2 oblystaǵy avtojol ýchaskelerinde qozǵalys shekteldi
ASTANA.QazAqparat – Búgin Saǵat 20:00-den bastap aýa raıynyń nasharlaýyna baılanysty respýblıkalyq mańyzy bar avtojoldardyń úsh ýchaskesinde kólik qozǵalysyna ýaqytsha shekteý engizildi, dep habarlaıdy QazAqparat Qazavtojolǵa silteme jasap.
Almaty oblysynda joldyń nashar kórinýine baılanysty joldardyń eki ýchaskesinde kólik qozǵalysy shekteldi: «Kókpek-Kegen-Túp» 0-72 km. Kókpek aýyly – Kegen aýyly ýchaskesi (kóliktiń barlyq túrlerine); «Almaty-Kókpek-Kóktal-Qorǵas» 130-230 km. Baıseıit aýyly – Chýnja aýyly ýchaskesi (kóliktiń barlyq túrleri úshin).
Shyǵys Qazaqstan oblysynda qar kóshkini júrý qaýpine baılanysty joldyń bir ýchaskesinde kólik qozǵalysy shekteldi: «Óskemen-Altaı-Úlken Naryn-Katon-Qaraǵaı-Rahmanovskıe klıýchı» 6-166 km. Ýshanovskoe aýyly - Altaı qalasy ýchaskesi (kóliktiń barlyq túrleri úshin).
