2 oblysta qar jaýady
NUR-SULTAN. QazAqparat - «Qazgıdromet» RMK Qazaqstannyń birqatar óńirlerine aýa raıyna baılanysty eskertý jarııalady, dep habarlaıdy QazAqparat.
14 mamyrda Pavlodar, Shyǵys Qazaqstan oblystarynda qar aralas jańbyr jaýyp, keı jerlerde naızaǵaı oınaıdy, daýyl soǵyp, burshaq túsýi múmkin. Soltústik-shyǵystan soǵatyn jeldiń kúshi keı jerlerde 15-20, kúndiz ekpini 23-28 m/s-ke deıin jetedi. 14-15 mamyrda túnde 1-6 gradýs úsik júrýi múmkin.
15-16 mamyrda túnde Qostanaı oblysynyń keı jerlerinde 3 gradýs úsik júredi.
14 mamyrda kúndiz Aqmola, Soltústik Qazaqstan oblystarynyń keı jerlerine naızaǵaı túsip, daýyl soǵady jáne burshaq jaýady. Soltústik-shyǵystan soǵatyn jeldiń kúshi keı jerlerde 15-20, ekpini 23-28 m/s-ke deıin jetedi. 15-16 mamyrda túnde 1-6 gradýs úsik júredi.
14-15 mamyr aralyǵynda Qaraǵandy oblysynyń keı jerlerinde naızaǵaı oınap, daýyl soǵady jáne burshaq jaýady. Soltústik-shyǵystan soǵatyn jeldiń kúshi keı jerlerde 15-20, ekpini 23-28 m/s-ke deıin jetedi. 14-16 mamyr kúnderi túnde 1-6 gradýs úsik júrýi yqtımal.
Al, elordada 14 mamyrda naızaǵaı oınap, daýyl soǵady jáne burshaq jaýady. Soltústik-shyǵystan soǵatyn jeldiń ekpini 15-20 m/s bolýy múmkin. 15-16 mamyrda túnde 1-3 gradýs úsik júredi. Daýyldyń yqtımaldylyǵy 90-95 %.
