2 sáýir. Kún raıynyń boljamy
NUR-SULTAN. QazAqparat - 2 sáýirde Qazaqstan terrıtorııasynyń basym bóligi áli de joǵarǵy qysym aımaǵynda bolatyndyqtan, jaýyn-shashynsyz aýa raıy saqtalady. Tek elimizdiń ońtústik-shyǵysynda, batysynda jáne qıyr soltústiginde atmosferalyq frontaldy bólikterdiń ótýine baılanysty keı jerlerinde jaýyn-shashyn, ońtústik-shyǵysynda taýly aýdandarda mol jaýyn-shashyn (jańbyr, qar) túsedi.
Respýblıkanyń keı jerlerinde tuman, kóktaıǵaq, jeldiń kúsheıýi, ońtústik-batysta shańdy daýylmen, qıyr soltústikte jaıaý burqasynmen kútiledi.
Soltústik Qazaqstan oblysynyń túnde keı jerlerinde jaıaý burqasyn, tuman kútiledi, basym bóliginde jel 15-20, ekpini 23-28 m/s kúsheıedi.
Qostanaı, Jambyl oblystarynyń keı jerlerinde tuman, kóktaıǵaq kútiledi, jel 15-20 m/s, Qostanaı oblysynda ekpini 25 m/s jetedi.
Mańǵystaý oblysynyń keı jerlerinde jel 17-22 m/s kúsheıedi, kúndiz shańdy daýylmen. Aqmola oblysynyń keı jerlerinde tuman, jeldiń kúsheıýi 15-20 m/s kútiledi.
Atyraý, kúndiz Pavlodar oblystarynyń keı jerlerinde jel 15-20 m/s kúsheıedi.
Qyzylorda, Aqtóbe oblystarynyń túnde keı jerlerinde tuman kútiledi, kúndiz keı jerlerinde jel 15-20 m/s kúsheıedi.
Almaty, Qaraǵandy oblystarynyń keı jerlerinde tuman, kóktaıǵaq kútiledi.
Batys Qazaqstan, túnde jáne tańerteń Shyǵys Qazaqstan oblystarynyń keı jerlerinde tuman kútiledi.
