2 oblystaǵy respýblıkalyq mańyzy bar avtojoldar ýaqytsha jabyldy

ASTANA. QazAqparat - 3 naýryz saǵat 9:20 aqparatqa sáıkes 2 oblysta aýa raıynyń qolaısyzdyǵyna baılanysty respýblıkalyq mańyzy bar avtojoldardyń 4 ýchaskesinde qozǵalysqa ýaqytsha shekteý engizildi. Bul týraly QazAqparat Qazavtojolǵa silteme jasap habarlaıdy.

Abaı oblysynda «Almaty-Óskemen» tasjolynyń Qalbataý aýylynan Shyǵys Qazaqstan oblysynyń shekarasyna deıingi aralyǵynda jáne «Óskemen-Semeı» tasjolynyń Shyǵys Qazaqstan oblysynyń shekarasynan Semeı qalasyna deıingi aralyǵynda kóliktiń barlyq túri úshin jol qozǵalysyna shekteý engizildi.

Shyǵys Qazaqstan oblysynda «Almaty-Óskemen» tasjolynyń Abaı oblysynyń shekarasynan Qasym Qaısenov kentine deıingi aralyǵynda jáne «Óskemen-Semeı» tasjolynyń Gerasımovka aýylynan Abaı oblysynyń shekarasyna deıingi aralyǵynda kóliktiń barlyq túrleri úshin qozǵalys shekteldi.