2 sáýirde Qazaqstanda ótetin mańyzdy oqıǵalarǵa sholý

ASTANA

Saǵat 11:00-de Ortalyq kommýnıkatsııalar qyzmetinde QR Mádenıet jáne sport mınıstrliginiń tapsyrysymen Sh.Aımanov atyndaǵy «Qazaqfılm» kınostýdııasy jáne «DAR Play» kompanııasy túsirgen «Ámire» kórkem fılminiń premerasyna arnalǵan baspasóz máslıhaty ótedi.

Saǵat 11:00-de Senattyń Halyqaralyq qatynastar, qorǵanys jáne qaýipsizdik komıtetiniń músheleri D.Nazarbaevanyń basshylyǵymen JEO-2-ge barady.

Saǵat 12:20-da Ortalyq kommýnıkatsııalar qyzmetinde Astana qalasynyń 20 jyldyǵyn toılaý aıasynda ótetin Múmkindigi shekteýli balalarǵa arnalǵan «Juldyzaı» respýblıkalyq festıvali men spartakıadanyń bastalýyna baılanysty baspasóz máslıhaty ótedi.

Saǵat 13:00-de №1 Perınataldyq ortalyqta «Preeklampsııa skrınıngi» pılottyq jobasy bastalady.

Saǵat 15:00-de Astananyń N.Nazarbaev atyndaǵy halyqaralyq áýejaıyndaǵy VIP-termınalda «Boıng 737 MAX 8» jańa ushaǵynyń kelýine oraı úkimet, Qazaqstannyń avıatsııalyq qurylymdar men profıldik mınıstrlik basshylarynyń, sonymen qatar halyqaralyq avıatsııalyq qurylymdar ókilderiniń qatysýymen  is-shara ótkiziledi.

Saǵat 16:20-da Ortalyq kommýnıkatsııalar qyzmetinde «Eýroodaq - Qazaqstan: seriktestik pen yntymaqtastyqtyń 25 jyldyǵy» jýrnalısterge arnalǵan konkýrsyna baılanysty baspasóz máslıhaty ótedi.

Saǵat 19.00-de «Kinopark 8 IMAX Saryarka» kınoteatrynda «Ámire» fılminiń tusaýkeseri ótedi.

ALMATY

Saǵat 12:00-de Búkilálemdik aýtızm máseleleri týraly aqparattandyrý kúnine arnalǵan is-shara ótedi.

Saǵat 15:00-de «Qaırat» fýtzal klýbynyń sport kesheniniń baspasóz ortalyǵynda  almatylyq komandanyń jańa bas jattyqtyrýshy Paýlo Rıkardo Fıgeııro Sılvamen (Kaka) (Brazılııa) kelisimshartqa qol qoıý rásimi ótedi.

Saǵat 16.00-de «Alma U» ýnıversıtetetinde Búkilálemdik aýtızm máseleleri týraly aqparattandyrý kúnine arnalǵan baspasóz máslıhaty ótedi.