2 sáýirde el aýmaǵynda jel kúsheıip, kóktaıǵaq bolady
NUR-SULTAN. QazAqparat - 2 sáýir, senbi kúnine arnalǵan aýa raıy boljamy belgili boldy, dep habarlaıdy QazAqparat «Qazgıdrometke» silteme jasap.
Qazaqstannyń basym bóligi áli de antıtsıklonnyń yqpalynda bolǵandyqtan jaýyn-shashynsyz aýa raıy saqtalady.
Tek soltústikte, qıyr soltústik-batysta jáne eldiń ońtústiginiń taýly aımaqtaryna ótip jatqan tsıklon áser etedi. Osyǵan baılanysty jańbyr men qar jaýady.
Respýblıka boıynsha tuman túsip, kóktaıǵaq bolady, jel kúsheıedi, ońtústik-batysta shańdy daýyl soǵady.
Qostanaı oblysynyń soltústiginde tuman, kóktaıǵaq, jel 15-20 m/s deıin kúsheıedi.
Kúndiz Mańǵystaý oblysynyń batysynda, ońtústiginde jáne ortalyǵynda jel ekpini - 15-20 m/s, shańdy daýyl soǵady.
Aqtóbe oblysynyń shyǵysynda, ońtústiginde tuman, kúndiz soltústik-batysta, ońtústikte jel qarqyny 16 m/s jetedi.
Soltústik Qazaqstan oblysynyń soltústiginde kóktaıǵaq, oblystyń batysynda tuman, jeldiń kúshi 15-20 m/s tóńireginde bolady.
Aqmola oblysynyń soltústiginde túnde jáne tańerteń kóktaıǵaq bolady. Oblystyń ońtústik-batysynda, shyǵysynda tuman túsedi, soltústiginde, batysynda sekýndyna 15-20 metr jyldamdyqpen jel turady.
Almaty oblysynyń Alakól kólderinde jel ekpini 17-22 m/s deıin kúsheıedi.
Túnde Shyǵys Qazaqstan oblysynyń batysynda tuman túsedi, túnde ońtústik-shyǵysta jel qarqyny - 15-20 m/s.
Batys Qazaqstan oblysynyń soltústik-batysynda sekýndyna 15-20 metr jyldamdyqpen jel soǵady.
Túnde jáne tańerteń Jambyl oblysynyń ońtústiginde, soltústik-shyǵysynda, taýly aýdandarynda tuman túsedi.
Pavlodar oblysynyń soltústiginde, ońtústiginde, Atyraý oblysynyń batysynda tuman bolady.
