qorytyndysy boıynsha álemniń birinshi raketkasy LAKOST Rene dúnıege keldi.
Parıj qalasynda týǵan. 1923 jyly ony Devıs kýbogyna qatysý úshin Frantsııanyń qurama komandasyna shaqyrady. Osylaısha sport jolyndaǵy mansabyn bastaǵan ol arada 5 jyl ótkende Frantsııa ashyq chempıonatynyń fınalynda baq synaıdy. 1933 jyly frantsýzdyq trıkotaj kompanııasynyń prezıdenti Ande Jılemen birge tennıs kóılekterin shyǵaratyn «La Societe Chemise Lacoste» fırmasynyń negizin qalaıdy 92 jyl buryn (1922) frantsýz modeleri Per KARDEN dúnıege keldi.
89 jyl buryn (1925-1961) Afrıkanyń saıası qaıratkeri Patrıs LÝMÝMBA dúnıege keldi.
8 4 jyl buryn (1930) argentınalyq saıasatker, Argentına prezıdenti (1989-1999) Karlos Saýl MENEM dúnıege keldi.