2 sáýirde eldegi qaı joldar ashyq, qaısysy jabyq

ALMATY. KAZINFORM – «QazAvtoJol» ulttyq kompanııasy eldegi joldardyń qazirgi ahýaly týraly habarlady.

2026 jylǵy 2 sáýir saǵat 08:00-degi jaǵdaı boıynsha, Aqtóbe oblysynda respýblıkalyq mańyzy bar «Qostanaı – Rýdnyı – Denısovka – Komsomolskoe – Qarabutaq» avtojolynyń 5-83-shaqyrym aralyǵynda (Qarabutaq kenti – T.Júrgenov aýyly ýchaskesi) kóliktiń barlyq túri úshin qozǵalys ashyldy.

Jabyq joldar

Soltústik Qazaqstan oblysy

• Kúnniń kúrt jylynýy men qardyń qarqyndy erýine baılanysty «Tımırıazevo – Sarykól – Qostanaı oblysynyń shekarasy» avtojolynyń 0-30-shaqyrymy aralyǵynda (Tımırıazevo aýyly – Qostanaı oblysynyń shekarasy) qozǵalys shekteldi.

Pavlodar oblysy

• «Astana – Shiderti – Pavlodar – Ýspenka – Reseı shekarasy» avtojolynda (Qalqaman jol aıryǵy – Qalqaman kentine kireberis jáne Astana baǵytyna shyǵý) qozǵalysqa shekteý qoıyldy.

Qostanaı oblysy

• Jelqýar ózeninde sý tasýyna baılanysty (eni – 70 m, bıiktigi – 20 sm), «Marınovka aýylyna kireberis» avtojolynyń 0-9 shaqyrym aralyǵynda barlyq kólik túriniń qozǵalysyna shekteý engizildi.

Eske salaıyq, buǵan deıin sınoptıkter 2-4 sáýir aralyǵyndaǵy aýa raıyna boljam usynǵan edi.