2 oblystyq, 7 qalalyq jáne 12 aýdandyq máslıhattardyń depýtattary saılandy - OSK

29 qazanda Qazaqstan Respýblıkasynyń 11 óńirinde - Abaı, Aqtóbe, Almaty, ShQO, Jambyl, Jetisý, Qaraǵandy, Mańǵystaý, Pavlodar, SQO oblystarynda jáne Almaty qalasynda 21 saılaý okrýginen máslıhattardyń shyǵyp qalǵan depýtattarynyń ornyna saılaý ótti, dep habarlaıdy Kazinform Ortalyq saılaý komıssııasyna silteme jasap.

Barlyǵy 2 oblystyq, 7 qalalyq jáne 12 aýdandyq máslıhattardyń depýtattary saılandy.

"232 saılaý komıssııasy, onyń ishinde 10 oblystyq, 1 respýblıkalyq mańyzy bar qala, 5 qalalyq, 13 aýdandyq, 21 okrýgtik jáne 182 ýchaskelik saılaý komıssııalary jumyldyryldy.

Saılaý bıýlletenderine 69 kandıdat engizildi.

Ortasha básekelestik bir depýtattyq mandatqa úshten astam kandıdatty qurady. Eń úlken básekelestik - Almaty qalasyndaǵy №4 okrýg boıynsha bir orynǵa 6 úmitker. Eń azy - Jetisý oblysy boıynsha №6, 7, 8, 10 okrýgter boıynsha bir orynǵa 2 úmitker", - dep jazdy vedomstvodan.

Saılaýshylardyń kelýi 40,25 % quraǵan.

Saılanǵan 21 máslıhat depýtatynyń 15-in saıası partııalar usyndy, 6-y ózin-ózi usyndy. Onyń ishinde 18-i (85,7 %) erler, 3-eýi (14,3%) áıelder, 3-eýi  ózge ult ókilderi.

"Saılanǵan máslıhat depýtattarynyń ortasha jasy 43,8 jasty quraıdy.

Saılaý naýqany respýblıkanyń saılaý zańnamasy normalarynyń talaptaryna sáıkes ótti. Daýys berý kúni baıqaýdy kandıdattardyń senim bildirilgen adamdary, baıqaýshylar jáne Qazaqstan Respýblıkasynyń BAQ ókilderi, barlyǵy 780-nen astam adam júzege asyrdy", - dep jazdy OSK.

Qazaqstan Respýblıkasynyń Ortalyq saılaý komıssııasy osy saılaýdy uıymdastyrý jáne ótkizý kezinde aýmaqtyq saılaý komıssııalaryna ádistemelik basshylyqty, sondaı-aq olardyń qyzmetiniń Saılaý týraly Konstıtýtsııalyq zań talaptaryna sáıkestigin baqylaýdy júzege asyrdy.